ప్ర‌భాస్ పోలీస్ రోల్ యానిమ‌ల్+ యానిమ‌ల్ పార్క్!

యంగ్ మేక‌ర్ సందీప్ రెడ్డి వంగా హీరోలు తెర‌పై ఎలా క‌నిపిస్తారు? అన్న‌ది ప్ర‌త్యేకంగా చెప్పాల్సిన ప‌నిలేదు. 'అర్జున్ రెడ్డి'లో విజ‌య్ దేవ‌ర‌కొండ‌, 'యానిమ‌ల్' లో ర‌ణ‌బీర్ క‌పూర్ ని తెర‌పై ఏ రేంజ్ లో ఆవిష్క‌రించాడో తెలిసిందే. హీరో క్యారెక్ట‌రైజేష‌న్ తో స్టోరీ న‌డ‌ప గ‌ల మ‌రో డైరెక్ట‌ర్ సందీప్ రెడ్డి. అంత‌కు ముందు పూరి జ‌గ‌న్నాధ్ ఈ ట్రెండ్ ని ప‌రిచ‌యం చేసాడు. ఆ త‌ర్వాత దాన్ని ఫాలోయింది....పీక్స్ కి తీసుకెళ్లింది మాత్రం సందీప్ రెడ్డి మాత్ర‌మే.

ఈ మ‌ధ్య‌లో చాలా మంది ద‌ర్శ‌కులు వ‌చ్చారు. కానీ ఎవ‌రూ ఈ వేవ్ లెంగ్త్ లో హీరోని చూపించ‌లేక‌పోయారు. అందుకే రాంగోపాల్ వ‌ర్మ సైతం మేకింగ్ అన్న‌ది సందీప్ వ‌ద్ద నేర్చుకోవాలి అంటూ ఓ కామెంట్ సైతం చేసాడు. మ‌రి అలాంటి సందీప్ రెడ్డికి ప్ర‌భాస్ లాంటి క‌టౌట్ దొరికితే ఎలా ఉంటుందో తెలిసిందే. ఇప్ప‌టికే `స్పిరిట్` చిత్రంలో ప్ర‌భాస్ రోల్ పోలీస్ పాత్ర అని చెప్పేసాడు. దీన్ని బ‌ట్టే ఆ పాత్ర ఎంత ప‌వ‌ర్ పుల్ గా ఉంటుందో అంచనా వేయోచ్చు.

సందీప్ గ‌త రెండు సినిమాల హీరోల పాత్ర‌లు ఆధారంగా ఈ అంచ‌నాకి వ‌స్తారంతా. కానీ ఈ రెండు సినిమాల్ని మించి హీరో పాత్ర ఉంటుంద‌ని లీకులందుతున్నాయి. `యానిమ‌ల్` లో ర‌ణ‌బీర్ పాత్ర ఎలా సాగుతుందో తెలిసిందే. తండ్రిపై పిచ్చి ప్రేమ‌తో అత‌డి సైకోయిజాన్ని హీరోయిజంలా మార్చి ప్రేక్ష‌కుల్ని క‌న్విన్స్ చేసాడు సందీప్. ఇప్పుడా క‌థ‌కి కంటున్యూటీగా `యానిమ‌ల్ పార్క్ `కూడా ఉంటుంది. ఇక ఇందులో ర‌ణ‌బీర్ రోల్ ఇంకే స్థాయిలో ఉంటుందో ఊహ‌కి కూడా రాదు.

అయితే ఇప్పుడు `స్పిరిట్` లో ప్ర‌భాస్ పాత్ర ఈ రెండు సినిమాల్లో హీరో పాత్ర‌ని డామినేట్ చేసేలా కాప్ రోల్ డిజైన్ చేసిన‌ట్లు స‌మాచారం. ఓ డ్ర‌గ్ లా ఆ రోల్ జ‌నాల్లోకి ఎక్కేస్తుంద‌ని అంటున్నాడు. అంత ప‌వ‌ర్ పుల్ గా డార్లింగ్ ని మునుపెన్న‌డు ఎవ‌రూ చూపించ‌ని విధంగా, ఊహించ‌ని విధంగా ఉంటుందిట‌. రెండు డిఫ‌రెంట్ లుక్స్ లో ప్ర‌భాస్ ని హైలైట్ చేస్తాడుట‌. ఈ సినిమా డిసెంబ‌ర్ లో ప్రారంభం అవుతుందని, జ‌న‌వ‌రిలో రెగ్యుల‌ర్ షూటింగ్ మొద‌ల‌వుతుంద‌ని స‌మాచారం. ఇదే ఏడాది చిత్రాన్ని రిలీజ్ చేస్తార‌ని వినిపిస్తుంది.