"రాజా"కు దివ్వెల మాధురి స్పెషల్ బర్త్ డే గిఫ్ట్.. వీడియో వైరల్!

ఎమ్మెల్సీ దువ్వాడ శ్రీనివాస్ - దివ్వెల మాధురి ల వ్యవహరం అటు మీడియాలోనూ, ఇటు సోషల్ మీడియాలోనూ రెండు రాష్ట్రాల్లోనూ ఎంత వైరల్ గా మారిందనే సంగతి తెలిసిందే. ఎన్నో ట్విస్టులు, మరెన్నో జలక్కులు, రోడ్డు ప్రమాదాలు, కోర్టు కేసులు, తిరుమలలో ఫోటోలు, టీవీల్లో కలిసి ఇంటర్వ్యూలు వెరసి.. ఇటీవల కాలంలో అత్యంత హాట్ టాపిక్స్ లో ఒకటిగా నిలిచింది వీరి (ప్రేమ) వ్యవహారం!

ఈ నేపథ్యంలో మీడియాలోనూ, సోషల్ మీడియాలోనూ "దువ్వాడ ప్రేమ కథా చిత్రమ్" అనే ఎపిసోడ్ అత్యంత ట్రెండింగ్ అంశంగా మరింది. ఈ క్రమంలో తాజాగా దువాడ శ్రీనివాస్ బర్త్ డే సెలబ్రేషన్స్ జరిగింది. ఈ కార్యక్రమాన్ని మాధురి దగ్గరుండి జరిపించారని అంటున్నారు. ఈ సమయంలో శ్రీనివాస్ కి ఓ ప్రత్యేకమైన బహుమతిని ఆమె అందించారు. ఈ మేరకు ఓ వీడియోను పోస్ట్ చేశారు.

అవును... రెండు తెలుగు రాష్ట్రాల్లో వన్ ఆఫ్ ది ట్రెండింగ్ ఇష్యూస్ గా నిలిచిన దువ్వాడ శ్రీనివాస్ - మాధురి ల వ్యవహారం గురించి తెలిసిందే. ఈ సమయంలో దువ్వాడ బర్త్ డే సెలబ్రేషన్స్ జరిగాయి. ఈ సందర్భంగా ఇన్ స్టా వేదికగా ఆమె పెట్టిన పోస్ట్ లు ఇప్పుడు వైరల్ గా మారాయి. ఇందులో భాగంగా... ఓ వీడియోలో మాధురి.. శ్రీనివాస్ కోసం ప్రత్యేకంగా కొన్న వాచ్ గురించి ఉంది.

ఇందులో భాగంగా... బ్లాక్ కలర్ రాడో వాచ్ ను శ్రీనివాస్ కు సర్ ప్రైజ్ గిఫ్ట్ గా అందించారు మాధురి. దాని ధర రూ.2 లక్షలు పైనే అంటున్నారు నెటిజన్లు. ఇక ఈ కార్యక్రమానికి సంబంధించి విడుదల చేసిన పోస్టర్ లో... "రాజా బర్త్ డే సెలబ్రేషన్స్ - దువ్వాడ శ్రీనివాస్ గారు" అని ఉంది. దీంతో... శ్రీనివాస్ ని మాధురి ముద్దుగా, ప్రేమగా "రాజా" అని పిలుస్తారేమో అని అంటున్నారు నెటిజన్లు!

ఇదే సమయంలో మాధురి పోస్ట్ చేసిన మరో వీడియోలో... దువ్వాడ శ్రీనివాస్ తో కలిసి నాగుల చవితి పూజలు చేయడం కనిపించింది. ఇందులో భాగంగా... పుట్టను అందంగా అలంకరించారు మాధురి. అనంతరం వీరిరువురూ కలిసి పుట్టలో పాలు పోశారు. దీనికి సంబంధించిన వీడియో కూడా ఇప్పుడు నెట్టింట వైరల్ గా మారింది.

ఇక ఈ వీడియోలు, పోస్టర్లకు సంబంధించిన పోస్టుల కామెంట్ సెక్షన్స్ లో సందడి నెలకొంది. ఈ సందర్భంగా ఈ జంటకు కంగ్రాట్స్ చెబుతూ కొంతమంది కామెంట్ చేస్తుండగా.. శ్రీనివాస్ కు బర్త్ డే విషెస్ చెబుతూ మరికొంతమంది స్పందిస్తున్నారు. ఏది ఏమైనా వీరిరువురూ మరోసారి నెట్టింట హాట్ టాపిక్ గా మారారు!