'లైలా' సోనూ మోడల్ సాంగ్.. విశ్వక్ సేన్ చితక్కొట్టేశాడు..

టాలీవుడ్ యంగ్ హీరో, మాస్ కా దాస్ విశ్వక్ సేన్.. ఫుల్ స్పీడ్ లో ఉన్న విషయం తెలిసిందే. వరుస సినిమాలతో ప్రేక్షకుల ముందుకు వస్తున్న ఆయన.. మరిన్ని చిత్రాలు లైన్ లో పెడుతున్నారు. కొత్త తరహా కథల్లో నటిస్తూ యూత్ కు బాగా దగ్గరైన విశ్వక్ సేన్.. ఇప్పుడు లైలా మూవీ షూటింగ్ ను పూర్తి చేసే పనిలో ఉన్నారు.

అమ్మాయి, అబ్బాయిగా రెండు రోల్స్ లో విశ్వక్ నటిస్తున్న లైలా మూవీని రామ్ నారాయణ్ తెరకెక్కిస్తున్నారు. షైన్ స్క్రీన్ పిక్చర్స్, ఎస్ ఎమ్ టీ అర్చన ప్రెజెంట్స్ బ్యానర్లపై ప్రముఖ నిర్మాత సాహు గారపాటి రూపొందిస్తున్నారు. ఆకాంక్ష హీరోయిన్ గా నటిస్తున్నారు. లైలా మూవీతోనే ఆమె.. టాలీవుడ్ లోకి అడుగు పెడుతున్నారు.

ప్రస్తుతం శరవేగంగా షూటింగ్ జరుగుతుండగా.. ఇప్పటికే మేకర్స్ రిలీజ్ డేట్ ను అనౌన్స్ చేశారు. వాలెంటైన్స్ డే కానుకగా ఫిబ్రవరి 14వ తేదీన విడుదల చేస్తామని తెలిపారు. కొద్ది రోజుల క్రితం సినిమా ప్రమోషన్స్ ను స్టార్ట్ చేసిన మేకర్స్ వరుస అప్డేట్స్ ఇస్తున్నారు. సినిమాపై ఆడియన్స్ లో పాజిటివ్ బజ్ క్రియేట్ చేస్తున్నారు.

అయితే ఇప్పటికే అనౌన్స్ చేసినట్లు ఆదివారం ఉదయం లైలా ఫస్ట్ సింగిల్ సోనూ మోడల్ సాంగ్ ను రిలీజ్ చేశారు. సోనూ మోడల్ వైబ్ ఆంథమ్ పేరుతో ఫుల్ వీడియో సాంగ్ ను విడుదల చేశారు. సాధారణంగా మేకర్స్.. సినిమా రిలీజ్ తర్వాత ఫుల్ వీడియో సాంగ్స్ ను విడుదల చేస్తుంటారు. కానీ లైలా మేకర్స్ ముందే రివీల్ చేసేశారు.

లియోన్ జేమ్స్ కంపోజ్ చేసిన సోనూ మోడల్ సాంగ్ ను నారాయణ్ రవిశంకర్, రేష్మా శ్యామ్ ఆలపించారు. విశ్వక్ సేన్ లిరిక్స్ అందించి మరోసారి తన టాలెంట్ చూపించారు. లిరిక్స్ చాలా క్రేజీగా ఉన్నాయనే చెప్పాలి. మ్యూజిక్ కూడా ట్రెండీగా ఉంది. మ్యూజిక్ లవర్స్ ప్లే లిస్ట్ లోకి చేరిపోయింది. ప్రస్తుతం యూట్యూబ్ లో దూసుకుపోతోంది.

అదే సమయంలో విశ్వక్ సేన్ డ్యాన్స్ తో అదరగొట్టేశారు. వేరే లెవెల్ స్టెప్పులతో ఆకట్టుకున్నారు. ఆయన వేసుకున్న అవుట్ ఫిట్స్.. అన్నీ ట్రెండీగా, క్రేజీగా ఉన్నాయి. ఆకాంక్ష శర్మ.. తన గ్లామరస్ లుక్స్ తో అట్రాక్ట్ చేశారు. సాంగ్స్ విజువల్స్ రిచ్ గా బాగున్నాయి. ఓవరాల్ గా లైలా ఫస్ట్ సింగిల్ ఇప్పుడు అందరినీ ఆకట్టుకుని సందడి చేస్తోంది. మరి మీరు ఆ పాట విన్నారా? వీడియో సాంగ్ చూశారా?