మాస్ కా దాస్.. ఇంత గట్టిగా చెబుతున్నాడంటే..?

మాస్ కా దాస్ విశ్వక్ సేన్ లీడ్ రోల్ లో రవితేజ ముళ్లపుడి దర్శకత్వంలో తెరకెక్కిన సినిమా మెకానిక్ రాకీ. ఎస్.ఆర్.టి ఎంటర్టైన్మెంట్స్ బ్యానర్ లో రామ్ తాళ్లూరి ఈ సినిమా నిర్మించారు. ఈ సినిమాలో విశ్వక్ సేన్ సరసన మీనాక్షి చౌదరి, శ్రద్ధ శ్రీనాథ్ కథానాయికలుగా నటించారు. జేక్స్ బిజోయ్ మ్యూజిక్ అందించిన ఈ సినిమా శుక్రవారం ప్రేక్షకుల ముందుకు రాబోతుంది. ఐతే ఈ సినిమా విషయంలో విశ్వక్ సేన్ చాలా కాన్ఫిడెంట్ గా ఉన్నారు.

సినిమా ప్రమోషన్స్ లో భాగంగా మీడియాకు ఇచ్చిన ఇంటర్వ్యూలో విశ్వక్ సేన్ మెకానిక్ రాకీ లాంటి సినిమా ఇంతవరకు రాలేదని అన్నారు. సినిమా సెకండ్ హాఫ్ సర్ ప్రైజ్ చేస్తుందని అన్నారు. ట్రైలర్ లో అన్ని విషయాలను ఉంచలేం కాబట్టి అది రివీల్ చేయలేదు. కచ్చితంగా సినిమా ఆడియన్స్ ని సర్ ప్రైజ్ చేస్తుందని అన్నారు విశ్వక్ సేన్.

రవితేజ ముళ్లపుడి చెప్పినప్పుడే ఎగ్జైట్ అయిన తాను సినిమా చేశానని నిర్మాతలు కూడా వేరే సినిమాలు చేస్తున్నా చాలా సపోర్ట్ గా ఉన్నారని విశ్వక్ సేన్ అన్నారు. కొన్ని సినిమాలు ట్రైలర్ లో కాజువల్ గా అనిపించినా సినిమాలో అసలు కథ ఉంటుందని.. మెకానిక్ రాకీ కూడా ప్రేక్షకులను అసలు డిజప్పాయింట్ చేయదని అంటున్నారు విశ్వక్ సేన్.

మాస్ కా దాస్ విశ్వక్ సేన్ ఇంత కాన్ఫిడెంట్ గా చెబుతున్నాడు అంటే సినిమాలో సంథింగ్ స్పెషల్ ఉన్నట్టే లెక్క. మీనాక్షి చౌదరి, శ్రద్ధ శ్రీనాథ్ హీరోయిన్స్ గా నటించిన మెకానిక్ రాకీ సినిమాలో సునీల్, నరేష్ లాంటి వారు కూడా భాగమయ్యారు. సరైన కథ పాత్రలు బలంగా ఉన్నప్పుడే సునీల్, నరేష్ లాంటి వారిని తీసుకోవాలని అనుకున్నాను అందుకే ఈ సినిమాలో వారితో కలిసి నటించానని అన్నారు విశ్వక్ సేన్.

సినిమా మీద ఉన్న కాన్ఫిడెన్స్ తో నవంబర్ 21న ప్రీమియర్స్ వేస్తున్నట్టు చెప్పారు విశ్వక్ సేన్. సెలెక్టెడ్ ఏరియాల్లో పెయిడ్ ప్రీమియర్స్ వేస్తున్నామని అన్నారు. సో రిలీజ్ కు ముందే మెకానిక్ రాకీ టాక్ రబోతుది. విశ్వక్ సేన్ లాంటి యంగ్ హీరో ఇంత గట్టి నమ్మకంగా చెబుతున్నాడు అంటే మెకానిక్ రాకీ లో విషయం ఉన్నట్టే అని ఫిక్స్ అవ్వొచ్చు.