హాసన సెక్స్‌ కుంభకోణం.. ఎంపీ ప్రజ్వల్ పై జేడీఎస్ కీలక నిర్ణయం!
ఈ సమయంలో జేడీఎస్ పార్టీ కీలక నిర్ణయం తీసుకుంది. ఇందులో భాగంగా... తాజాగా ప్రజ్వల్ ను పార్టీ నుంచి సస్పెండ్ చేసింది.
మాజీ ప్రధాని, జేడీఎస్ అగ్రనేత దేవెగౌడ తనయుడు రేవణ్ణ తో పాటు.. మనవడు, ఎంపీ ప్రజ్వల్ రేవణ్ణ లపై లైంగిక వేధింపుల కేసు సంచలనం సృష్టించిన సంగతి తెలిసిందే. ఈ వ్యవహారం తీవ్ర సంచలనంగా మారింది. పైగా ఎన్నికల సీజన్ కావడంతో వ్యవహారం మరింత వైరల్ గా మారింది. ఈ సమయంలో... హాసన సిటింగ్ ఎంపీ ప్రజ్వల్ రేవణ్ణ జేడీఎస్ కీలక నిర్ణయం తీసుకుంది.
అవును... హాసన సిటింగ్ ఎంపీ ప్రజ్వల్ రేవణ్ణ పై వచ్చిన లైంగిక వేధింపుల ఆరోపణలు కన్నడ రాజకీయాల్లో తీవ్ర దుమారం రేపుతున్న సంగతి తెలిసిందే. ఈ సమయంలో జేడీఎస్ పార్టీ కీలక నిర్ణయం తీసుకుంది. ఇందులో భాగంగా... తాజాగా ప్రజ్వల్ ను పార్టీ నుంచి సస్పెండ్ చేసింది. అదేవిధంగా... ఆయనకు షోకాజ్‌ నోటీసులు జారీ చేసింది. ఈ మేరకు పార్టీ కోర్‌ కమిటీ నిర్ణయం తీసుకుంది.
మరోవైపు... ఈ పరిణామానికి ముందు ప్రజ్వల్ చిన్నాన్న, మాజీ సీఎం హెచ్‌.డి. కుమారస్వామి మీడియాతో మాట్లాడారు. ఈ వివాదం వెనక కర్ణాటక ఉప ముఖ్యమంత్రి డీకే శివకుమార్‌ హస్తం ఉందంటూ సంచలన ఆరోపణ చేశారు. ఈ క్రమంలో ఆయన్ను తక్షణమే పదవి నుంచి తొలగించాలని డిమాండ్ చేశారు. ఈ సందర్భంగా పలు సందేహాలు, ప్రశ్నలు తెరపైకి తెచ్చారు.
ఇందులో భాగంగా... ఆ వీడియోల్లో ప్రజ్వల్ ముఖం కనిపిస్తోందా..? అని ప్రశ్నించిన కుమారస్వామి... ఆ వీడియోలో అతడివేనన్న ఆధారం ఏంటి..? అని అడిగారు. అయినప్పటికీ నైతికత ఆధారంగా చర్యలు ఉంటాయని వ్యాఖ్యానించారు. ఇదే సమయంలో... ఈ వ్యవహారంపై "సిట్‌" దర్యాప్తు చేస్తోందని గుర్తు చేస్తూ... ఆ వీడియో క్లిప్పులు ఉన్న పెన్‌ డ్రైవ్‌ లు ఎక్కడి నుంచి వచ్చాయి? ఎవరు ఎవరికి ఎలా పంపిణీ చేశారనే విషయాలపైనా దర్యాప్తు సాగాలని డిమాండ్ చేశారు.