అంకాపూర్ చికెన్ ప‌కోడి తిని వెళ్లండి రాహుల్ స‌ర్‌!
కాంగ్రెస్ అగ్ర‌నేత, ఎంపీ రాహుల్‌గాంధీపై బీఆర్ ఎస్ కీలక నాయ‌కురాలు, ఎమ్మెల్సీ క‌ల్వ‌కుంట్ల క‌విత స‌టైర్ల‌తో విరుచుకుప‌డ్డారు
కాంగ్రెస్ అగ్ర‌నేత, ఎంపీ రాహుల్‌గాంధీపై బీఆర్ ఎస్ కీలక నాయ‌కురాలు, ఎమ్మెల్సీ క‌ల్వ‌కుంట్ల క‌విత స‌టైర్ల‌తో విరుచుకుప‌డ్డారు. ''నిజామాబాద్ వ‌స్తున్నార‌ట‌గా.. రండి! ఇక్క‌డి అంకాపూర్ చికెన్ ప‌కోడి చాలా బాగుంటుంది. నోరూరిస్తుంది. దానిని మీ పార్టీ నేత‌ల‌తో క‌లిసి హాయిగా తిని.. ఇక్క‌డి అభివృద్ధి చూసి.. వెళ్లండి స‌ర్‌'' అంటూ.. క‌విత వ్యాఖ్యానించారు.
తాజాగా రాహుల్ గాంధీ, ఆయ‌న సోద‌రి ప్రియాంక గాంధీలు.. తెలంగాణ‌లో ప‌ర్య‌టిస్తున్నారు. బ‌స్సు యాత్ర, బైకు యాత్ర‌ల‌తో తెలంగాణ ఎన్నిక‌ల్లో కాంగ్రెస్ కు జోష్ పెంచ‌నున్నారు. ఈ క్ర‌మంలో రాహుల్‌గాంధీ నిజామాబాద్‌లో ప‌ర్య‌టించాల‌ని క‌విత ఆహ్వానించారు. ఇక్క‌డ తాము ఏర‌కంగా అభివృద్ధి చేశామో చూసి త‌రించాల‌ని కూడా కోరారు. అంతేకాదు, ఈ అభివృద్ధి చూశాక.. రాహుల్‌కు వైరాగ్యం రావ‌డం ఖాయ‌మ‌ని వెంట‌నే ఆయ‌న డిచ్‌ప‌ల్లిలోని రామాల‌యానికి వెళ్తారని ఆమె వ్యాఖ్యానించారు.
ఇక, అంకాపూర్ చికెన్ తిని వెళ్లాల‌ని కూడా క‌విత వ్యంగ్యాస్త్రాలు సంధించారు. ఇవి త‌ప్ప ఇంకేమీ చేయ‌లేర‌ని అన్నారు. రాష్ట్ర వాతావ‌ర‌ణాన్ని క‌లుషితం చేయొద్ద‌ని క‌విత సూచించారు. ''ఆయ‌న రాహుల్‌గాంధీ కాదు. ఎన్నిక‌ల గాంధీ.. ఆయ‌న‌కు బీసీలు ఇప్పుడే గుర్తుకు వ‌చ్చారు. ఎందుకంటే.. ఎన్నిక‌లు వ‌చ్చాయి క‌దా! అయితే.. చిత్రంగా రాష్ట్రంలో ఉన్న బీసీల ప్ర‌భుత్వ‌మ‌నే విష‌యాన్ని మాత్రం రాహుల్ గుర్తించ‌లేక పోతున్నారు'' అని క‌విత వ్యాఖ్యానించారు.