జైలర్​ 'హుకుమ్​'.. 100 కోట్ల లాభాలు

'రేయ్​ ఇక్కడ నేనేరా కింగ్​... హుకుమ్​'.. అంటూ సూపర్ స్టార్ రజనీ కాంత్​ 'జైలర్' సినిమాలో డైలాగ్​ చెప్పిన సంగతి తెలిసిందే. చెప్పినట్టుగానే ఆయన ఆ చిత్రంతో ఇండియన్-వరల్డ్​ బాక్సాఫీస్​ను షేక్​ చేస్తున్నారు. మెుదటి రోజు నుంచి ఈ చిత్రం కళ్లు చెదిరే వసూళ్లతో దుమ్మురేపుతోంది. విడుదలై పది రోజులు అవుతున్నా.. ఎక్కడా అస్సలు ఎక్కడా తగ్గట్లేదు. గతేడాది విడుదలైన మణిరత్నం 'పొన్నియిన్ సెల్వన్', కమల్​ హాసన్ 'విక్రమ్​' రికార్డులను బ్రేక్ చేసింది.

వరల్డ్ వైడ్​గా ఈ సినిమా సుమారు రూ.500కోట్ల మార్క్​ను టచ్​ చేయబోతోంది. ఇప్పటివరకు పది రోజుల్లో రూ.474 కోట్ల గ్రాస్​, రూ.231.95 కోట్ల షేర్​ను వసూలు చేసిందని ట్రేడ్ వర్గాలు తెలిపాయి. తమిళనాడులో రూ.141.5 కోట్లు, తెలుగు రాష్ట్రాల్లో 63.30కోట్లు(తమిళ వెర్షన్​తో కలిపి), కర్ణాటక రూ.54.10కోట్లు, కేరళ రూ.41.85 కోట్లు, రెస్ట్ ఆఫ్ ఇండియా రూ.10.50కోట్లు, ఓవర్సీస్​ రూ.163.10కోట్లు వసూళ్లను అందుకుంది. అలా మొత్తంగా రూ.474కోట్లను ఖాతాలో వేసుకుని సరికొత్త రికార్డులను క్రియేట్ చేసింది.

అయితే సూపర్ స్టార్ రజనీకాంత్ వరల్డ్​వైడ్​గా మార్కెట్​ ఉన్న సంగతి తెలిసింది. ఆయన సినిమా అంటేనే భారీగా బిజినెస్ జరుగుతుంది. ఈ చిత్రానికి ఓవరాల్​గా వైరల్డ్​ వైడ్​ రూ.122.50కోట్ల ప్రీ రిలీజ్ బిజినెస్​ జరిగిందట. బ్రేక్ ఈవెంట్​ టార్గెట్​ రూ.124 కోట్లు. అంటే ఈ లెక్కన చూస్తే సినిమా ఇప్పటికే రూ.107.95కోట్ల లాభాల్ని అందుకుని బ్లాక్ బస్టర్ హిట్​గా నిలిచింది. ఇంకా సక్సెస్​ఫుల్​గా థియేటర్లలో రన్​ అవుతోంది. ప్రస్తుతం హవా చూస్తుంటే మరో వీకెంట్​ కూడా మరిన్ని వసూళ్లను అందుకుంటుందని ట్రేడ్ వర్గాలు అంచనా వేస్తున్నాయి.

టాలీవుడ్ విషయానికొస్తే.. ఇక్కడ కూడా 'జైలర్'​ బాక్సాఫీస్ ఊచకోత కోస్తోంది. ఈ సినిమాకు పోటీగా వచ్చిన మెగాస్టార్ భోళాశంకర్​ భారీ డిజాస్టర్​గా నిలిచింది. ఫస్ట్ టాక్​తోనే నెగటివ్​ టాక్ రావడంతో వసూళ్లు భారీ డ్రాప్​ అయిపోయి థియేటర్లలోని నుంచి ఆ సినిమాను తీసేసి జైలర్​ను ప్రదర్శిస్తున్నారు. తెలుగు రాష్ట్రాల్లోని ప్రజలు కూడా జైలర్​ను చూసేందుకు భారీగానే వస్తున్నారు. ఈ సినిమా ఇక్కడ రూ.12కోట్ల వరకు బిజినెస్ చేసింది. అంటే బ్రేక్ ఈవెన్ టార్గెట్​ రూ.13కోట్లు. ఈ సినిమాకు ఇప్పటికే రూ.24.09కోట్ల లాభాలు అందుకుని డబుల్ బ్లాక్ బస్టర్​ ఫిల్మ్​గా నిలిచింది.

ఇంకా ఈ సినిమా కన్నడ సూపర్ స్టార్​ శివరాజ్‌కుమార్, మలయాళ మెగాస్టార్ మోహన్​లాల్​, బాలీవుడ్ స్టార్ యాక్టర్ జాకీష్రాఫ్​, సీనియర్ నటి రమ్యకృష్ణ ఇతర ప్రధాన పాత్రలు పోషించారు. తమన్నా ఓ రోల్​లో మెరిసింది. స్పెషల్​ సాంగ్​తో అలరించింది. టాలీవుడ్ కెమెడియన్​ సునీల్ తన కామెడీతో ఆకట్టుకున్నారు. అనిరుధ్ రవిచందర్ సెన్సేషన్ మ్యూజిక్ అందించారు. సన్​పిక్చర్స్ సినిమాను నిర్మించింది.