అలాంటి ఐకాన్ తో డాన్స్ అంటే ఒళ్లొంచి ప‌నిచేయాలి!
ఈ సినిమా స‌క్సెస్ లో భాగంగా విద్యాబాల‌న్ మూవీ విశేషాల‌ను పంచుకుంది. `ప్రేక్ష‌కులు మా చిత్రాన్ని ఆద‌రిస్తున్నందుకు సంతోషంగా ఉంది.
బాలీవుడ్ లో విద్యాబాల‌న్ కెరీర్ జ‌ర్నీ గురించి చెప్పాల్సిన ప‌నిలేదు. క‌మర్శియ‌ల్ చిత్రాల‌తో పాటు సోలో నాయిక‌గాను అమ్మ‌డు బాక్సాఫీస్ వ‌ద్ద స‌త్తా చాటుతోంది. యంగ్ హీరోల చిత్రాల్లో కీల‌క పాత్ర‌లు సైతం పోషించి సినిమాకి ప్ర‌త్యేక ఆక‌ర్ష‌ణ‌గా నిలుస్తుంది. ఇటీవ‌ల రిలీజ్ అయిన `భూల్ భుల‌య్య-3`లోనూ న‌టించిన సంగ‌తి తెలిసిందే. ఈ సినిమా కూడా మంచి విజ‌యం సాధించింది. ఆ ర‌కంగా అమ్మ‌డి ఖాతాలో మ‌రో స‌క్సెస్ న‌మోదైంది.
ఈ సినిమా స‌క్సెస్ లో భాగంగా విద్యాబాల‌న్ మూవీ విశేషాల‌ను పంచుకుంది. `ప్రేక్ష‌కులు మా చిత్రాన్ని ఆద‌రిస్తున్నందుకు సంతోషంగా ఉంది. నా కెరీర్ లో ఇదే బిగ్గెస్ట్ స‌క్సెస్. ఇలాంటి విజ‌యం కోసం ఎంతో కాలంగా ఎదురు చూస్తున్నాను. భూల్ భుల‌య్య-3లో భాగ‌మ‌వుతాన‌ని.. మంజులిక పాత్ర పోషిస్తాన‌ని అస్స‌లు ఊహించ‌లేదు. ఎన్నో ఏళ్లు అయిన‌ప్ప‌టికీ ఆ పాత్ర‌ను ఇంకా ప్రేక్ష‌కులు అలా గుర్తు పెట్టుకునే ఆద‌రించారు.
ఈ సంతోషాన్ని మాట‌ల్లో చెప్ప‌లేను` అన్నారు. అలాగే మాధురీ దీక్షిత్ తో డాన్స్ చేయ‌డం గురించి విద్యాబాల‌న్ స్పందించింది. `నేనేమీ గొప్ప డాన్స‌ర్ ని కాదు. మాధురీ దీక్షిత్ లాంటి డాన్స్ ఐకాన్ తో కలిసి సాంగ్ చేయాల్సి వ‌చ్చిన‌ప్పుడు ఎంతో క‌ష్ట‌ప‌డాలి. సెట్ లోకి అడుగు పెట్టాక ఎప్పుడూ ఒత్తిడికి లోను కాలేదు. ఆమెతో స‌రితూగేలా డాన్స్ చేయాల‌ని నాకు తెలుసు. కాక‌పోతే నా రోల్ కి మాత్రం న్యాయం చేసాను. జీవితంలో ఒక్క‌సారే ఇలాంటి అవ‌కాశం ద‌క్కుతుంది` అని తెలిపింది.
భూల్ భుల‌య్య లో మంజులిక పాత్ర ఎంతో ఫేమ‌స్ అయింది. మొద‌టి భాగంలో ఆ పాత్ర‌ను విద్యాబాల‌న్ పోషించ డంతోనే పెద్ద స‌క్సెస్ అయింది. అయితే రెండ‌వ భాగంలో అదే పాత్ర‌ను ట‌బు పోషించింది. ఈ భాగం కూడా మంచి విజ‌యం సాధించింది. కానీ మూడ‌వ భాగంలో మాత్రం అదే పాత్ర‌కు మ‌ళ్లీ విద్యాబాల‌న్ ని ఎంపికైంది. తొలుత ఆ పాత్ర‌లో న‌టించ‌డానికి విద్యాబాల‌న్ ఆస‌క్తి చూపించ‌లేదు. ఆ కార‌ణంగా రెండ‌వ భాగం నుంచి తప్పుకుంది.