స్పిరిట్ చిత్రానికి పూరి డైలాగులా?

'స్పిరిట్' చిత్రానికి సందీప్ రెడ్డి వంగా డైరెక్ష‌న్.. డైలాగ్ కింగ్ పూరి జ‌గ‌న్నాధ్ డైలాగులు రాస్తే ఎలా ఉంటుంది? పోలే ..అదిరిపోలే! అది సంచ‌ల‌న‌మే క‌దా. అదే జ‌రిగితే దిమ్మ తిరిగి మైండ్ బ్లాంక్ అయిపోతుంది ప్రేక్ష‌కాభి మానుల‌కు. అవును ఇప్పుడా ఛాన్స్ తీసుకోవ‌డానికి సందీప్ రెడ్డి వంగా రెడీగా ఉన్న‌ట్లు స‌మాచారం. పాన్ ఇండియా స్టార్ ప్ర‌భాస్ క‌థానాయ‌కుడిగా సందిప్ 'స్పిరిట్' చిత్రాన్ని తెర‌కెక్కించ‌డానికి రెడీ అవుతోన్న సంగ‌తి తెలిసిందే.

వ‌చ్చే ఏడాది ఆ చిత్రం ప‌ట్టాలెక్క‌నుంది. ఇప్ప‌టికే స్టోరీ సిద్దం చేసుకుని రెడీగా ఉన్నాడు. ఇప్పుడా క‌థ‌కి తుది మెరుగులు దిద్దుతున్నాడు. అయితే ఈసారి స్పిరిట్ డైలాగుల బాధ్య‌తలు మాత్రం డ్యాషింగ్ డైరెక్ట‌ర్ పూరి జ‌గ‌న్నాధ్ కి అప్ప‌గించిన‌ట్లు ఫిలిం స‌ర్కిల్స్ లో వినిపిస్తుంది. సందీప్ రెడ్డి స్వ‌యంగా డైలాగులు రాయాల‌ని పూరిని కోరాడుట‌. అందుకు తాను కూడా నో చెప్ప‌కుండా ఎస్ చెప్పిన‌ట్లు స‌మాచారం.

అందుకు ఓ కార‌ణం ప్ర‌భాస్ తో త‌న‌కున్న స్నేహం ఒక‌టైతే? సందీప్ స్టోరీకి డైలాగులు రాస్తే అది మ‌రింత రీచ్ అవుతుంది? అన్న‌ది పూరి మ‌రో అభిప్రాయంగా వినిపిస్తుంది. పూరి డైలాగుల‌కు ప్ర‌భాస్ పిచ్చ ప్యాన్ అని చెప్పాల్సిన ప‌నిలేదు. ఈ విష‌యం తానే స్వ‌యంగా రివీల్ చేసాడు ఓ సంద‌ర్భంలో. లారీ వెళ్లి స్కూట‌ర్ ని గుద్ద‌డం కాదు..టిప్ప‌ర్ లారీ వెళ్లి స్కూట‌ర్ ని గుద్ద‌డం...ఆ టిప్ప‌ర్ లో కిక్కు ఉంది అని ఓపెన్ గానే చెప్పాడు డార్లింగ్.

స్పిరిట్ కి పూరి డైలాగులు రాస్తే? డార్లింగ్ కి అంత‌కు మించి సంతోషం మరొక‌టి ఉండ‌దు. సందీప్ రెడ్డి సొంతంగా క‌థ‌, స్క్రీన్ ప్లే రాసుకుంటాడు. కానీ డైలాగుల విష‌యంలో ఎవ‌రో ఒక‌రి మీద ఆధార‌ప‌డుతుంటారు. తొలి సినిమా 'అర్జున్ రెడ్డి'కి డైలాగ్ విభాగంలో ఇన్వాల్వ్ అయినా? అది కొంత వ‌రకే ప‌రిమితం. అటుపై చేసిన 'యానిమ‌ల్' డైలాగ్ బాధ్య‌త‌లు బాలీవుడ్ రైట‌ర్ సౌర‌బ్ గుప్తాకి ఇచ్చాడు. ఇప్పుడు 'స్పిరిట్' డైలాగ్ బాధ్య‌త‌లు పూరికి అప్ప‌గించిన‌ట్లు తెలుస్తోంది.