న‌వ్యాంధ్ర‌ప్ర‌దేశ్ పొలిటిక‌ల్ కేపిట‌ల్ గా ఉన్న విజ‌య‌వాడ‌లో ఇప్పుడు ఎక్క‌డ చూసినా ఒక‌టే చ‌ర్చ. దివంగ‌త కాపు నేత వంగ‌వీటి మోహ‌న రంగా కుమారుడు - వైసీపీ నేత - మాజీ ఎమ్మెల్యే వంగ‌వీటి రాధాకృష్ణ... వైసీపీకి హ్యాండిచ్చేసి టీడీపీలోకి చేరిపోతార‌ట. అదే స‌మ‌యంలో టీడీపీలో యువ‌నేత‌గా ఉన్న గ‌న్న‌వ‌రం శాస‌న‌స‌భ్యుడు వ‌ల్ల‌భ‌నేని వంశీ మోహ‌న్... సైకిల్ పార్టీకి గుడ్ బై చెప్పేసి... వైసీపీలో చేరిపోతార‌ట. ఈ రెండు అంశాల‌పైనే విజ‌య‌వాడ ప్ర‌జ‌లు... మొత్తంగా ఏపీ ప్ర‌జ‌లు చ‌ర్చోప‌చ‌ర్చ‌లు జ‌రుపుతున్నారు. అయినా ఇది ఊహ‌కు అంద‌ని విష‌మ‌యే అయినా... ఈ త‌ర‌హా మార్పులు గ‌నుక జ‌రిగితే... ఎవ‌రికి లాభం? ఎవ‌రికి న‌ష్టం? ఎవ‌రెవ‌రికి ఎంత‌మేర లాభం? ఈ రెండు మార్పుల‌తో టీడీపీకి ప్లస్సా? లేదంటే వైసీపీకి ప్లస్సా? అనే కోణంలోనే ఈ చ‌ర్చ‌ల‌న్నీ జ‌రిగిపోతున్నాయి. ఈ నేప‌థ్యంలో అస‌లు ఈ వార్త‌ల్లో నిజ‌మెంత? అన్న విష‌యంపైనా పెద్ద ఎత్తున చ‌ర్చ‌లు జ‌రుగుతున్నాయి. అయినా ఈ త‌ర‌హా పుకార్ల‌పై అటు వంగ‌వీటి రాధా గానీ - ఇటు వ‌ల్ల‌భ‌నేని వంశీ గానీ మాట మాత్రంగా కూడా ప‌లికిన సంద‌ర్భం లేదు. మరి ఈ వార్త‌ల‌ను ఎవ‌రు పుట్టించారు? ఎవ‌రు వండి వార్చారు? అంటే... ఇంకెవ‌రు? ఎప్పుడు ఏదో ఒక సంచ‌ల‌నాన్ని తాను ముందుగానే ప‌సిగట్టాన‌ని జ‌బ్బ‌లు చ‌రుచుకునే మీడియానేన‌ని చెప్ప‌క త‌ప్ప‌దు.
నిజ‌మే మరి... వంట‌వీటి రాధా - వ‌ల్ల‌భ‌వ‌నేని వంశీలు త‌మ‌కు తాముగా చెప్ప‌కుండానే వారు పార్టీ మారుతున్నార‌ని చెప్ప‌డానికి అత్యుత్సాహంతో ప‌రుగులు పెడుతున్న మీడియా కాకుండా ఎంకెవ‌రు ఈ విష‌యాల‌ను బ‌య‌ట‌కు తీస్తారు చెప్పండి. వంగ‌వీటి రాధా ఎపిసోడ్ నే తీసుకుంటే... వైసీపీ అధిష్ఠానం వ్యవహారంపై వంగ‌వీటి రాధా తీవ్ర అసంతృప్తితో ఉన్నార‌ని - ఆయ‌న నేడో - రేపో వైసీపీకి వీడ్కోలు ప‌లికేసి టీడీపీలో చేరిపోతార‌ని పెద్ద ఎత్తున ప్ర‌చారం జ‌రుగుతోంది. ఈ ప్ర‌చారాన్ని వంగ‌వీటి ఖండించాల‌ని ఏమీ లేదు. ఎందుకంటే... ఆ దిశ‌గా ఒక్కటంటే ఒక్క మాట కూడా రాధా నోట నుంచి రాలేదు. దీంతోనే ఆయ‌న ఈ త‌ర‌హా ప్ర‌చారంపై కిమ్మ‌న‌కుండా త‌న ప‌నేదో తాను చూసుకుపోతున్నారు. ఈ క్ర‌మంలో ఈ వార్త‌ల‌ను వండి వార్చేసిన ఓ మీడియా సంస్థ... నిన్న పెన్నూ పేప‌రు. మైకూ కెమెరా ప‌ట్టుకుని వంగ‌వీటి ముంద‌ట వాలిపోయింది. పార్టీ మారుతున్నార‌ట క‌దా? అని వంగ‌వీటిని అడిగి... తాను రాసిన వార్త‌ల‌ను గుర్తు చేసింది. దీంతో స‌ద‌రు ఛానెల్ - ప‌త్రికా ప్ర‌తినిధుల వ్యవహారంపై కాస్తంత ఆగ్ర‌హం వ్య‌క్తం చేసిన రాధా... మీరు వార్త‌లు రాసేసి - న‌న్ను స్పందించ‌మ‌ని కోరితే ఎలాగంటూ క‌డిగి పారేశారు. అప్ప‌టికీ ఆ మీడియా ప్ర‌తినిధులు శాంతించ‌క... వంగ‌వీటి నోటి నుంచి పార్టీ మార్పున‌కు సంబంధించి చిన్న మాట అయినా రాబ‌ట్టేందుకు శ‌త‌విధాలా య‌త్నించి చివ‌ర‌కు స‌ఫ‌లం కాలేక నిరుత్సాహంగా వెనుదిరిగారు.
