శెట్టి పొలిశెట్టి బాక్సాఫీస్.. లెక్క పెరుగుతోంది

నవీన్ పోలీస్ శెట్టి అనుష్క శెట్టి జంటగా నటించిన డిఫరెంట్ కామెడీ రొమాంటిక్ డ్రామా మిస్ శెట్టి మిస్టర్ పోలిశెట్టి బాక్సాఫీస్ వద్ద రోజు రోజుకు కలెక్షన్స్ పెంచుకుంటోంది. ఈ సినిమాకు మొదట ప్రమోషన్స్ హడావిడి కూడా పెద్దగా హెల్ప్ కాలేదు. కేవలం హీరో నవీన్ పోలీశెట్టి మాత్రమే ఈ సినిమాకు అన్ని వైపుల నుంచి ప్రమోషన్స్ చేసుకుంటూ వచ్చాడు. ఇక అనుష్క నుంచి పెద్దగా ప్రమోషన్స్ అయితే జరగకపోవడం ఈ సినిమా ఓపెనింగ్స్ పై కొంత ప్రభావం చూపించింది.

అనుష్క నుంచి చాలాకాలం తర్వాత వస్తున్న సినిమా కావడంతో తప్పకుండా ఎంతో కొంత బాక్సాఫీస్ వద్ద ఈ సినిమా మొదట్లోనే మంచి కలెక్షన్స్ అందుకుంటుంది అని అనుకున్నారు. కానీ ప్రమోషన్స్ బజ్ ఎక్కువగా లేకపోవడంతో సినిమాకు బాక్సాఫీస్ వద్ద మొదటి రోజు చాలా తక్కువ కలెక్షన్స్ వచ్చాయి. అయినప్పటికీ ప్రమోషన్ చేయకపోయినా కూడా ఈ సినిమా కంటెంట్ ఇప్పుడు మెల్లగా కలెక్షన్స్ ను పెంచే ప్రయత్నం చేస్తుంది.

మొదటి రెండు రోజుల్లో సినిమా కు ఆడియెన్స్ నుంచి మంచి టాక్ రావడంతో మూడవరోజు లెక్కలు మరింత పెరుగుతున్నాయి. ఆంధ్రప్రదేశ్ తెలంగాణలో మొదటి రోజు 1. 35 కోట్లు షేర్ అందుకున్న ఈ సినిమా ఆ తర్వాత 2వ రోజు 1.21 కోట్లు మూడవరోజు అంతకంటే ఎక్కువ స్థాయిలో 2.08 కోట్ల షేర్ కలెక్షన్స్ షేర్ అందుకోవడం విశేషం.

ఇక ఏరియాల వారిగా చూసుకుంటే ఈ సినిమా మొత్తంగా మూడు రోజుల్లో నైజాం లో 2.82 కోట్లు సీడెడ్ లో 37 లక్షలు, ఆంధ్రాలో 1.45 కోట్లు రాబట్టింది. ఇలా ఆంధ్రప్రదేశ్ తెలంగాణలో మొత్తంగా శనివారం వరకు 4.64 కోట్లు షేర్ 8.45 కోట్లు గ్రాస్ వసూళ్ళను సాధించింది. ఇక కర్ణాటక అలాగే రెస్ట్ ఆఫ్ ఇండియా నుంచి 50 లక్షలు షేర్ రాబట్టిన ఈ సినిమా ఓవర్సీస్ లో 3.70 కోట్లు షేర్ రాబట్టింది.

ఇక ప్రపంచవ్యాప్తంగా మిస్ శెట్టి మిస్టర్ పోలిశెట్టి 8.84 కోట్లు షేర్ 17.20 కోట్లు గ్రాస్ వసూళ్లను అందుకోవడం విశేషం. ఈ సినిమా ప్రపంచవ్యాప్తంగా థియేట్రికల్ గా 12.50 కోట్ల రేంజ్ లో ప్రీ రిలీజ్ బిజినెస్ అయితే చేసింది. ఇక బ్రేక్ ఈవెన్ కావాలి అంటే 13.50 కోట్లు రాబట్టుకోవాలి. ప్రపంచ వ్యాప్తంగా మూడు రోజుల్లో ఈ సినిమా 8.84 కోట్ల షేర్ రాబట్టింది కాబట్టి నష్టాలు రాకుండా ఉండాలి అంటే ఇంకా 4.66 కోట్ల రేంజ్ లో షేర్ కలెక్షన్స్ అందుకోవాల్సి ఉంది. మరి ఆదివారం రోజు సినిమా ఎలాంటి కలెక్షన్స్ అందుకుంటుందో చూడాలి.