జైలర్​ రూ.500కోట్లు.. ఖాతాలోకి మరో సరికొత్త రికార్డ్​

సూపర్ స్టార్ రజినీ కాంత్... 'జైలర్' చిత్రంతో గట్టి కంబ్యాక్ ఇచ్చిన సంగతి తెలిసిందే. ఈ సినిమాతో తన స్టామినా ఏమిటో మరోసారి నిరూపించారు. రజినీ పనైపోయింది.. రెస్ట్ తీసుకోవాలనే వారికి ఈ చిత్రంతో గట్టి సమాధానమిచ్చారు. ఏడు పదుల వయసులోనూ ఎక్కడ తగ్గని స్టైల్, స్వాగ్​తో ప్రేక్షకులను కట్టిపడేశారు. బాక్స్ ఆఫీస్ ఈ సినిమా వద్ద ప్రభంజనం సృష్టించారు.

అసలీ చిత్రం బాక్సాఫీస్​ వద్ద అస్సలు స్లో మూడ్​లో నడిచే పరిస్థితే కనపడట్లేదు. కలెక్షన్ల వరద పారిస్తూనే ఉంది. రిలీజైన 10 రోజుల్లోనే రూ.500కోట్ల మార్క్​ను దాటేసి సరికొత్త రికార్డులను క్రియేట్ చేస్తోంది. వరల్డ్​వైడ్​గా పది రోజుల్లో 514.25కోట్లను అందుకుని సెన్సేషన్ క్రియేట్ చేసింది. ఈ మార్క్​తో తాజాగా పలు అరుదైన రికార్డులను తన ఖాతాలో వేసుకుంది.

రూ.400కోట్లతో కమల్​హాసన్ విక్రమ్​ లైఫ్​ టైమ్​ వసూళ్లను బ్రేక్ చేస్తే.. ఇప్పుడు రూ.500కోట్లతో పొన్నియిన్​ సెల్వన్​ లైఫ్​ టైమ్ గ్రాస్​ కలెక్షన్లను దాటేసింది. కోలీవుడ్​లో ఇంత ఫాస్ట్​గా ఈ రూ.500కోట్ల క్లబ్​లో అడుగుపెట్టిన రెండో సినిమాగా నిలిచింది. అంతకుముందు రజనీ నటించిన రోజో 2.0 ఈ ఫీట్​ను అందుకుంది.

ఈ సినిమా తొలి వారంలో రూ.450.80కోట్లను వసూలు చేయగా.. రెండో వారంలో మొదటి రోజు 19.37కోట్లు, రెండో రోజు 17.22 కోట్లు, మూడో రోజు 23.86కోట్లు వసూలు చేసింది. ఇకపోతే ఈ చిత్రాన్ని బీస్ట్ సినిమాను తెరకెక్కించిన దర్శకుడు నెల్సన్ దిలీప్ కుమార్.. దీనికి డైరెక్షన్ వహించారు. కామెడీ అండ్ యాక్షన్ ఎంటర్​టైనర్​నేపథ్యంలో వచ్చిన ఈ సినిమాను సన్ పిక్చర్స్ బ్యానర్‌పై కళానిధి మారన్ నిర్మించారు.

ఇంకా ఈ చిత్రంలో కన్నడ కింగ్ శివరాజ్‌కుమార్, మలయాళ మెగాస్టార్ మోహన్​లాల్​, బాలీవుడ్ స్టార్ యాక్టర్ జాకీష్రాఫ్​, సీనియర్ నటి రమ్యకృష్ణ ఇతర కీలక పాత్రల్లో నటించారు. తమన్నా స్పెషల్​ సాంగ్​లో మెరవగా.. టాలీవుడ్ కెమెడియన్​ సునీల్ తన కామెడీతో అదరగొట్టేశారు. సినిమా మొత్తానికి అనిరుధ్ రవిచందర్ అందించిన మ్యూజిక్ స్పెషల్ హైలైట్​గా నిలిచింది.