ఆ బ్యూటీ విష‌యంలో అమ్మ‌డు ప‌ర్పెక్ట్ జ‌డ్జ్ మెంట్!

'యానిమ‌ల్' తో పాన్ ఇండియాలో సంచ‌ల‌న‌మైన త్రిప్తీ డిమ్రీ క్రేజ్ గురించి చెప్పాల్సిన ప‌నిలేదు. ఒక్క స‌క్సెస్ అమ్మ‌డి జీవితాన్నే మార్చేసింది. అంత‌కు ముందు ఎన్నో సినిమాలు చేసినా రాని గుర్తింపు ఒక్క సినిమాతో వ‌చ్చే సింది. దీంతో బాలీవుడ్ లో అవ‌కాశాలే క్యూ క‌ట్టాయి. ప్ర‌స్తుతం అమ్మ‌డు నేష‌న‌ల్ క్ర‌ష్ గానూ దూసుకుపోతుంది. కుర్ర కారులో అమ్మ‌డి క్రేజ్ మామూలుగా లేదిప్పుడు. తాజాగా బాలీవుడ్ సోష‌ల్ మీడియా టాప్ స్టార్ ఉర్పీ జావెద్ త్రిప్తీ డిమ్రీని ఉద్దేశించి ఆస‌క్తిక‌ర వ్యాఖ్య‌లు చేసింది.

ఓ యూ ట్యూబ్ ఇంట‌ర్వ్యూలో ఇష్ట‌మైన హీరోయిన్ ఎవ‌రు? అంటే అమ్మ‌డు త్రిప్తీ పేరు చెప్పింది. `త్రిప్తీ అంటే ఇష్టం. అందంగా ఉంటుంది. అంతే అంద‌మై దుస్తులు ధ‌రిస్తుంది. ఫ్యాష‌న్ ప్రియులు ఆమెను చూసి లైక్ చేస్తారు` అంది. అనంత‌రం ఏ హీరోయిన్ ని డాన్సు న‌చ్చ‌దు అంటే త్రిప్తీ పేరునే చెప్పింది. ఆమె న‌టించిన విక్కీ విద్యా కావాలా వీడియో సినిమా చూసాను. అందులో ఆమె డాన్సులు అస్స‌లు బాగోలేదు.

డాన్స్ కి సంబంధించి ఆమె ఇంకా శిక్ష‌ణ తీసుకుంటే బాగుండేది. ఆమె త‌ప్ప‌కుండా డాన్సుల క్లాస్ ల‌కు వెళ్లాలి` అంది. అయితే డాన్సు విష‌యంలో త్రిప్తీ డిమ్రీని ఉర్పీ జావేద్ మాత్ర‌మే కాదు నెట్టింట నెటి జ‌నులు కూడా తీవ్ర విమ‌ర్శించారు. `మేరే మోహ‌బూబా` పాట‌లో త్రిప్తీ డాన్సు బాగోలేద‌ని ఓపెన్ గానే చెప్పారు. అద్భుత‌మైన పాట‌కు అంద‌మైన స్టెప్పులు తోడైతే ఆ పాట‌కు మ‌రింత స‌క్సెస్ అయ్యేది.

కానీ త్రిప్తీ కార‌ణంగా పాట కిల్ అయింద‌ని అభిప్రాయ ప‌డ్డారు. అయితే దీనిపై త్రిప్తీ డిమ్రీ కూడా త‌న వైపు నుంచి వివ‌ర‌ణ ఇచ్చే ప్ర‌య‌త్నం చేసింది. ఆపాట‌కి అలాంటి విమ‌ర్శ‌లొస్తాయ‌ని ఊహించ‌లేద‌ని, కానీ ఇలాంటి విమ‌ర్శ‌లు త‌న లాంటి వారు ఎదుర్కోక త‌ప్ప‌ద‌న్నారు.` కొంత‌మందికి కొన్ని న‌చ్చుతాయి..మరికొంత మందికి న‌చ్చ‌వ్. అంద‌రికీ అన్నీ న‌చ్చాల‌ని లేదు క‌దా` అని చెప్పుకొచ్చింది.