అన్‌స్టాపబుల్ 4: సింహం వర్సెస్ సింగం షో అదిరింది
తెలుగు చిత్ర పరిశ్రమలోని సీనియర్ హీరోలు మొత్తం సరికొత్త ప్రయోగాలు చేస్తూ ముందుకు సాగుతున్నారు.
తెలుగు చిత్ర పరిశ్రమలోని సీనియర్ హీరోలు మొత్తం సరికొత్త ప్రయోగాలు చేస్తూ ముందుకు సాగుతున్నారు. అందులో నటసింహా నందమూరి బాలకృష్ణ పేరు ప్రత్యేకంగా చెప్పుకోవాలి. అంతలా ఆయన ఆరు పదుల వయసు దాటినా ఏమాత్రం రెస్ట్ తీసుకోకుండా వరుసగా ప్రాజెక్టులను లైన్‌లో పెట్టుకుంటూ వెళ్తున్నారు. అలాగే, ‘అన్‌స్టాపబుల్ విత్ ఎన్‌బీకే’ అనే టాక్ షోను సైతం హోస్ట్ చేస్తున్న విషయం తెలిసిందే.
నందమూరి బాలకృష్ణ ఆహా ఓటీటీ కోసం ‘అన్‌స్టాపబుల్ విత్ ఎన్‌బీకే’ అనే కార్యక్రమానికి హోస్టుగా మారారు. ఎన్నో అంచనాలు, అనుమానాల నడుమ మొదలైన ఇది సూపర్ సక్సెస్ అయింది. ముఖ్యంగా ఇందులో బాలయ్య తనదైన యాంకరింగ్‌తో మెప్పించి ఇండియాలోనే బెస్ట్ షోలలో ఒకటిగా మార్చారు. దీంతో ఆహా ఇప్పటికే మూడు సీజన్లను పూర్తి చేసి.. ఇప్పుడు నాలుగో దాన్ని నడుపుతోంది.
‘అన్‌స్టాపబుల్ విత్ ఎన్‌బీకే’ షోలో భాగంగా ప్రస్తుతం జరుగుతున్న నాలుగో సీజన్‌లో ఇప్పటికే రెండు ఎపిసోడ్‌లు కంప్లీట్ అయిపోయాయి. ఈ క్రమంలోనే తాజాగా మూడో దాన్ని స్ట్రీమింగ్‌కు తీసుకు వచ్చారు. దీనికి ‘కంగువ’ మూవీ ప్రమోషన్ కోసం కోలీవుడ్ స్టార్ హీరో సూర్య, డైరెక్టర్ శివ, బాలీవుడ్ యాక్టర్ బాబీ డియోల్ హాజరయ్యారు. దీంతో ఈ ఎపిసోడ్‌పై ఆరంభంలోనే హైప్ ఏర్పడింది.
బాలయ్య హోస్ట్ చేస్తున్న ఈ షోలో హీరో సూర్య ‘కంగువ’ సినిమాకు సంబంధించిన విషయాలతో పాటు తన పర్సనల్ లైఫ్ మేటర్లను కూడా పంచుకున్నారు. ఈ క్రమంలోనే కొన్ని ఎమోషనల్ మూమెంట్లను కూడా గుర్తు చేసుకున్నారు. ముఖ్యంగా హోస్ట్ బాలకృష్ణ.. సూర్యను ఇరికించేలా కొన్ని ప్రశ్నలు అడగ్గా.. అతడు ఎంతో ఛాకచక్యంగా సమాధానాలు ఇచ్చాడు.
మొత్తంగా బాలయ్య - సూర్య మధ్య జరిగిన ‘అన్‌స్టాపబుల్ విత్ ఎన్‌బీకే’ ఎపిసోడ్ అన్ని వర్గాల వాళ్లను ఆకట్టుకునేలా సాగింది. అందుకే దీనికి చాలా తక్కువ సమయంలోనే విశేషమైన స్పందన లభించింది. ఫలితంగా ఆహా ఓటీటీలో ఈ ఎపిసోడ్‌కు భారీ స్థాయిలో వ్యూస్ కూడా లభిస్తున్నాయి. దీంతో సింహా వర్సెస్ సింగం ఎపిసోడ్ చాలా తక్కువ సమయంలోనే టాప్‌లో ట్రెండింగ్ అవుతోంది.
ఇదిలా ఉండగా.. సూర్య నటించిన ‘కంగువ’ మూవీ నవంబర్ 14వ తేదీన ఎంతో గ్రాండ్‌గా రిలీజ్ కాబోతుంది. ప్రస్తుతం వరల్డ్ వైడ్‌గా ఈ మూవీ సందడే కనిపిస్తోంది. తెలుగు రాష్ట్రాల్లో సైతం దీనికి మంచి స్పందన వస్తోంది. ఈ పరిస్థితుల్లో బాలయ్యతో చేసిన ‘అన్‌స్టాపబుల్’ ఎపిసోడ్ సూర్య చిత్రానికి మరింత హైప్ తీసుకు వస్తోంది.