బాలయ్య స్టైల్లో ఇజ్రాయెల్ డిఫెన్స్ మినిస్టర్ వార్నింగ్ వైరల్!

తెలుగు సినిమా ఇండస్ట్రీలో డైలాగ్ డెలివరీలో బాలయ్య బాబుకి ఉన్న సెపరేట్ సౌండ్ సంగతి ప్రత్యేకంగా చెప్పే పనేలేదు! ప్రత్యర్థికి వార్నింగ్ ఇస్తూ బాలయ్య పేల్చే మాస్ డైలాగులకు ప్రత్యేకంగా ఫ్యాన్ బెల్ట్ ఉంటుంది. ఈ సమయంలో "అతడు ఎక్కువ కాలం ఉండడు!" అంటూ ఇజ్రాయెల్ డిఫెన్స్ మినిస్టర్ చేసిన ఓ ట్వీట్ ఇప్పుడు నెట్టింట వైరల్ గా మారింది.

అవును... గత కొంతకాలంగా పశ్చిమాసియా అట్టుడికిపోతున్న సంగతి తెలిసిందే. ప్రధానంగా గత ఏడాది అక్టోబర్ 8న హమాస్ ఉగ్రవాదులు ఇజ్రాయెల్ ప్రజలపై చేసిన దాడుల అనంతరం.. గాజాని చిగురుటాకులా వణికించేస్తోంది ఐడీఎఫ్. ప్రస్తుతం ఇజ్రాయెల్ మిలటరీ కురిపించిన బుల్లెట్లు, రాకెట్లతో గాజా స్ట్రిప్ జల్లెడైపోయింది.

ఇదే సమయంలో... హెజ్ బొల్లా, హమాస్ మిలిటెంట్ సంస్థలకు చెందిన అగ్రనేతలనూ ఐడీఎఫ్ మట్టుబెట్టింది. ఇందులో భాగంగా... హెజ్ బొల్లా చీఫ్ నస్రల్లా, హమాస్ చీఫ్ యహ్యా సెన్వార్ లను హతమార్చింది. దీంతో హెజ్ బొల్లా కొత్త చీఫ్ గా షేక్ నయీం ఖాసిం ను నియమించినట్లు ఆ సంస్థ ప్రకటించింది.

దీనిపై తాజాగా ఇజ్రాయెల్ రక్షణ మంత్రి చేసిన పోస్ట్ ఇప్పుడు సంచలనంగా మారింది. కొత్త చీఫ్ ఎంతో కాలం ఉండడు.. కొత్త చీఫ్ కు ఆయుష్షు తక్కువ అన్నట్లుగా పరోక్షంగా హెచ్చరించిన ఆయన, ఆ హెచ్చరికలకు నయీంఖాసిం ఫోటోను జత పరుస్తూ చేసిన ట్వీట్ ఇప్పుడు వైరల్ గా మారింది!

ఈ సందర్భంగా షేక్ ఖాసీం ఫోటోను షేర్ చేసిన ఇజ్రాయెల్ రక్షణ మంత్రి యోవ్ గాలంట్... "ఇది తాత్కాలిక నియామకం మాత్రమే.. ఎక్కువ కాలానికి కాదు" అని రాసుకొచ్చారు. ఇదే సమాంలో... "కౌంట్ డౌన్ స్టార్ట్" అంటూ మరో పోస్ట్ లో పేర్కొన్నారు. దీంతో... త్వరలో ఐడీఎఫ్ మరిన్ని భీకర దాడులు చేయొచ్చనే సంకేతాలు ఇచ్చారని అంటున్నారు!