బాలయ్య vs రవితేజ.. బాక్సాఫీస్ లెక్క తప్పింది

నందమూరి బాలకృష్ణ - మాస్​ మహారాజా రవితేజ మధ్య చాలా ఏళ్లుగా బాక్సాఫీస్ వార్​ నడుస్తున్న సంగతి తెలిసిందే. రవితేజ కన్నా బాల్యయ టాప్ స్టార్​ అయినప్పటికీ.. వీరిద్దరి మధ్య బాక్సాఫీస్ పోరు వచ్చిన ప్రతిసారీ మాస్ రాజాదే పైచేయి ఉండేది. కానీ ఈ సారి కథ మారింది. బాక్సాఫీస్ వద్ద టైగర్​ నాగేశ్వరరావుపై భగవంత కేసరి గెలిచిండు.

వివరాళ్లోకి వెళితే.. రవితేజ కన్నా బాలయ్య బిగ్ స్టార్ అన్న సంగతి తెలిసిందే. మాస్​ మహారాజా హీరో కాకముందే.. బాలయ్య ఎన్నో భారీ హిట్లు ఇండస్ట్రీకి ఇచ్చారు. అయితే మొదట క్యారెక్టర్ ఆర్టిస్​గా రాణించిన రవితేజ ఆ తర్వాత హీరోగా మారి స్టార్ ఇమేజ్​ను సొంతం చేసుకున్నారు. భారీ అభిమానగణాన్ని కూడా సంపాదించుకున్నారు.

అలాగే రవితేజ.. తనకన్నా బిగ్​ స్టార్ అయిన బాలయ్యపై బాక్సాఫీస్ దగ్గర డామినేషన్ కూడా చూపించారు. 2008 సంక్రాంతికి బాలయ్య ఒక్కమగాడుతో రాగా రవితేజ కృష్ణగా వచ్చారు. ఇందులో బాలయ్య చిత్రం డిజాస్టర్​గా నిలవగా.. రవితేజ సూపర్ హిట్​గా నిలిచారు. 2011లో పరమవీరచక్ర - మిరపకాయ్ పోటీ పడగా.. రవితేజ చిత్రం విజయం సాధించింది.

మిత్రుడు, కిక్ కాస్త గ్యాప్‌లో విడుదల కాగా.. బాలయ్య చిత్రమే డిజాస్టర్ అయింది. దీంతో ఈసారి దసరాకు బాలయ్య, రవితేజల పోటీలో ఎవరు పైచేయి సాధిస్తారా అని ఉత్కంఠ నెలకొంది. సెంటిమెంట్ వర్కౌట్ అయితే మరోసారి రవితేజ విజేతగా నిలుస్తారని అంతా అనుకున్నారు. కానీ అంచనాలు తారుమరయ్యాయి. కథ మారింది. బాలయ్య సినిమా భగవంత్ కేసరి బ్లాక్ బాస్టర్​ టాక్​ బాక్సాఫీస్ వద్ద దూసుకెళ్తోంది. మంచి వసూళ్లను కూడా అందుకుంటోంది. కానీ రవితేజ మూవీ ‘టైగర్ నాగేశ్వరరావు’కు మాత్రం కాస్త డివైడ్ టాక్ వచ్చింది. అయినా వసూళ్లను పర్వాలేదనిపించేలా ఉన్నాయి.

ఇక ఈ రెండు సినిమాలకు పోటీగా దళపతి విజయ్​ లియో కూడా రిలీజై కాస్త డివైడ్​​ టాక్​ను తెచ్చుకుంది. కానీ వసూళ్లు మాత్రం భారీగా వస్తున్నాయి. దీంతో ఈ దసరాకు బాలయ్య బాక్సాఫీస్ విన్నర్​గా నిలిచారు.