రిజెక్ట్ చేసిన హీరోయిన్ తోనే విశ్వక్ సినిమా.. కిక్కిచ్చిందట!

ప్రస్తుతం టాలీవుడ్ యంగ్ హీరోలలో తనకంటూ ప్రత్యేకమైన స్టార్ ఇమేజ్ ని క్రియేట్ చేసుకున్న వ్యక్తి విశ్వక్ సేన్. విశ్వక్ సేన్ నటించిన ‘మెకానిక్ రాకీ’ మూవీ నవంబర్ 22న థియేటర్స్ లోకి రాబోతోంది. ప్యూర్ కమర్షియల్ ఎంటర్టైనర్ గా తెరకెక్కిన ఈ చిత్రంలో విశ్వక్ సేన్ కి జోడీగా మీనాక్షి చౌదరి, శ్రద్ధా శ్రీనాథ్ నటించారు. ఇప్పటికే ఈ మూవీ టీజర్ ప్రేక్షకుల ముందుకొచ్చి ఆకట్టుకుంది. సినిమా సూపర్ సక్సెస్ అవుతుందనే నమ్మకంతో విశ్వక్ సేన్ ఉన్నారు.

ఈ మూవీ ప్రమోషన్స్ స్టార్ట్ చేసేశారు. ఇదిలా ఉంటే తాజాగా ఓ ఈవెంట్ లో విశ్వక్ సేన్ ఇంటరెస్టింగ్ విషయాన్ని రివీల్ చేశారు. ‘మెకానిక్ రాకీ’ సినిమాలో తనకి జోడీగా నటిస్తోన్న శ్రద్ధా శ్రీనాథ్ ‘ఫలక్ నుమా దాస్’ కథ నేరేషన్ ఇస్తే రిజక్ట్ చేసింది. ‘ఈ నగరానికి ఏమైంది’ సినిమా కంటే ముందుగానే టికెట్స్ వేసుకొని బెంగుళూరు వెళ్లి ఆమెకి కథ చెప్పాను. అప్పుడు చేతిలో పెద్దగా డబ్బులు ఉండేవి కాదు. దీంతో మనీ వేస్ట్ అయ్యాయని బాధేసింది.

అయితే ఈ రోజు అదే శ్రద్ధా శ్రీనాథ్ నా ‘మెకానిక్ రాకీ’ సినిమాలో ఒక హీరోయిన్ గా చేస్తోంది. దీని గురించి ఆలోచిస్తే చాలా కిక్ అనిపించిందని విశ్వక్ తెలియజేశాడు. ముందు మనతో వర్క్ చేయడానికి ఆసక్తి చూపించని హీరోయిన్ తరువాత చేస్తే ఎవరికైనా కిక్ ఉంటుంది. ఇదే ఫీలింగ్ లో విశ్వక్ సేన్ ఈవెంట్ లో పంచుకున్నారు. ఈ వీడియో సోషల్ మీడియాలో వైరల్ అవుతోంది.

‘ఫలక్ నుమా దాస్’ సినిమా సమయానికి విశ్వక్ సేన్ కి ఇప్పుడున్నంత ఫేమ్ లేదు. అప్పుడప్పుడే కెరియర్ ని ఒక ట్రాక్ లో నిర్మించుకుంటున్నాడు. ఇప్పుడు టాలీవుడ్ లో కమర్షియల్ హీరోగా తనకంటూ మార్కెట్ క్రియేట్ చేసుకున్నాడు. ఈ ఏడాది విశ్వక్ సేన్ నుంచి ఇప్పటికే ‘గామి’, ‘గ్యాంగ్స్ ఆఫ్ గోదావరి’ సినిమాలు ప్రేక్షకుల ముందుకొచ్చాయి. ఇప్పుడు ‘మెకానిక్ రాకీ’తో ఆడియన్స్ ని ఎంటర్టైన్ చేయడానికి రెడీ అవుతున్నాడు.

రామ్ తాళ్ళూరి ఈ సినిమాని భారీ బడ్జెట్ తో నిర్మించారు. రవితేజ ముళ్ళపూడి ఈ చిత్రంతో దర్శకుడిగా పరిచయం అవుతున్నాడు. ఈ సినిమాతో కచ్చితంగా తన ఇమేజ్ కూడా పెరుగుతుందని విశ్వక్ సేన్ నమ్మకంగా ఉన్నారు. త్వరలో మూవీ ట్రైలర్ రిలీజ్ చేయడానికి ప్లాన్ చేస్తున్నారు. దీని తర్వాత విశ్వక్ సేన్ చేతిలో మూడు నుంచి నాలుగు ప్రాజెక్ట్స్ ఉన్నాయి.