భజే వాయు వేగం.. నెట్ ఫ్లిక్స్ లో రెస్పాన్స్ ఎలా ఉందంటే..

యూవీ క్రియేషన్స్ సమర్పణలో యూవీ కాన్సెప్ట్స్ బ్యానర్ పై రూపొందించిన "భజే వాయు వేగం" చిత్రం నెట్‌ఫ్లిక్స్ లో జూన్ 28 నుండి స్ట్రీమింగ్ అవుతుంది. హీరో కార్తికేయ గుమ్మకొండ ప్రధాన పాత్రలో నటించిన ఈ సినిమా, ప్రారంభం నుండి ప్రేక్షకుల మన్ననలను అందుకుంటోంది. ఇక అతి తక్కువ సమయంలోనే ట్రెండింగ్ లిస్టులో చేరడం విశేషం. ఇక నెట్‌ఫ్లిక్స్ లో టాప్ 2లో చోటు సంపాదించడం ఈ సినిమాకి ఉన్న క్రేజ్‌ను ప్రతిబింబిస్తుంది.

"భజే వాయు వేగం" సినిమాలో ఐశ్వర్య మీనన్ హీరోయిన్ గా నటించింది. హ్యాపీ డేస్ ఫేమ్ రాహుల్ టైసన్ ఒక కీలక పాత్రను పోషించారు. ఇక ఈ చిత్రం ఎమోషనల్ యాక్షన్ థ్రిల్లర్ కథతో దర్శకుడు ప్రశాంత్ రెడ్డి దర్శకత్వంలో తెరకెక్కింది. అజయ్ కుమార్ రాజు.పి. ఈ సినిమాకు సహ నిర్మాతగా వ్యవహరించారు.

భజే వాయు వేగం సినిమా థియేటర్లలో విజయవంతంగా ప్రదర్శింపబడింది. ఇప్పుడు నెట్‌ఫ్లిక్స్ లో కూడా అదే విజయాన్ని అందుకుంటోంది. ఇక ఈ సినిమాకి ప్రేక్షకుల నుండి వస్తున్న స్పందన బాగా ఉంటుంది. కథలోని ఎమోషనల్ ఎలిమెంట్స్, యాక్షన్ సన్నివేశాలు ప్రేక్షకులను ఆకట్టుకుంటున్నాయి.

కార్తికేయ గుమ్మకొండ ఈ సినిమాలో తన నటనతో మరోసారి ప్రేక్షకులను మెప్పించారు. ఆయ‌న పాత్రలోని భావోద్వేగాలను సున్నితంగా ప్రతిబింబిస్తూ, యాక్షన్ సన్నివేశాల్లో శక్తివంతంగా కనిపిస్తారు. ఐశ్వర్య మీనన్ కూడా తన పాత్రలో నైపుణ్యాన్ని ప్రదర్శించారు. రాహుల్ టైసన్, తనికెళ్ల భరణి, రవిశంకర్, శరత్ లోహితస్వ తదితరులు తమ పాత్రలకు న్యాయం చేశారు.

"భజే వాయు వేగం" సాంకేతికంగా కూడా మంచి ప్రమాణాలను నిలుపుకుంది. చిత్రంలోని విజువల్స్, బ్యాక్‌గ్రౌండ్ స్కోర్ ప్రేక్షకులను అలరించాయి. దర్శకుడు ప్రశాంత్ రెడ్డి కథను ఎమోషనల్ గా, థ్రిల్లింగ్ గా మలచడంలో విజయం సాధించారు. మొత్తంగా, "భజే వాయు వేగం" చిత్రం నెట్‌ఫ్లిక్స్ లో ప్రేక్షకుల నుండి మంచి స్పందన పొందుతోంది. ఈ సినిమా కార్తికేయ గుమ్మకొండ కెరీర్ లో మరో హిట్ సినిమాగా నిలవనుంది. థియేటర్లలో హిట్ అందుకున్న ఈ చిత్రం, నెట్‌ఫ్లిక్స్ లో కూడా అదే సక్సెస్ ని రిపీట్ చేస్తోంది.