పిక్ టాక్ : జగన్ మారాడండోయ్.. కొత్త లుక్ లో అదిరిపోలా!

‘పాత ఒక రోత.. కొత్త ఒక వింత ’ అంటారు. ఎప్పుడూ ఏదోటి కొత్తగా ట్రై చేస్తూనే ఉండాలి. అప్పుడే జనాలకు మనం కొత్తగా కనపడుతాం.. నోళ్లలో నానుతాం.. ఎప్పుడూ అదే తెల్లటి చొక్కా.. గోధుమ రంగ ప్యాంట్ యేనా? కాస్త కొత్త లుక్ ట్రై చేద్దాం.. రాజకీయాల్లో జగన్ ను చూసిన జనాలకు ఇప్పుడు వేడుకలో జగన్ ను లుక్ చూసి సంబరపడ్డారు. ఎందుకంటే జగన్ మారిపోయాడు. తన కొత్త లుక్ లో సరికొత్తగా దర్శనమిచ్చాడు. ఊహించని లుక్ ఇప్పుడు సోషల్ మీడియాలో వైరల్ అవుతోంది..

తొలినాళ్లలో రాజకీయాల్లోకి వచ్చిన్నప్పుడు వైఎస్ జగన్ మోహన్ రెడ్డి అనేక రకాల దుస్తులు ధరించేవారు. అప్పట్లో ఆయన యవ్వనంలో ఉండటంతో రంగురంగుల దుస్తులను ఎంచుకునేవారు. అయితే, ఆయన సీరియస్ రాజకీయ నాయకుడిగా మారిన తర్వాత తన దుస్తుల శైలిని పూర్తిగా మార్చుకున్నారు.

గత కొన్నేళ్లుగా జగన్ ఒకే రకమైన దుస్తులను ధరిస్తున్నారు. అవి తెలుపు రంగు చొక్కా తోపాటు కాకీ(గోధుమ) రంగు ప్యాంటు. బహిరంగంగా కనిపించినప్పుడల్లా ఆయన దాదాపుగా ఈ దుస్తుల్లోనే దర్శనమిచ్చేవారు.

అయితే తాజాగా జగన్ కొత్త అవతారంలో కనిపించారు. ఆయన తన నివాసంలో తీసినట్లున్న ఒక చిత్రంలో తెలుపు రంగు కుర్తా చొక్కా ధరించి ఉన్నారు.

జగన్ ఇలాంటి దుస్తులు ధరించడం ఇదే మొదటిసారి కాదు. గతంలో బెంగళూరులోని తన యలహంక నివాసంలో ఒక చిత్రం కోసం ఆయన ఇలాంటి దుస్తులు ధరించారు. అయితే ఈసారి కాకీ ప్యాంటుకు బదులుగా నలుపు రంగు ప్యాంటును ఎంచుకున్నారు.

బహుశా ఇది జగన్ యొక్క అత్యంత సౌకర్యవంతమైన దుస్తుల ఎంపికలలో ఒకటిగా కనిపిస్తోంది. జగన్ దుస్తుల ఎంపికల గురించి ఎప్పుడూ చర్చ జరుగుతూ ఉండటంతో ఈ చిత్రాలు ఇప్పుడు అందరి దృష్టిని ఆకర్షిస్తున్నాయి.