రాధా ఎపిసోడ్ ముగిసిందో - లేదో... ఇప్పుడు వ‌ల్ల‌భ‌నేని వంశీ మోహ‌న్ విష‌యాన్ని మీడియా మ‌ళ్లీ భుజానికెత్తుకుంది. గ‌న్న‌వ‌రం ఎమ్మెల్యేగా - ఆ ప్రాంత ప్ర‌జ‌ల స‌మ‌స్య‌ల ప‌రిష్కారం కోసం అహ‌ర‌హం శ్ర‌మిస్తున్న నేత‌గా వంశీకి మంచి పేరే ఉంది. అప్పుడెప్పుడో విజ‌య‌వాడ‌కు వ‌చ్చిన వైసీపీ అధినేత వైఎస్ జ‌గ‌న్ మోహ‌న్ రెడ్డి.. న‌డిరోడ్డుపై వంశీని ఆలింగ‌నం చేసుకున్న విష‌యాన్ని మ‌ళ్లీ ఇప్పుడు గుర్తు చేస్తూ ఓ మీడియా సంస్థ వంశీ టీడీపీని వీడుతున్నార‌ని - వైసీపీలో చేరిపోతున్నార‌ని త‌న‌కు తానే ఓ అంచనాకు వ‌చ్చేసి వార్త‌ను వండి వార్చేసింది. దీనిపై ఓ టీవీ ఛానెల్ ప్ర‌తినిధులు వంశీని... రాధాను ముప్పు తిప్ప‌లు పెట్టేందుకు ఓ మీడియా ప్ర‌తినిధులు య‌త్నించిన మాదిరిగానే వంశీకి కూడా య‌క్ష ప్ర‌శ్న‌లు వేశారు. అయితే వంశీ కూడా రాధా మాదిరే ఈ త‌ర‌హా అనుమానాలు - వార్త‌లు మీకు ఎలా అందుతున్నాయో నాకే తెలియ‌దంటూ స‌ద‌రు ఛానెల్ పై చిర్రుబుర్రులాడార‌ట. దీంతో చేసేదేమీ లేక ఈ ఛానెల్ ప్ర‌తినిధులు కూడా తొలి ఛానెల్ ప్ర‌తినిధుల మాదిరే త‌మ ప్లాన్ స‌క్సెస్ కాక‌పోవ‌డంతో నిరాశ‌గానే వెనుదిరిగిపోయార‌ట. అయినా లేనిపోని అంశాల‌ను క‌ట్టు క‌థ‌లుగా అల్లేసి... అవే నిజ‌మైనవంటూ జ‌నం మీద ప‌డితే ఇలాగే ఉంటుంది మరి.
