OTTల నియంత్ర‌ణ‌పై TRAI సంచ‌ల‌న నిర్ణ‌యం

ఓటీటీల్లో విచ్చ‌ల‌విడి కంటెంట్ యువత‌ను చెడు దారి ప‌ట్టిస్తోంద‌ని ఆందోళ‌న వ్య‌క్త‌మ‌వుతోంది. ఓటీటీ కంటెంట్ నియంత్ర‌ణ కోసం స‌మాచార ప్ర‌సారాల శాఖ ఎలాంటి నియ‌మాల్ని ప్ర‌తిపాదించినా కానీ, పిల్ల‌ల వీక్ష‌ణ‌ విష‌యంలో ఆందోళ‌న‌లు, నిర‌స‌న‌లు వ్య‌క్త‌మ‌వుతూనే ఉన్నాయి. అయితే ఓటీటీల‌పై ఉక్కుపాదం మోపే యోచ‌న లేద‌ని పైగా ఈ రంగాల‌కు కావాల్సినంత సౌల‌భ్యాన్ని అందించాల‌ని ట్రాయ్ ప్ర‌తిపాదించ‌డం ఆస‌క్తిక‌ర చ‌ర్చ‌కు తావిచ్చింది.

నేషనల్ బ్రాడ్‌కాస్టింగ్ పాలసీ-2024లో OTT ప్లాట్‌ఫారమ్‌ల కోసం ఎటువంటి నియంత్రణను అనుస‌రించ‌కూడ‌ద‌ని TRAI సిఫార్సు చేసింది. ప్రసార రంగంలో వ్యాపారాన్ని సులభతరం చేయడంపై దృష్టి సారించిన‌ట్టు పేర్కొంది. నెట్‌ఫ్లిక్స్, ప్రైమ్ వీడియో, జియో సినిమా అలాగే ఇతర OTT ప్లాట్‌ఫారమ్‌లకు టెలికాం రెగ్యులేటరీ అథారిటీ ఆఫ్ ఇండియా (TRAI) శుభవార్త చెప్పింది. నేషనల్ బ్రాడ్‌కాస్టింగ్ పాలసీ-2024 సూత్రీకరణ కోసం ఇన్‌పుట్‌లపై సిఫార్సులను విడుదల చేస్తూ దేశంలో OTT ప్లాట్‌ఫారమ్‌లను నియంత్రించాల్సిన అవసరం లేదనిపేర్కొంది. టెలికాం రెగ్యులేటర్, ప్రసార రంగం ఆర్థిక వృద్ధికి తోడ్పడేందుకు గొప్ప‌గా ఎదిగే రంగాలు అని పేర్కొంది.

ఓటీటీల కోసం పరిపాలనా, నియంత్రణ, లైసెన్సింగ్ ఫ్రేమ్‌వర్క్‌ను ఏర్పాటు చేయవలసిన అవసరం లేదు. బదులుగా కంటెంట్ పై దృష్టి సారించాలి. ఓటీటీల లైసెన్సింగ్ అనుమతులు కోరే ప్రక్రియను క్రమబద్ధీకరించడం ద్వారా సెక్టార్‌లో ఈజ్ ఆఫ్ డూయింగ్ బిజినెస్ (EoDB)ని ప్రోత్సహించాల‌ని ప్ర‌తిపాదించారు. ట్రాయ్ ద్వారా OTT పరిశ్రమ అభివృద్ధి చెందడానికి రెగ్యులేటర్ విధాన సిఫార్సులను జోడించింది. 10 సంవత్సరాల పాటు రోడ్‌మ్యాప్‌ను షేర్ చేస్తూ.. డేటా ఆధారిత పాలన ద్వారా వృద్ధి-ఆధారిత విధానాలు, నిబంధనలను ప్రారంభించడం ద్వారా బలమైన ప్రసార పర్యావరణ వ్యవస్థను ఏర్పాటు చేయాలని TRAI సిఫార్సు చేస్తోంది.

వ్యాపారాన్ని మ‌రింత‌ సులభతరం చేయడాన్ని ప్రోత్సహించడం, ఆరోగ్యకరమైన పోటీలో అందరికీ ప్రసార సేవలను అందుబాటులోకి తీసుకురావడం ద్వారా ఆర్థిక వృద్ధిని ప్రోత్సహించడం వంటి వాటిని కూడా ట్రాయ్ సిఫార్సు చేసింది. వినియోగ‌దారుల అవ‌స‌రానికి త‌గ్గ కంటెంట్ ని వ‌ద్ధి చేసేలా ఓటీటీల‌ను ప్రోత్స‌హించాల్సిన అవ‌స‌రం ఉంద‌ని కూడా పేర్కొన్నారు.

TRAI సిఫార్సు చేసిన NBP 2024 లక్ష్యం, పైరసీని ఎదుర్కోవడం.. కాపీరైట్ రక్షణ ద్వారా కంటెంట్ సృష్టికర్తలు మేధో సంపత్తిదారుల హక్కులను కాపాడడం. గ్లోబల్ స్టేజ్‌లో భారతీయ కంటెంట్ ఔట్ రీచ్‌ను ప్రోత్సహించాలని కూడా ఇది సిఫార్సు చేస్తోంది. స్థానికంగా ప్రపంచవ్యాప్తంగా భారతీయ కంటెంట్ విస్తరణను ప్రోత్సహించడం ద్వారా టెలివిజన్, OTT ప్రసార సేవల కోసం నాణ్యమైన కంటెంట్‌ను ప్రోత్సహించాలని కూడా భావిస్తోంది. సినిమాలు, యానిమేషన్, విజువల్ ఎఫెక్ట్స్, గేమింగ్ , సంగీతం ద్వారా భారతీయ కంటెంట్ ఉత్పత్తిని ప్రోత్సహించాలని TRAI విధానం సిఫార్సు చేస్తుంది. దూరదర్శన్ - AIR ఛానెల్‌ల కంటెంట్ ప్రచారం కోసం ప్రసార భారతి ద్వారా OTT ప్లాట్‌ఫారమ్‌లను అభివృద్ధి చేయాలని టెలికాం రెగ్యులేటర్ సిఫార్సు చేసింది. ఓవ‌రాల్ గా ఓటీటీల‌పై అన‌వ‌స‌ర నియ‌మాల్ని సిఫార‌సు చేసే ఆలోచ‌న లేద‌ని ట్రాయ్ స్ప‌ష్టం చేసింది.