హాట్ టాపిక్: జనసేనకు నితిన్ విరాళం

ఒక స్టార్ హీరోగా సినిమాల విషయంలో పవర్ స్టార్ పవర్ పవన్ కళ్యాణ్ కు ఫాలోయింగ్ చాలా ఎక్కువ. పలువురు సెలబ్రిటీలు ఓపెన్ గానే పవన్ పై తమ అభిమానం తెలుపుతూ ఉంటారు. కానీ ఎప్పుడైతే పవన్ జనసేన అధ్యక్షుడిగా ఎన్నికల రణరంగంలో దిగి సమర శంఖం పూరించారో అప్పుడు పవన్ కు సపోర్ట్ గా ఉండడం అందరికీ వీలు కాదు.  దీంతో ఇప్పటికే కొందరు పవన్ సన్నిహితులు పవన్ పై విమర్శలు చేసి ఆయన అభిమానులతో తిట్లు తింటున్నారు.  కోన వెంకట్.. కమెడియన్ అలీ.. ఇలా చెప్పుకుంటూ పోతే ఈ లిస్టు చాలా పెద్దది.

ఇలాంటి పరిస్థితిలో.. పవన్ ఇమేజ్ ను వాడుకుంటారు కానీ పవన్ స్వయంగా ఎన్నికల్లో పాల్గొంటూ ఉంటే పవన్ భక్తులని చెప్పుకునే వారు సైలెంట్ గా ఎందుకున్నరనే ప్రశ్నలు కూడా ఉత్పన్నమవుతున్నాయి.  ఎప్పుడూ పవన్ అభిమానినని చెప్పుకునే నితిన్ లాంటి వారు ఇప్పుడు ఎక్కడ ఉన్నారని కూడా కొందరు ప్రశ్నిస్తున్నారు..  మరి ఇలాంటి ప్రచారానికి చెక్ పెట్టాలని నితిన్ డిసైడ్ అయ్యాడో ఏమో కానీ నితిన్ తండ్రి సుధాకర రెడ్డిని రంగంలోకి దింపాడని సమాచారం.  డీహైడ్రేషన్ ఇబ్బంది పడుతున్న పవన్ ను నితిన్ ఫాదర్ సుధాకర్ రెడ్డి ఆంధ్రకు వెళ్లి  స్వయంగా పరమర్శించాడట. అంతే కాకుండా పవన్ పార్టీకి కొంతమొత్తం విరాళం అందించాడని కూడా ఓ టాక్ వినిపిస్తోంది.

ఈ విషయంపై అధికారికంగా ఎవరూ స్పందించలేదు కానీ విరాళం అందించాడనే వార్తలను పవన్ అభిమానులు స్వాగతిస్తున్నారు.  మెగా ఫ్యామిలీ హీరోలు కాకుండా ఇలా పవన్ కు ఇతర హీరోలు కూడా సపోర్ట్ ఇవ్వడం వారికి సంతోషాన్నిస్తోంది. మరి ఆ విరాళం విషయం నిజమో కాదో నితిన్ మాత్రమే చెప్పగలడు.అప్పటివరకూ ఇది స్పెక్యులేషన్ కిందే లెక్క.