'సేఫ్ హ్యాండ్స్ వర్సెస్ ఎగ్ ఫఫ్స్'... ట్విట్టర్లో సాయిధరమ్ - వైసీపీ వార్!
మెగా హీరో సాయిధరమ్ తేజ్, వైసీపీ అభిమానుల మధ్య ట్వీట్స్ వార్ నడుస్తోంది.
మెగా హీరో సాయిధరమ్ తేజ్, వైసీపీ అభిమానుల మధ్య ట్వీట్స్ వార్ నడుస్తోంది. ఎక్స్ లో ఓ వైసీపీ అభిమాని గతంలో సాయిధరమ్ తేజ్ చేసిన వ్యాఖ్యలపై ట్వీట్ చేయడం.. దీనిపై నేరుగా సాయిధరమ్ ను ప్రశ్నించడం.. దానికి ఈ హీరో రియాక్ట్ అవ్వడంతో వ్యవహారం చినికి చినికి గాలివానగా మారి నెట్టింట సరికొత్త రచ్చకు దారితీసిందని అంటున్నారు!
అవును... ప్రస్తుతం నెట్టింట సాయిధరమ్ వర్సెస్ వైసీపీ ట్విట్టర్ వార్ ఇప్పుడు హాట్ టాపిక్ గా మారింది. డాక్టర్ ప్రదీప్ రెడ్డి చింతా అనే ఎన్నారై, వైసీపీ యునైటెండ్ కింగ్ డమ్మ్ కన్వీనర్ ట్వీట్ చేస్తూ సాయిధరమ్ తేజ్ ని ప్రశ్నించడంతో ఈ వ్యవహారం మొదలైందని అంటున్నారు!
వివరాళ్లోకి వెళ్తే... సోషల్ మీడియాలో యాక్టివ్ గా ఉండే డాక్టర్ ప్రదీప్ చింతా అనే ఎన్నారై.. రాష్ట్రంలో రాజకీయ, సామాజిక పరిస్థితులపై ఎప్పటికప్పుడు తన అభిప్రాయాలను ఎక్స్ లో పంచుకుంటుంటారు. ఈ నేపథ్యంలోనే తణుకులోని అన్న క్యాంటీన్ లో మురికి నీటిలో ప్లేట్లు కడిగినట్లు చెబుతున్న ఘటనకు సంబంధించిన అంశంపై స్పందించారు.
ఇందులో భాగంగా... "మెడలు రుద్దే సేఫ్ హ్యాండ్స్ ఎక్కడ సాయిధరమ్ తేజ్.. తణుకు అన్న క్యాంటీన్ లో ప్లేట్లు కడగొచ్చుగా సేఫ్ హ్యాండ్స్ తో.." అని ట్వీట్ చేశారు. ఈ ట్వీట్ కు స్పందించిన సాయిధరమ్... "ఎగ్ పఫ్స్ బిల్లు ఎక్కువైంది. మీరు బాగా తిని ఉంటారు సర్" అంటూ రియాక్ట్ అయ్యారు!
దీనిపై.. తనకు తాను ఎగ్ పఫ్ లు కొనుక్కుంటానని, మరొకరి సాయం అవసరం లేదని రియాక్ట్ అయ్యారు ప్రదీప్ చింతా! ఇదే సమయంలో "ఉప్పెన" సినిమాలో కృతిశెట్టి మైనర్ అయినప్పటికీ ఆమెతో అడల్ట్ సీన్లలో యాక్ట్ చేశారని ప్రస్థావించారు! తాను ఏదైనా చెప్తానో ఆ విషయాన్ని ఆచరిస్తానంటూ సెటైర్ వేశారు.
ఈ నేపథ్యంలో వైసీపీ అభిమానులు ఎంటరయ్యారు.. సాయిధరమ్ తేజ్ ను టార్గెట్ చేశారు. అడిగిన అంశానికి సమాధానం చెప్పకుండా.. ఎగ్ పఫ్ ల గురించి మాట్లాడటం ఎంటంటూ హీరోపై మండిపడుతున్నారు! ఎగ్ పఫ్ ల ఖర్చుల గురించి ఆధారాలు ఉంటే సమర్పించాలని సవాల్ విసురుతున్నారు.
ఇదే సమయంలో... ఏపీలో కూటమి ప్రభుత్వం కొలువుదీరిన తర్వాత జరిగిన అత్యాచారాలపై సాయిధరమ్ తేజ్ కానీ, సేఫ్ హ్యాండ్స్ కానీ ఎందుకు స్పందించడం లేదంటూ ప్రశ్నల వర్షం కురిపిస్తున్నారు. మరోపక్క... అదే రీతిలో సాయిధరమ్ తేజ్ అభిమానులు, జనసేన అభిమానులు వైసీపీ ట్వీట్లకు కౌంటర్స్ ఇస్తున్నారు! దీంతో.. ఇప్పుడు నెట్టింట ఈ వార్ పీక్స్ కి చేరుకుంటుంది!