షాక్ ఇస్తున్న గుంటూరు కారం బిజినెస్ లెక్కలు

సూపర్ స్టార్ మహేష్ బాబు హీరోగా త్రివిక్రమ్ శ్రీనివాస్ దర్శకత్వంలో తెరకెక్కుతోన్న మూవీ గుంటూరు కారం. భారీ బడ్జెట్ తో హారికా అండ్ హాసిని క్రియేషన్స్ ఈ చిత్రాన్ని నిర్మిస్తోంది. శ్రీలీల, మీనాక్షి చౌదరి ఈ మూవీలో హీరోయిన్స్ గా నటిస్తోన్న సంగతి తెలిసిందే. అల వైకుంఠపురంలో చిత్రం తర్వాత మాటల మాంత్రికుడు త్రివిక్రమ్ శ్రీనివాస్ నుంచి ఈ చిత్రం రాబోతోంది.

మహేష్ బాబు, త్రివిక్రమ్ కలయికలో ఇప్పటికే అతడు, ఖలేజా సినిమాలు వచ్చాయి. అయితే ఇవి థియేటర్స్ లో సక్సెస్ కాలేదు. టీవీలో వచ్చిన తర్వాత మంచి ప్రేక్షకాదరణ సొంతం చేసుకున్నాయి. త్రివిక్రమ్ శ్రీనివాస్ బెస్ట్ మూవీస్ లో అతడు కచ్చితంగా ఉంటుంది. అంతా ఈ సినిమా జనాలపై ఇంపాక్ట్ క్రియేట్ చేసింది.ముఖ్యంగా బ్రహ్మానందం కామెడీ ట్రాక్ అయితే అద్భుతంగా కనెక్ట్ అయ్యింది.

వీరిద్దరి కలయికలో ఇప్పుడు గుంటూరు కారం సినిమా రాబోతోంది. ఈ సినిమాలో ఫన్ తో పాటు ఫుల్ యాక్షన్, కమర్షియల్ ఎలిమెంట్స్ పక్కాగా సెట్ అయ్యేలా మహేష్ బాబు జాగ్రత్తలు తీసుకున్నారు. శ్రీమంతుడు తర్వాత కెరియర్ లో ఎక్కువ బ్లాక్ బస్టర్ హిట్స్ తోనే మహేష్ ట్రావెల్ అవుతున్నాడు. చివరిగా వచ్చిన సర్కారువారిపాట మూవీ కూడా సూపర్ హిట్ అయ్యింది.

గుంటూరు కారం అంతకుమించి ఉండాలని ఎక్స్ పెక్ట్ చేస్తున్నారు. అందుకే ముందు అనుకున్న కథలో చాలా మార్పులు చేసి మళ్ళీ కొత్తగా షూటింగ్ స్టార్ట్ చేశారు. ప్రస్తుతం ఈ సినిమా షూటింగ్ శరవేగంగా సాగుతోంది. 50 శాతంకి పైగా షూటింగ్ ఇప్పటికే కంప్లీట్ అయ్యిందంట. సంక్రాంతి కానుకగా చిత్రాన్ని రిలీజ్ చేయాలని ప్లాన్ చేస్తున్నారు.

ప్రస్తుతం ఈ మూవీ బిజినెస్ డీల్స్ కూడా క్లోజ్ అయిపౌయేలా ఉన్నాయి. తెలుగు రాష్ట్రాలలో ఏకంగా 120 కోట్ల వరకు బిజినెస్ జరుగుతుందని అంచనా వేస్తున్నారు. నిజాంలో 45 కోట్ల రేషియోతో బిజినెస్ జరుగుతుందంట, ఆంధ్రాలో 60 కోట్ల వరకు ఎక్స్ పెక్ట్ చేస్తున్నారు. సీడెడ్ లో 15 కోట్లకి డీల్ సెట్ అవ్వొచ్చని భావిస్తున్నారు. ఓవరాల్ గా 120 కోట్ల వరకు ఉంటుందని తెలుస్తోంది. ఇక ఓవర్సీస్, కర్ణాటక, రెస్ట్ ఆఫ్ ఇండియా కలుపుకొని 150 కోట్ల వరకు గుంటూరు కారం సినిమా బిజినెస్ జరుగుతుందని ఇండస్ట్రీ వర్గాలలో వినిపిస్తోంది.