బ్రోలో త్రివిక్రమ్ మార్క్ కనపడలేదే..!

పవర్ స్టార్ పవన్ కళ్యాణ్, మెగా మేనల్లుడు సాయి ధరమ్ తేజ్ కలిసి చేస్తున్న సినిమా బ్రో. తొలిసారి మామ, అల్లుళ్లు కలిసి నటిస్తుండటంతో, ఈ మూవీపై ఎక్కువ అంచనాలు ఉన్నాయి. కాగా, ఇప్పటి వరకు విడుదల చేసిన బ్రో మూవీ టైటిల్, పోస్టర్లు ఫ్యాన్స్ ని విపరీతంగా ఆకట్టుకుంటున్నాయి. ఈ మూవీ ట్రైలర్ కోసం ఫ్యాన్స్ చాలా ఆసక్తిగా ఎదురు చూశారు. అయితే, వారి ఎదురుచూపులకు తెరపడింది. నిన్న ట్రైలర్ రిలీజ్ చేశారు.

ఫ్యాన్స్ కి ట్రైలర్ విపరీతంగా నచ్చింది. అయితే, ఈ ట్రైలర్ చూసిన తర్వాత కొన్ని అనుమానాలు మొదలయ్యాయి. ట్రైలర్ లో త్రివిక్రమ్ మార్క్ ఏ మూలా కనిపించలేదు. ఈ మూవీ కి డైరెక్టర్ సముద్రఖని అయినప్పటికీ, ఈ మూవీ కోసం త్రివిక్రమ్ పని చేశాడనే విషయం తెలిసిందే. ఈ మూవీ కోసం ఏకంగా ఆయన మహేష్ గుంటూరు కారం పక్కన పెట్టి మరీ, బ్రో కోసం కష్టపడ్డాడు.

మరి, తివిక్రమ్ అంటే ఆ స్టైల్ స్పష్టంగా తెలుస్తుంది. త్రివిక్రమ్ డైలాగులే సినిమాకు బలం. అయితే, బ్రో ట్రైలర్ త్రివిక్రమ్ మార్క్ డైలాగ్ కానీ, సీన్ కానీ కనపడకపోవడంతో అనుమానం మొదలైంది. అసలు నిజంగా ఆయన ఈ మూవీ కోసం పనిచేశాడా అనే సందేహాలు వ్యక్తమౌతున్నాయి. మరి కొందరేమో, ట్రైలర్ లోనే మొత్తం సినిమా ఎలా తెలుస్తుంది..? సినిమా చూస్తే, ఆయన మార్క్ కనపడొచ్చు అని కామెంట్స్ చేస్తున్నారు.

ఇదిలా ఉండగా, ఈ మూవీ డబ్బింగ్ విషయానికి వస్తే, పవన్ ఒక్క రోజులోనే ఫినిష్ చేశాడట. దర్శకుడు సముద్రఖని పవన్ కి డబ్బింగ్ కోసం కేవలం ఒక్కరోజే సమయం ఇచ్చారట. ఆయన కూడా ఆ ఒక్క రోజులోనే మొత్తం పూర్తి చేసేశారట. మూవీ పూర్తి అవుట్ పుట్ చూసి చిత్ర బృందం చాలా సంతోషంగా ఉందట.

సముద్రఖని దర్శకత్వం వహించిన ఈ చిత్రంలో పవన్ కళ్యాణ్ పవర్ ఫుల్ క్యామియోలో నటించారు. కేతిక శర్మ, ప్రియా ప్రకాష్ వారియర్ లు కీలక పాత్రల్లో నటించిన ఈ చిత్రం 28 జూలై 2023న విడుదల కానుంది. తమిళంలో వచ్చిన వినోదమయ సీతం మూవీకి రీమేక్ గా ఈ చిత్రాన్ని చిత్రీకరించారు.