నిజ‌మే మరి... వంట‌వీటి రాధా - వ‌ల్ల‌భ‌వ‌నేని వంశీలు త‌మ‌కు తాముగా చెప్ప‌కుండానే వారు పార్టీ మారుతున్నార‌ని చెప్ప‌డానికి అత్యుత్సాహంతో ప‌రుగులు పెడుతున్న మీడియా కాకుండా ఎంకెవ‌రు ఈ విష‌యాల‌ను బ‌య‌ట‌కు తీస్తారు చెప్పండి. వంగ‌వీటి రాధా ఎపిసోడ్ నే తీసుకుంటే... వైసీపీ అధిష్ఠానం వ్యవహారంపై వంగ‌వీటి రాధా తీవ్ర అసంతృప్తితో ఉన్నార‌ని - ఆయ‌న నేడో - రేపో వైసీపీకి వీడ్కోలు ప‌లికేసి టీడీపీలో చేరిపోతార‌ని పెద్ద ఎత్తున ప్ర‌చారం జ‌రుగుతోంది. ఈ ప్ర‌చారాన్ని వంగ‌వీటి ఖండించాల‌ని ఏమీ లేదు. ఎందుకంటే... ఆ దిశ‌గా ఒక్కటంటే ఒక్క మాట కూడా రాధా నోట నుంచి రాలేదు. దీంతోనే ఆయ‌న ఈ త‌ర‌హా ప్ర‌చారంపై కిమ్మ‌న‌కుండా త‌న ప‌నేదో తాను చూసుకుపోతున్నారు. ఈ క్ర‌మంలో ఈ వార్త‌ల‌ను వండి వార్చేసిన ఓ మీడియా సంస్థ... నిన్న పెన్నూ పేప‌రు. మైకూ కెమెరా ప‌ట్టుకుని వంగ‌వీటి ముంద‌ట వాలిపోయింది. పార్టీ మారుతున్నార‌ట క‌దా? అని వంగ‌వీటిని అడిగి... తాను రాసిన వార్త‌ల‌ను గుర్తు చేసింది. దీంతో స‌ద‌రు ఛానెల్ - ప‌త్రికా ప్ర‌తినిధుల వ్యవహారంపై కాస్తంత ఆగ్ర‌హం వ్య‌క్తం చేసిన రాధా... మీరు వార్త‌లు రాసేసి - న‌న్ను స్పందించ‌మ‌ని కోరితే ఎలాగంటూ క‌డిగి పారేశారు. అప్ప‌టికీ ఆ మీడియా ప్ర‌తినిధులు శాంతించ‌క... వంగ‌వీటి నోటి నుంచి పార్టీ మార్పున‌కు సంబంధించి చిన్న మాట అయినా రాబ‌ట్టేందుకు శ‌త‌విధాలా య‌త్నించి చివ‌ర‌కు స‌ఫ‌లం కాలేక నిరుత్సాహంగా వెనుదిరిగారు.
రాధా ఎపిసోడ్ ముగిసిందో - లేదో... ఇప్పుడు వ‌ల్ల‌భ‌నేని వంశీ మోహ‌న్ విష‌యాన్ని మీడియా మ‌ళ్లీ భుజానికెత్తుకుంది. గ‌న్న‌వ‌రం ఎమ్మెల్యేగా - ఆ ప్రాంత ప్ర‌జ‌ల స‌మ‌స్య‌ల ప‌రిష్కారం కోసం అహ‌ర‌హం శ్ర‌మిస్తున్న నేత‌గా వంశీకి మంచి పేరే ఉంది. అప్పుడెప్పుడో విజ‌య‌వాడ‌కు వ‌చ్చిన వైసీపీ అధినేత వైఎస్ జ‌గ‌న్ మోహ‌న్ రెడ్డి.. న‌డిరోడ్డుపై వంశీని ఆలింగ‌నం చేసుకున్న విష‌యాన్ని మ‌ళ్లీ ఇప్పుడు గుర్తు చేస్తూ ఓ మీడియా సంస్థ వంశీ టీడీపీని వీడుతున్నార‌ని - వైసీపీలో చేరిపోతున్నార‌ని త‌న‌కు తానే ఓ అంచనాకు వ‌చ్చేసి వార్త‌ను వండి వార్చేసింది. దీనిపై ఓ టీవీ ఛానెల్ ప్ర‌తినిధులు వంశీని... రాధాను ముప్పు తిప్ప‌లు పెట్టేందుకు ఓ మీడియా ప్ర‌తినిధులు య‌త్నించిన మాదిరిగానే వంశీకి కూడా య‌క్ష ప్ర‌శ్న‌లు వేశారు. అయితే వంశీ కూడా రాధా మాదిరే ఈ త‌ర‌హా అనుమానాలు - వార్త‌లు మీకు ఎలా అందుతున్నాయో నాకే తెలియ‌దంటూ స‌ద‌రు ఛానెల్ పై చిర్రుబుర్రులాడార‌ట. దీంతో చేసేదేమీ లేక ఈ ఛానెల్ ప్ర‌తినిధులు కూడా తొలి ఛానెల్ ప్ర‌తినిధుల మాదిరే త‌మ ప్లాన్ స‌క్సెస్ కాక‌పోవ‌డంతో నిరాశ‌గానే వెనుదిరిగిపోయార‌ట. అయినా లేనిపోని అంశాల‌ను క‌ట్టు క‌థ‌లుగా అల్లేసి... అవే నిజ‌మైనవంటూ జ‌నం మీద ప‌డితే ఇలాగే ఉంటుంది మరి.