వార్2.. అప్పుడే దిగిపోయారా?

యష్ రాజ్ ఫిలిమ్స్ బ్యానర్ లో హృతిక్ రోషన్, జూనియర్ ఎన్టీఆర్ లీడ్ రోల్ లో తెరకెక్కుతోన్న వార్ 2 మూవీకి రంగం సిద్ధమైంది. తారక్ బాలీవుడ్ లో చేస్తోన్న మొట్టమొదటి సినిమా ఇదే కావడం విశేషం. ఇదిలా ఉంటే ప్రస్తుతం జూనియర్ ఎన్టీఅర్ కొరటాల శివ దర్శకత్వంలో దేవర మూవీ పూర్తి చేయడంపై దృష్టి పెట్టారు. రెండు భాగాలుగా రానున్న ఈ చిత్రం యాక్షన్ ప్యాక్డ్ మూవీగా తెరకెక్కుతోంది.

జాన్వీ కపూర్ ఈ చిత్రంలో తారక్ కి జోడీగా నటిస్తోంది. సైఫ్ ఆలీఖాన్ పవర్ ఫుల్ ప్రతినాయకుడిగా కనిపిస్తున్నారు. ఈ మూవీ షూటింగ్ శరవేగంగా సాగుతోంది. భారీ బడ్జెట్ తో తెరకెక్కుతోన్న ఈ సినిమా షూటింగ్ నవంబర్ ఆఖరుకి పూర్తయ్యే అవకాశం ఉందనే మాట వినిపిస్తోంది. దేవర పార్ట్ 1 వచ్చే ఏడాది ఏప్రిల్ లో రిలేజ్ చేయడానికి రెడీ అవుతున్నారు.

ఇదిలా ఉంటే వార్ 2 మూవీ అయాన్ ముఖర్జీ దర్శకత్వంలో తెరకెక్కుతోన్న సంగతి తెలిసిందే. తాజాగా ఈ మూవీ షూటింగ్ స్టార్ట్ అయ్యింది. దీనికి సంబందించిన ఫోటోలు ఇప్పుడు సోషల్ మీడియాలో వైరల్ అవుతున్నాయి. యాక్షన్ సీక్వెన్స్ తో మూవీ షూటింగ్ స్టార్ట్ చేసినట్లు తెలుస్తోంది. హృతిక్ రోషన్ ఈ యాక్షన్ సన్నివేశాలలో పాల్గొన్నట్లు సమాచారం.

అయితే జూనియర్ ఎన్టీఆర్ కూడా ఈ యాక్షన్ ఘట్టాలలో పాల్గొన్నాడా లేదా అనేది తెలియరాలేదు. భారీ బడ్జెట్ తో పాన్ ఇండియా ప్రాజెక్ట్ గానే ఈ చిత్రాన్ని యష్ రాజ్ ఫిలిమ్స్ నిర్మిస్తోంది. వార్ 2 చిత్రంలో జూనియర్ ఎన్టీఆర్ నెగిటివ్ షేడ్స్ ఉన్న పాత్రలో కనిపించబోతున్నట్లు తెలుస్తోంది.

జూనియర్ ఎన్టీఆర్ డిసెంబర్ లో ఈ మూవీ సెట్స్ లో జాయిన్ అయ్యే అవకాశం ఉన్నట్లు తెలుస్తోంది. ఈ సినిమాలో హీరోయిన్స్ ఎవరనేది ఇంకా తెలియాల్సి ఉంది. త్వరలో మూవీకి సంబందించిన పూర్తి వివరాలు బయటకి వచ్చే అవకాశం ఉందని టాక్ వినిపిస్తోంది. హృతిక్ రోషన్, తారక్ కాంబినేషన్ సిల్వర్ స్క్రీన్ పై ఎలా ఉండబోతోందో అనేది చూడటానికి జూనియర్ అభిమానులు ఆసక్తిగా ఎదురుచూస్తున్నారు.