ఈ సారి ఫుల్‌ డ్రెస్ వేసుకున్నా చూడండి..!
సమంత ప్రధాన పాత్రలో నటించిన సిటాడెల్‌ : హనీ బన్నీ వెబ్‌ సిరీస్ నిన్నటి నుంచి స్ట్రీమింగ్‌ అవుతున్న విషయం తెల్సిందే.
సమంత ప్రధాన పాత్రలో నటించిన సిటాడెల్‌ : హనీ బన్నీ వెబ్‌ సిరీస్ నిన్నటి నుంచి స్ట్రీమింగ్‌ అవుతున్న విషయం తెల్సిందే. అమెజాన్ ప్రైమ్‌లో స్ట్రీమింగ్‌ అవుతున్న సిటాడెల్‌ వెబ్‌ సిరీస్‌లో సమంతతో పాటు బాలీవుడ్‌ స్టార్ నటుడు వరుణ్ ధావన్‌ ముఖ్య పాత్రలో నటించిన విషయం తెల్సిందే. సమంత, వరుణ్ ల కాంబో సన్నివేశాలతో పాటు, యాక్షన్‌ సన్నివేశాలకు మంచి స్పందన దక్కింది. భారీ అంచనాల నడుమ ప్రేక్షకుల ముందుకు వచ్చిన సిటాడెల్‌ గురించి సోషల్‌ మీడియాలో అమితంగా ప్రచారం చేయడం జరిగింది. హీరో వరుణ్ ధావన్‌ ప్రీ స్ట్రీమింగ్‌ ప్రమోషన్స్ మాత్రమే కాకుండా పోస్ట్‌ స్ట్రీమింగ్‌ ప్రమోషన్‌ సైతం చేస్తూ వస్తున్నారు.
తాజాగా సోషల్‌ మీడియా ద్వారా వరుణ్ ధావన్‌ ని ఉద్దేశించి... సిటాడెల్‌ వెబ్‌ సిరీస్ మూడు ఎపిసోడ్‌లు చూశాను. సిరీస్‌లో యాక్షన్‌ ఎపిసోడ్స్ బాగున్నాయి. వరుణ్, సమంత ఇద్దరూ అద్భుతంగా నటించారు. ఇద్దరూ యాక్షన్‌ సన్నివేశాల్లో బాగా చేశారు. ఎప్పటిలాగే ఇందులోనూ వరుణ్ ధావన్‌ నగ్నంగా కనిపించారు. పాపం ప్రతి దర్శకుడు ఎందుకు వరుణ్ ను అలా చూపించాలని అనుకుంటారు. ఆయనతో చేసే దర్శకులు అంతా ఎందుకు అలాంటి సన్నివేశాలను ప్లాన్‌ చేస్తున్నారో అర్థం కావడం లేదు అంటూ ఆ నెటిజ్‌ చేసిన కామెంట్‌ కి వరుణ్ ధానవ్‌ స్వయంగా స్పందిస్తూ ఫన్నీ ఆన్సర్‌ ఇచ్చారు.
వరుణ్ ధావన్‌ స్పందిస్తూ... సిటాడెల్‌లో నేను ఎక్కువగా ఫుల్‌ డ్రెస్ వేసుకుని నటించాను. మీరు ముందు ముందు ఎపిసోడ్స్ సైతం చూస్తే అర్థం అవుతుంది అంటూ ఫన్నీ రిప్లై ఇచ్చారు. గత కొంత కాలంగా వరుణ్ ధావన్‌ నటిస్తున్న సినిమాల్లో ఎక్కువ శాతం ఏదో ఒక సీన్‌లో నగ్నంగా కనిపించడం కామన్ అయింది. అందుకే ఈ వెబ్‌ సిరీస్‌లోనూ అలాంటి సన్నివేశాలు ఉంటాయేమో అని అంతా భావించారు. అయితే వరుణ్ ధావన్‌ ఇందులోనూ కొన్ని సన్నివేశాల్లో అలా నటించాల్సి వచ్చింది. అయితే ఎక్కువ శాతం మాత్రం పూర్తిగా డ్రెస్ వేసుకుని నటించాను అంటూ వరుణ్ ధావన్‌ స్వయంగా చెప్పడంతో సిరీస్ పై మరింత ఆసక్తి పెరుగుతుంది.
రాజ్ అండ్ డీకే దర్శకత్వంలో రూపొందిన ఈ వెబ్‌ సిరీస్‌లో సమంత పాత్రకు ఇప్పటికే మంచి స్పందన దక్కింది. సమంత యాక్షన్‌ సన్నివేశాలను ఇంత అద్భుతంగా చేస్తుందా అంటూ ప్రేక్షకులు ముక్కున వేలేసుకుంటున్నారు. ఈ సిరీస్ తర్వాత ఆమెకు బాండ్‌ తరహా సిరీస్‌లు సైతం వస్తాయేమో అనే అభిప్రాయంను చాలా మంది వ్యక్తం చేస్తున్నారు. వరుణ్ ధావన్‌ సైతం ఈ సిరీస్ తో నటుడిగా తనను తాను మరింతగా ప్రూవ్‌ చేసుకునే అవకాశం దక్కింది. జాతీయ స్థాయిలో అమెజాన్ ప్రైమ్‌లో ట్రెండ్‌ అవుతున్న సిటాడెల్‌ వెబ్‌ సిరీస్ కి ముందు ముందు ఎలాంటి స్పందన దక్కుతుంది అనేది చూడాలి.