బాక్సాఫీస్ ఫైట్ లో ఎన్టీఆర్, విజయ్?

ఈ ఏడాది సంక్రాంతిలో విక్టరీ వెంకటేష్ ‘సంక్రాంతికి వస్తున్నాం’ మూవీ బాక్సాఫీస్ విన్నర్ గా నిలిచింది. దీని తర్వాత బాలయ్య ‘డాకు మహారాజ్’ మూవీ కూడా సూపర్ హిట్ గా టాక్ తెచ్చుకొని మంచి వసూళ్లని రాబట్టింది. ఇక రామ్ చరణ్ ‘గేమ్ చేంజర్’ బిగ్గెస్ట్ డిజాస్టర్ గా మారింది. ఇదిలా ఉంటే ఇప్పుడు వచ్చే ఏడాది సంక్రాంతి సీజన్ కి సంబంధించిన టాక్ ఇప్పటి నుంచే మొదలైంది.

2026 జనవరి లో ఎన్టీఆర్, ఇళయ దళపతి విజయ్ పోటీలో ఉండబోతున్నారనే టాక్ వినిపిస్తోంది. జూనియర్ ఎన్టీఆర్ ప్రశాంత్ నీల్ దర్శకత్వంలో మూవీ చేస్తున్నాడు. ఈ సినిమా షూటింగ్ త్వరలో ప్రారంభం కాబోతోంది. డ్రాగన్ అనే టైటిల్ ఈ సినిమాకి పెట్టినట్లు ప్రచారం జరుగుతోంది. 2026 జనవరిలో ఈ చిత్రాన్ని ప్రేక్షకుల ముందుకి తీసుకొని రావాలని అనుకుంటున్నారు.

అలాగే ఇళయ దళపతి విజయ్ ప్రస్తుతం తన 69వ చిత్రం చేస్తున్నారు. హెచ్ వినోత్ దర్శకత్వంలో ఈ సినిమా తెరకెక్కుతోంది. ‘జన నాయగన్’ అనే టైటిల్ ని ఈ చిత్రానికి కన్ఫర్మ్ చేశారు. తాజాగా టైటిల్ పోస్టర్ ని కూడా రిలీజ్ చేశారు. ఈ చిత్రాన్ని కూడా 2026 జనవరికి రిలీజ్ చేయాలని అనుకుంటున్నారు. ‘భగవంత్ కేసరి’ రీమేక్ గా ఈ మూవీ తెరకెక్కబోతుందని టాక్ వినిపిస్తోంది.

అయితే కేవలం ‘భగవంత్ కేసరి’ చిత్రంలోని మెయిన్ ఎలిమెంట్స్ తీసుకొని పొలిటికల్ బ్యాక్ డ్రాప్ లో ‘దళపతి 69’ చిత్రాన్ని చేస్తున్నారనే ప్రచారం కూడా జరుగుతోంది. అయితే వీటిలో ఏది వాస్తవం అనేది తెలియాల్సి ఉంది. ఇక ఈ చిత్రంలో పూజా హెగ్డే హీరోయిన్ గా చేస్తోంది. అయితే ‘జన నాయగన్’ సినిమాని కేవలం తమిళంలోనే రిలీజ్ చేస్తారా లేదంటే పాన్ ఇండియా రేంజ్ లో ప్రేక్షకుల ముందుకి తీసుకొని వస్తారా అనేది తెలియాల్సి ఉంది.

ఏ రెండు సినిమాలు వచ్చే ఏడాది జనవరిలో పోటీ పడే అవకాశాలు ఉన్నాయని అనుకుంటున్నారు. వీటితో పాటు మరికొన్ని పెద్ద సినిమాలు కూడా జనవరిలో ప్రేక్షకుల ముందుకొచ్చే ఛాన్స్ ఉందని అనుకుంటున్నారు. ఎన్టీఆర్, ప్రశాంత్ నీల్ మూవీ షూటింగ్ ఎప్పుడనేది మేకర్స్ అధికారికంగా ప్రకటించాల్సి ఉంది. ఇక 2026 జనవరిలో ఇంకా ఏఏ సినిమాలు పోటీకి వస్తాయో చూడాలి.