విజయ్ 69 ట్రైలర్ రిలీజ్.. నేరుగా ఓటీటీలోకి..

విజయ్ 69 ట్రైలర్ రిలీజ్.. ఏంటి దళపతి విజయ్ చివరి మూవీ ట్రైలర్ అప్పుడే వచ్చేసిందని షాకయ్యారా.. అయితే మీరు పొరబడినట్లే.. బాలీవుడ్ సీనియర్ నటుడు అనుపమ్ ఖేర్ ప్రధాన పాత్రలో ఇప్పుడు విజయ్ 69 అనే టైటిల్ తో సినిమా చేస్తున్నారు. చంకీ పాండే, మిహిర్‌ అహుజా ముఖ్యపాత్రల్లో నటిస్తున్నారు. ఓ క్రీడాకారుడి నిజ జీవితం ఆధారంగా దర్శకుడు అక్షయ్ రాయ్ తెరకెక్కించారు. ప్రముఖ యష్ రాజ్ ఫిల్మ్స్ బ్యానర్ పై మనీష్ శర్మ నిర్మించారు.

ఇప్పటికే అన్ని పనులు పూర్తి చేసుకున్న చిత్రం.. థియేటర్లలో రాకుండా ఓటీటీలోకి నేరుగా అందుబాటులోకి రానుంది. ప్రముఖ ఓటీటీ నెట్ ఫ్లిక్స్ వేదికగా నవంబర్ 8వ తేదీన స్ట్రీమింగ్ కానుంది. దీంతో ప్రమోషన్స్ లో భాగంగా మేకర్స్.. నేడు ట్రైలర్ ను రిలీజ్ చేశారు. అందులో అనుపమ్ ఖేర్.. 69 ఏళ్ల వృద్ధుడి పాత్రలో కనిపించారు. పట్టుదల ముందు వయసు కూడా ఓడిపోతుందా అనే కాన్సెప్ట్ తో సినిమా తీసినట్లు ట్రైలర్ ద్వారా తెలుస్తోంది.

అనుపమ్ ఖేర్ ను ఇంట్రడ్యూస్ చేస్తూ ట్రైలర్ స్టార్ట్ అయింది. 69 ఏళ్ల వయసులో కూడా తాను ఇప్పటికీ యువకుడినేని చెబుతుంటారు. తన కోసం ఎప్పుడూ గుర్తుంచుకోవాలని అనుకుంటారు. ఆరు పదుల వయసులో ట్రైయథ్లాన్ ఈవెంట్ లో పార్టిసిపేట్ చేయాలని డిసైడ్ అవుతారు. అది కంప్లీట్ చేసి కొత్త రికార్డు క్రియేట్ చేయాలని ఫిక్స్ అవుతారు. ట్రైయథ్లాన్ లో భాగంగా తాను 1.5 కి.మీ. స్విమ్మింగ్, 40 కి.మీ. సైక్లింగ్, 10 కి.మీ. రన్నింగ్ చేస్తానని అందరికీ చెబుతుంటారు.

దీంతో ఆయన చెప్పగానే.. ప్రతి ఒక్కరూ నవ్వుతారు. నువ్వు ఎక్కడ కంప్లీట్ చేయగలవ్ అన్నట్లు చూస్తారు. ఎవరూ ఎంకరేజ్ చేయరు. అయినా తాను అనుకున్నదే సాధించాలని ఫిక్స్ అవుతారు. ఎన్నో సవాళ్లు ఎదుర్కొంటారు. ఇంతలో ఆయన దరఖాస్తును ట్రైయథ్లాన్ నిర్వాహకులు రిజెక్ట్ చేస్తారు. దీంతో చివరకు ఏమైంది.. ఆయన తన గోల్ ను రీచ్ అయ్యారా లేదా అన్న ప్రశ్నలకు సమాధానాలు కావాలంటే సినిమా చూడాలని మేకర్స్ చెబుతున్నారు.

అయితే అనుపమ్ ఖేర్.. తన టాలెంట్ ను మరోసారి బయటపెట్టినట్లు ట్రైలర్ ద్వారా ఈజీగా తెలుస్తోంది. సినిమా కోసం బాగా కష్టపడినట్లు తెలుస్తోంది. ఆయన అప్పీరియన్స్ బాగుంది. మొత్తానికి ట్రైలర్ తో మేకర్స్ సినిమాపై ఇంట్రెస్ట్ క్రియేట్ చేశారు. మరో 10 రోజుల్లో ఓటీటీలో అందుబాటులోకి రానున్న విజయ్ 69 మూవీ ఎలా ఉంటుందో వేచి చూడాలి.