స్కంద బాక్సాఫీస్.. 2వ రోజు ఎంతంటే..
రామ్ పోతినేని శ్రీలీల జంటగా నటించిన స్కంద సినిమా ఇటీవల రిలీజ్ అయిన విషయం తెలిసిందే.
By: Tupaki Desk | 30 Sep 2023 5:45 AM GMT
రామ్ పోతినేని శ్రీలీల జంటగా నటించిన స్కంద సినిమా ఇటీవల రిలీజ్ అయిన విషయం తెలిసిందే. బోయపాటి దర్శకత్వంలో తెరపైకి వచ్చిన ఈ మాస్ కమర్షియల్ మూవీ మాస్ ఏరియాలలో మొదటి రోజు మంచి కలెక్షన్స్ అయితే సొంతం చేసుకుంది. రామ్ తెలుగులోనే అత్యధిక స్థాయిలో ఓపెనింగ్స్ అందుకున్న సినిమాగా కూడా స్కంద రికార్డు క్రియేట్ చేసింది.
మొదటి నుంచి ఈ సినిమా మాస్ పోస్టర్స్ తో వర్గం ప్రేక్షకులను బాగా ఎట్రాక్ట్ చేసింది. ఇక విడుదలైన మొదటి రోజే పలు సెంటర్లలో ఈ సినిమా హౌస్ ఫుల్ బోర్డులతో దర్శనమిచ్చింది. ఇక రెండవ రోజు ఆ స్థాయిలో కాకపోయినా మినిమమ్ కలెక్షన్స్ సొంతం చేసుకుంది. మొదటి రోజు ఈ సినిమా రామ్ కెరీర్ లోనే అత్యధికంగా ఎనిమిది కోట్లకు పైగా షేర్ కలక్షన్స్ అందుకొని ఒక రికార్డును క్రియేట్ చేసింది.
అయితే రెండో రోజు ఏరియల వారిగా వచ్చిన కలెక్షన్స్ ఈ విధంగా ఉన్నాయి. ఏపీ తెలంగాణలో రెండవ రోజు వచ్చిన షేర్స్, నైజంలో 1.52 కోట్లు, సీడెడ్ లో 54 లక్షలు, వైజాగ్ లో 41 లక్షలు, ఈస్ట్ లో 27 లక్షలు, వెస్ట్ లో 17 లక్షలు, కృష్ణ లో 16 లక్షలు, గుంటూరులో 29 లక్షలు, నెల్లూరులో 13 లక్షలు ఇలా మొత్తంగా ఏపీ తెలంగాణలో రెండవ రోజు స్కంద సినిమా 3.49 కోట్ల రేంజ్ లో షేర్ కలెక్షన్స్ సొంతం చేసుకుంది.
ఇక రెండు రోజుల్లో ఏపీ తెలంగాణలో ఈ సినిమా మొత్తంగా 12.11 కోట్ల రేంజ్ లో షేర్ కలెక్షన్స్ రాబట్టింది. రెండవ రోజు కూడా నైజాం ఏరియాలో ఈ సినిమాకు మంచి కలెక్షన్స్ అయితే వచ్చాయి. రామ్ మాస్ క్యారెక్టర్స్ చేస్తే ఏ స్థాయిలో వర్కౌట్ అవుతుందో మరోసారి స్కందతో రుజువయింది.
ఇక ఈ సినిమా శనివారం ఆదివారం రోజు కూడా మినిమం కలెక్షన్స్ అందుకుంటే టార్గెట్ ను తొందరగా ఫినిష్ చేసుకునే అవకాశం ఉంటుంది. ఇక సోమవారం నుంచి సినిమా ఏ స్థాయిలో కలెక్షన్స్ అందుకుంటుందో చూడాలి.
