నో బ్రష్.. నో టూత్‌పేస్ట్! అయినా జంతువుల దంతాలు తెల్లగా ఎలా ఉంటాయబ్బా !

మనం ప్రతి రోజూ బ్రష్ చేస్తుంటాం. రకరకాల టూత్ పేస్టులను వాడుతూ నోటిని శుభ్రం చేసుకుంటాం. ఉదయం లేచిన తర్వాత, రాత్రి పడుకునే ముందు మీ దంతాలను బాగా శుభ్రం చేసుకుంటారు. నోటి ఆరోగ్యం గురించి పూర్తిగా శ్రద్ధ తీసుకుంటారు. అయినప్పటికీ కొందరి దంతాలు పసుపు రంగులోకి మారుతుంటాయి. ప్రపంచంలోని దాదాపు ప్రతి ఒక్కరితోనూ ఈ సమస్య సాధారణం. వేల ప్రయత్నాలు చేసినా దంతాల పసుపు రంగు తగ్గదు. దీనికి విరుద్ధంగా జంతువులు ఎప్పుడూ బ్రష్ చేయవు, నోటి ఆరోగ్యం గురించి పట్టించుకోవు. వాటి ఇష్టం వచ్చినట్లు తింటాయి, త్రాగుతాయి. అయినప్పటికీ వాటి దంతాలు మెరుస్తూ ఉంటాయి. ఎప్పుడూ పసుపు రంగులోకి మారవు. జంతువులకు కావిటీస్ వంటి సమస్యలు ఉండవు. ఎందుకిలా జరుగుతుందో ఎప్పుడైనా ఆలోచించారా?

ఆహారం ప్రభావం

మన శరీరం ప్రతి అవయవంపై మన ఆహారం ప్రభావం చూపుతుంది. మనం ఏమి తింటే, శరీరం అలా ప్రతిస్పందిస్తుంది. మన దంతాల పరిస్థితి కూడా అంతే. కొన్ని ప్రత్యేక పదార్థాలు తీసుకోవడం వల్ల దంతాలలో పసుపు రంగు పెరుగుతుంది. ఇందులో టీ, కాఫీ, ధూమపానం కూడా ఉన్నాయి. కొన్ని పరిశోధనలలో చక్కెర తినడం వల్ల కూడా దంతాలలో పసుపు రంగు పెరుగుతుందని తేలింది. దీనితో పాటు పొగాకులో ఉండే టార్, నికోటిన్ కూడా దంతాలలో పసుపు రంగును కలిగిస్తాయి.

జంతువుల దంతాలు ఎల్లప్పుడూ మెరిసేలా ఎందుకు ఉంటాయి?

మీరు జంతువులను చూసి ఉంటారు. రోజంతా అవి ఇష్టం వచ్చినట్లు తింటూ ఉంటాయి. అంతేకాకుండా జంతువులు మురికి నీరు కూడా తాగుతాయి. అయినప్పటికీ వాటి దంతాలు తెల్లగా, మెరుస్తూ ఉంటాయి. వాటి దంతాలలో కావిటీస్ కూడా ఉండవు. కానీ ఎందుకిలా జరుగుతుంది? వాస్తవానికి జంతువులు తమ దంతాలను శుభ్రం చేసుకోవడానికి సహజమైన మార్గాన్ని అనుసరిస్తాయి. వాటి ఆహారంలో ఎక్కువగా ఫైబర్ ఉండే పదార్థాలు ఉంటాయి. దీని వల్ల వాటి దంతాలు వాటంతట అవే శుభ్రమవుతూ ఉంటాయి.

జంతువుల దంతాలు ఎందుకు బలహీనంగా ఉండవు?

మనిషి ఎక్కువగా ప్రాసెస్ చేసిన ఆహారం తింటాడు. అంటే మన ఆహారం వండినది, అయితే జంతువుల ఆహారం చాలా సహజమైనది. అంటే ప్రకృతి ఏ విధంగా సృష్టించిందో జంతువులు దానిని అలాగే తీసుకుంటాయి. దీనితో పాటు అవి చెట్ల బెరడు లేదా ఎముకలకు కూడా నములుతూ ఉంటాయి. అలా చేయడం వల్ల వాటి దంతాలలోని బ్యాక్టీరియా నశిస్తుంది. చెట్ల బెరడులో కూడా ఔషధ గుణాలు ఉంటాయి.