హృతిక్ కంటే ఎన్టీఆర్ బెస్ట్: విశ్వక్ సేన్

యంగ్ హీరో విశ్వక్ సేన్ ఎన్టీఆర్ కి వీరాభిమాని అనే సంగతి అందరికి తెలిసిందే. ఈ విషయాన్ని విశ్వక్ సేన్ చాలా సందర్భాలలో మీడియా ముందు చెప్పారు. అవకాశం దొరికిన ప్రతిసారి విశ్వక్ సేన్ ఎన్టీఆర్ పై తనకున్న అభిమానాన్ని మాటల్లో, చేతల్లో చూపిస్తున్నారు. ఇండియాలోనే అందరికంటే ఎన్టీఆర్ బెస్ట్ యాక్టర్ అంటూ విశ్వక్ గతంలో కితాబు ఇచ్చారు. ‘దేవర’ మూవీ రిలీజ్ సమయంలో విశ్వక్ సేన్ ట్వీట్స్ చేసి ఎన్టీఆర్ ఎలివేషన్ పై ప్రశంసలు కురిపించారు.

ఇదిలా ఉంటే తాజాగా ఎన్టీఆర్ ని ఉద్దేశించి విశ్వక్ సేన్ చేసిన కామెంట్స్ ఇప్పుడు సోషల్ మీడియాలో హాట్ టాపిక్ గా మారాయి. ‘దేవర’ మూవీ 50 రోజుల సెలబ్రేషన్స్ లో విశ్వక్ సేన్ పాల్గొన్నారు. ఈ సందర్భంగా ఆయన మాట్లాడుతూ హృతిక్ రోషన్ కూడా ఎన్టీఆర్ ని మ్యాచ్ చేయలేరని ఆసక్తికర వ్యాఖ్యలు చేశారు. ప్రస్తుతం ఎన్టీఆర్, హృతిక్ రోషన్ కాంబినేషన్ లో బాలీవుడ్ లో బిగ్గెస్ట్ మల్టీ స్టారర్ చిత్రంగా ‘వార్ 2’ తెరకెక్కుతోంది.

ఈ మూవీ షూటింగ్ దశలో ఉంది. ఈ ఇద్దరు స్టార్స్ కి పెర్ఫార్మర్స్ గా మంచి పేరుంది. అలాగే మంచి డాన్సర్స్ కూడా. ఇద్దరికి మంచి ఫ్యాన్ బేస్ ఉంది. వార్ 2 షూటింగ్ జరుగుతోన్న ఈ సమయంలో హృతిక్ రోషన్ కూడా ఎన్టీఆర్ ని మ్యాచ్ చేయలేడంటూ విశ్వక్ సేన్ చేసిన కామెంట్స్ హాట్ టాపిక్ గా మారాయి. అయితే దీని పైన విశ్వక్ సేన్ ఏమైనా క్లారిటీ ఇస్తాడా అనేది తెలియాల్సి ఉంది. ఎన్టీఆర్ బెస్ట్ పెర్ఫార్మర్ అనే విషయాన్ని కేవలం విశ్వక్ సేన్ మాత్రమే కాకుండా ప్రతి ఒక్కరు చెబుతారు.

ఓ విధంగా చెప్పాలంటే ఎన్టీఆర్ సింగిల్ టేక్ యాక్టర్ అని ఇండస్ట్రీలో అందరి నోటి నుంచి రెగ్యులర్ గా వినిపిస్తూ ఉంటుంది. ఇదే విషయం విశ్వక్ సేన్ ఎన్టీఆర్ ని ప్రశంసించి ఉంటాడని తారక్ అభిమానులు అంటున్నారు. ఇదిలా ఉంటే విశ్వక్ సేన్ నటించిన ‘మెకానిక్ రాకీ’ నవంబర్ 22న రిలీజ్ కాబోతోంది. ఈ మూవీ ప్రమోషన్స్ లో విశ్వక్ సేన్ బిజీగా ఉన్నారు. అయిన కూడా ‘దేవర’ మూవీ 50 రోజుల సెలబ్రేషన్స్ లో పాల్గొని తారక్ పై తనకున్న అభిమానాన్ని చాటుకున్నారు.