వాళ్లిద్ద‌రి మార్గంలోనే విశ్వ‌క్ సేన్!

ఓవైపు న‌టించ‌డం..మ‌రోవైపు ద‌ర్శ‌క‌త్వం వ‌హించడం అన్న‌ది అంత వీజీ కాదు. ఇది రెండ‌వల ప్ర‌యాణం. ఈ రెండు ప‌నుల‌కంటే ముందు క‌థ రాయ‌డం...అందుకోసం ఎంతో స‌మ‌యం వెచ్చించ‌డం. ఆ త‌ర్వాత దాన్ని ప‌ట్టా లెక్కించ‌డం ఎంతో టాస్క్ తో కూడుకున్న‌ది. అదే క‌థ‌లో తానే హీరో అవ్వ‌డం అన్న‌ది అంత‌కు మించిన పెద్ద టాస్క్. కానీ వాళ్లిద్ద‌రు మాత్రం ఎంతో ఈజీగా దీన్ని చేయ‌గ‌ల్గుతున్నారు.

వాళ్లే ధ‌నుష్‌..పృధ్వీరాజ్ సుకుమార‌న్. ధ‌నుష్ ఇత‌ర ద‌ర్శ‌కుల‌తో సినిమాలు చేస్తూనే మ‌రోవైపు సొంతంగా క‌థ‌లు రాస్తాడు. వాటిలో తానే న‌టించ‌డానికి ఆస‌క్తి చూపిస్తాడు. అవ‌స‌ర‌మైతే అదే ప్రాజెక్ట్ కి కెప్టెన్ సైతం అయిపోతాడు. ద‌ర్శ‌కుడి బాద్య‌త‌లు మాత్రం కొన్ని సంద‌ర్భాల్లో ఇత‌ర ద‌ర్శకుల‌కు అప్ప‌గిస్తుంటాడు. అలాగే మ‌ల‌యాళం హీరో పృధ్వీరాజ్ సుకుమారన్ కూడా అంతే. ఓవైపు తాను హీరోగా ప‌నిచేస్తూనే స్టార్ హీరోల‌తో సినిమాల్ని ద‌ర్శ‌కుడిగా తెర‌కెక్కిస్తుంటాడు.

క‌థ‌ల్ని తానే స్వ‌యంగా సిద్దం చేసుకుంటాడు. అత‌డు తెర‌కెక్కించిన సినిమాలు తెలుగులో రీమేక్ రూపంలోనే ప్రేక్షుకుల ముందుకొచ్చిన సంగ‌తి తెలిసిందే. ఇలా ఒకేసారి రెండు ప‌నులు చేయ‌డం అంటే చిన్న విష‌యం కాదు. ఎంతో ఫ్యాష‌న్ ఉంటే త‌ప్ప సాధ్యం కాదు. తాజాగా వీళ్లిద్ద‌రి మార్గంలోనే టాలీవుడ్ యంగ్ హీరో విశ్వ‌క్ సేన్ కూడా ప్ర‌యాణం చేస్తున్నాడు. అత‌డు న‌టించిన `ఫ‌ల‌క్ నుమా దాస్` లో అత‌డే హీరో..త‌నే డైరెక్ట్ చేసాడు.

అంత‌కు ముందు రెండు సినిమాలు చేసాడు. కానీ కేవ‌లం న‌టుడిగా మాత్ర‌మే చేసాడు. ఫ‌ల‌క్ నుమాదాస్ తో కొత్త యాంగిల్ ని పైకి తెచ్చాడు. ఆ త‌ర్వాత న‌టుడిగా బిజీ అయ్యాడు. తాజాగా ఫ‌ల‌క్ నుమా దాస్ కీ సీక్వెల్ కూడా సిద్దం చేస్తున్న‌ట్లు స‌మాచారం. ఈ చిత్రాన్ని కూడా త‌న స్వీయా ద‌ర్శ‌క‌త్వంలో తెరకెక్కించాల‌ని ప్లాన్ చేస్తున్నాడుట‌.