భోగి వేళ.. 2 పాటలతో అదరగొట్టేసిన అంబటి రాంబాబు

సంక్రాంతి సంబరాలు అన్నంతనే బోలెడంత ఉత్సాహం అందరిలోనూ పొంగి పోర్లుతుంది. రెండు తెలుగు రాష్ట్రాల్లోని రాజకీయ నేతలకు భిన్నంతా తాను ప్రాతినిధ్యం వహించే సత్తెనపల్లిలో ఏపీ మంత్రి అంబటి రాంబాబు హడావుడి మాత్రం భిన్నమని చెప్పాలి. పాటలతో ఆయన వేసే స్టెప్పులు యూట్యూబ్ లోనూ.. సోషల్ మీడియాలోనూ ఎంతలా వైరల్ అవుతాయో ప్రత్యేకంగా చెప్పాల్సిన అవసరం లేదు.

ఈ రోజు (ఆదివారం) తెల్లవారుజామున సత్తెనపల్లి బొమ్మల సెంటర్ లో ప్రత్యేకంగా ఏర్పాటు చేసిన కార్యక్రమానికి ఉదయాన్నే హాజరయ్యారు అంబటి. గత ఏడాది భోగి వేడుకుల వేళ ధరించిన క్యాస్టూమ్ కు తగ్గట్లే.. ఈసారి కూడా ఆయన రెడీ అయ్యారు. గత ఏడాది బ్లూ కలర్ టీ షర్టు.. అదే కలర్ ట్రాక్ తో అదరగొట్టిన ఆయన.. ఈసారి మాత్రం వైట్ అండ్ థిక్ బ్లూ షర్టు.. ఛాతీ పైభాగమంతా వైట్ కలర్ లో ఉండేలా.. కింద భాగం థిక్ బ్లూ కలర్ ఉండే ట్రెండీ టీషర్టును ఆయన వేసుకున్నారు.

ఈసారి పండక్కి ప్రత్యేకంగా రెండు పాటల్ని సిద్ధం చేసినట్లుగా చెప్పిన ఆయన.. ఆ రెండు పాటలకు వేర్వేరుగా ఆయన డ్యాన్స్ వేశారు. మంత్రి అంబటి నిర్వహించే భోగి వేడుకులకునియోజకవర్గం వారీగా ఉన్న ప్రజలు భారీగా తరలిరావటంతో.. తెల్లవారుజాముకే సత్తెనపల్లి వీధులన్ని జనాలతో నిండిపోయాయి. ఉత్సాహంతో ఆయన వేసిన స్టెప్పులు అందరిని అలరించేలా ఉన్నాయి. మొత్తంగా తన డ్యాన్స్ తో అంబటి అదరగొట్టేశారని చెప్పాలి. అంబటి డ్యాన్స్ చూసినప్పుడు కలిగే ఫీలింగ్ విషయానికి వస్తే.. ఇంత వయసులో అంత ఎనర్జటిక్ గా డ్యాన్స్ వేయటం.. దీని కోసం ఆయన ప్రత్యేకంగా ట్రైన్ అయ్యారన్న అభిప్రాయం కలుగక మానదు.