ఆ యంగ్ హీరో 2025లొ 4 సినిమాల‌తో!

యంగ్ హీరో విశ్వ‌క్ సేన్ కెరీర్ మ‌ళ్లీ ప‌ట్టాలెక్కింది. వ‌రుస విజ‌యాల‌తో యూత్ ఐకాన్ గా మారుతున్నాడు. ఇప్ప‌టికే అత‌డి ఎన‌ర్జీకి మంచి ఫాలోయింగ్ ఉంది. న‌టుడిగా విజ‌యాలు ఖాతాలో ప‌డ‌టంతో ఆ క్రేజ్ రెట్టింపు అవుతుంది. 'గామీ', 'గ్యాంగ్స్ ఆఫ్ గోదావ‌రి' లాంటి సినిమాలు మంచి ఫ‌లితాలు సాధించిన సంగ‌తి తెలిసిందే. త్వ‌ర‌లో 'మెకానిక్ రాకీ' చిత్రంతో ప్రేక్ష‌కుల ముందుకు రాబోతున్నాడు.

మ‌రి ఈ సినిమా రిలీజ్ త‌ర్వాత విశ్వ‌క్ సేన్ ఎలాంటి సినిమాల‌తో ప్రేక్ష‌కుల ముందుకు రానున్నాడు? 2025 రిలీజ్ ప్లానింగ్ లు ఏంటి? అంటే ఆ వివ‌రాలు అందించాడు. 'ఈ ఏడాది మూడు సినిమాల‌తో ప్రేక్ష‌కుల ముందుకొచ్చా . కానీ వ‌చ్చే ఏడాది నాలుగు సినిమాల‌తో వ‌స్తాను. 'లైలా' షూటింగ్ 60 శాతం పూర్త‌యింది. జ‌న‌వ‌రిలో అనుదీప్ ద‌ర్శ‌క‌త్వంలో సినిమాతో పాటు, శ్రీధ‌ర్ గంటా-సుధాక‌ర్ చెరుకూరి క‌ల‌యిక‌లో సినిమా మొద‌ల‌వుతుంది.

మార్చిలో మ‌రో సినిమా కూడా మొద‌లు పెడ‌తా. 'ఏమైంది ఈ న‌గ‌రానికి-2' స్టోరీ ప‌నులు వేగంగా జ‌రుగుతున్నాయి. అలాగే సాగ‌ర్ . కె. చంద్ర ద‌ర్శ‌క‌త్వంలో ఓ సినిమా ప్లానింగ్ లో ఉంది' అని అన్నాడు. అలాగే క‌థ‌ల ఎంపిక‌లో త‌న విధానాన్ని రివీల్ చేసాడు. సినిమాలు ఎవ‌రు బాగా తీస్తారు అనే విష‌యం కంటే ఎవ‌రు బాగా చేయ‌లేరు అన్న‌ది ప‌సిగ‌డ‌తా. కొత్త ద‌ర్శ‌కులా, సీనియ‌ర్ ద‌ర్శ‌కులా ? అన్న‌ది ఎప్పుడూ ప‌ట్టించుకోను.

కానీ న‌న్ను ఎంపిక చేసుకున్న ద‌ర్శ‌కుల‌కే నేను మొద‌టి ప్రాధాన్య‌త‌నిస్తా. ఎందుకంటే వాళ్లు మ‌న‌ల్ని ఎంచుకు న్నారు? అంటే అన్ని రకాలుగా తాను రాసుకున్న క‌థ‌కి నేను ఫిట్ అవుతున్నాను భావిస్తా. వాళ్లు నాపై న‌మ్మ‌కంతో నా ద‌గ్గ‌ర‌కు వ‌స్తారు. క‌థ న‌చ్చి..అత‌డి పై నాకు న‌మ్మ‌కం క‌లిగితే మ‌రో విష‌యంలో ఆలోచించ‌కుండా సినిమా చేస్తాను' అని అన్నాడు.