ఒక్క పోస్ట్ తో రాష్ట్రంలో పొలిటికల్ హీట్ పెంచిన పొన్నాల!

తెలంగాణ రాష్ట్రంలో సీఎం రేవంత్ రెడ్డిపై పొన్నాల కామెంట్స్ హాట్ హాట్ గా మారాయి. రేవంత్ రెడ్డి టీపీసీసీ అధ్యక్షుడిగా ఎన్నికైనప్పటి నుంచి ఇద్దరి మధ్య వైరం కొనసాగుతోంది. టీడీపీ నుంచి వచ్చిన వలస వాదులకు పార్టీని అప్పజెప్పడం కరెక్ట్ కాదని పొన్నాల చాలా సార్లు అధిష్టానం వద్ద మొరపెట్టుకున్నాడు. తెలంగాణలో పార్టీని ముందుకు నడిపే సత్తా రేవంత్ రెడ్డికి ఉందని భావించిన అధిష్టానం తన నిర్ణయాన్ని కొనసాగించింది. దీంతో అధిష్టానంపై ఆగ్రహించిన పొన్నాల లక్ష్మయ్య అధిష్టానంపై తీవ్ర ఆరోపణలు చేస్తూ వచ్చాడు.

ఇటీవల జరిగిన ఎన్నికల్లో సైతం ఆయనకు టికెట్ ఇచ్చేందుకు టీపీసీసీ హోదాలో రేవంత్ ససేమీరా అనడంతో పొన్నాల తీవ్ర ఆరోపణలు చేస్తూ పార్టీని వీడారు. ఈ నేపథ్యంలో ఇద్దరి మధ్య వైరం మరింత పెరిగింది. ఎన్నికలో సమయంలో కూడా పొన్నాల బీఆర్ఎస్ పార్టీలోకి వెళ్లినా ఆ పార్టీ ఆయనకు టికెట్ ఇవ్వలేదు. కేవలం ప్రచార వ్యవహారాలు మాత్రమే చూసుకునేవారు. పొన్నాల పార్టీ మారుతున్న సమయంలో టీపీసీసీ అధ్యక్షుడి హోదాలో రేవంత్ రెడ్డి విమర్శలు గుప్పించారు.

కేసీఆర్ పరామర్శతో పొన్నాల వాట్సప్ స్టేటస్

మాజీ ముఖ్యమంత్రి కేసీఆర్ ప్రమాదవశాత్తు గాయాలపాలు కావడంతో యశోధ హాస్పిటల్ లో చికిత్స పొందుతున్నారు. సీఎం ప్రమాణస్వీకారం.. మంత్రి వర్గ కూర్పు.. పాలనా వ్యవహారాల్లో బిజీగా ఉండడంతో సీఎం రేవంత్ రెడ్డి కేసీఆర్ ను పరామర్శించలేకపోయారు. ఆ వ్యవహారాలన్నీ చక్కబెట్టిన తర్వాత ఆదివారం (డిసెంబర్ 10) యశోద హాస్పిటల్ కు వెళ్లిన రేవంత్ రెడ్డి కేసీఆర్ ను పరామర్శించారు. దీనికి సంబంధించి ఫొటోలు, వీడియోలను సీఎం పార్టీ కార్యాలయం బయటకు విడుదల చేసింది.

కేసీఆర్ ను కలిసిన తర్వాత రేవంత్ రెడ్డి గౌరవంగా నమస్కారం చేశారు. ఈ ఫొటోలను

పొన్నాల లక్ష్మయ్య సీఎం రేవంత్ రెడ్డిపై సోషల్ మీడియాలో తీవ్ర వ్యాఖ్యలు చేశారు. ఈ ఫొటోలను వాట్సప్ స్టేషన్ గా పెట్టిన పొన్నాల ‘అన్నా.. ఏడాదైనా నన్ను సీఎంగా ఉండనీయండి అంటూ సీఎం రేవంత్‌ రెడ్డి కేసీఆర్ కు దండం పెడుతున్నారంటూ’ రాసుకున్నాడు. దీంతో రాష్ట్రంలో తీవ్ర దుమారం నెలకొంది. కాంగ్రెస్ పార్టీ నాయకులు పొన్నాల వ్యాఖ్యలపై గుర్రుగా ఉన్నట్లు తెలుస్తోంది.