హింసతో దర్శకుడి నుంచి టైటిల్ లాగిన నాగవంశీ

విజయ్ దేవరకొండ మరోసారి తన హై వోల్టేజ్ యాక్షన్ మార్క్ చూపించేందుకు సిద్ధమవుతున్నారు. గౌతమ్ తిన్ననూరి దర్శకత్వంలో రూపొందుతున్న స్పై యాక్షన్ డ్రామా VD 12 అనే వర్కింగ్ టైటిల్‌తో ఎంతో కాలంగా ప్రేక్షకుల ఆసక్తిని పెంచుతోంది. ఈ సినిమా కోసం విజయ్ తన లుక్, బాడీ లాంగ్వేజ్‌లో కొత్త ప్రయోగం చేస్తుండటంతో, ఇప్పటికే ఈ ప్రాజెక్టుపై మంచి హైప్ ఉంది. భారీ బడ్జెట్‌తో తెరకెక్కుతున్న ఈ పాన్ ఇండియా సినిమాలో భాగ్యశ్రీ బోర్సే కథానాయికగా నటిస్తోంది.

ఇక విజయ్ దేవరకొండకు ఈ ప్రాజెక్టు చాలా ప్రత్యేకమైనదిగా మారబోతోందని ఇండస్ట్రీ వర్గాలు చెబుతున్నాయి. 'లైగర్' వంటి ప్రాజెక్ట్‌తో ఊహించని ఫలితాన్ని అందుకున్న విజయ్, ఈ సినిమా ద్వారా మళ్లీ ఫామ్‌లోకి రావాలని చూస్తున్నారు. గౌతమ్ తిన్ననూరి టేకింగ్ స్టైల్, కథల ఎంపిక అందరికీ ప్రత్యేకంగా ఉంటుంది. 'జెర్సీ' లాంటి ఎమోషనల్ కథతో ప్రేక్షకులను ఆకట్టుకున్న గౌతమ్, ఇప్పుడు పూర్తి యాక్షన్ మోడ్‌లోకి మారడం అందరిలో ఆసక్తిని రేకెత్తిస్తోంది.

అయితే సినిమా టైటిల్‌కు సంబంధించి ఎన్నో ఊహాగానాలు సోషల్ మీడియాలో హల్చల్ చేస్తున్నాయి. ఫ్యాన్స్ కూడా సోషల్ మీడియాలో మేకర్స్ ను ట్యాగ్ చేస్తూ గట్టిగానే అడుగుతూ వచ్చారు. ఇక చివరకు, ఈ విషయం గురించి నిర్మాత నాగ వంశీ స్పందించారు. "మీ అందరి అభ్యుస్ తరువాత.. నేను గౌతమ్ ని చాలా హింస పెట్టాక.. ఫైనల్ గా మేము టైటిల్ లాక్ చేశాం. VD12 టైటిల్ త్వరలోనే వస్తుంది" అంటూ సరదాగా వ్యాఖ్యానించారు.

ఫైనల్ గా ఇన్నాళ్ళకు ఫ్యాన్స్ ఎప్పటినుంచో వేచిచూస్తున్న టైటిల్ అనౌన్స్‌మెంట్ త్వరలో రానుందని హామీ ఇచ్చారు. లేటెస్ట్ అప్‌డేట్ ప్రకారం, ఈ సినిమా టైటిల్ తో పాటు, గ్లింప్స్ కూడా ఫిబ్రవరి 7 విడుదల చేయనున్నారని సమాచారం. దీనిపై అధికారిక ప్రకటన త్వరలో వెలువడనుంది. VD 12 కోసం సితార ఎంటర్‌టైన్‌మెంట్స్, ఫార్చ్యూన్ ఫోర్ సినిమాస్ కలిసి భారీ బడ్జెట్ కేటాయించారు. శ్రీకర స్టూడియోస్ సమర్పకులుగా వ్యవహరిస్తున్నారు.

ఈ చిత్రానికి అనిరుధ్ రవిచందర్ సంగీతం అందిస్తుండటంతో, మ్యూజిక్ కూడా మరో ప్రధాన ఆకర్షణగా మారబోతోంది. ముఖ్యంగా బ్యాక్‌గ్రౌండ్ స్కోర్ సినిమాకు ప్రధాన బలం అవుతుందని చెబుతున్నారు. విజయ్ దేవరకొండ ఈ సినిమాలో ఓ పవర్‌ఫుల్ స్పైగా కనిపించబోతున్నారని, ఆయన క్యారెక్టర్ డిజైన్ ఇప్పటివరకు చేసిన పాత్రలకు పూర్తిగా భిన్నంగా ఉంటుందని సమాచారం.