స్కంద బాక్సాఫీస్.. ఇది 3 రోజుల లెక్క

ఉస్తాద్ రామ్ పోతినేని హీరోగా నటించిన మాస్ యాక్షన్ ఎంటర్​టైనర్ చిత్రం 'స్కంద'. బోయపాటి శ్రీను దర్శకత్వంలో ఈ చిత్రాన్ని శ్రీనివాస సిల్వర్ స్క్రీన్స్ బ్యానర్‌పై శ్రీనివాస చిట్టూరి నిర్మించారు. సెప్టెంబర్ 28న రిలీజైన ఈ చిత్రం మూడు రోజుల్లో పర్వాలేదనిపించే వసూళ్లను అందుకుంది. మాస్ ఏరియాలలో డీసెంట్ కలెక్షన్స్ తో ముందుకెళ్తోంది.

మూడో రోజు కలెక్షన్​ వివరాళ విషయానికొస్తే.. నైజాంలో రూ. 1.57 కోట్లు, సీడెడ్‌లో రూ. 46 లక్షలు, వైజాగ్​లో రూ.37 లక్షలు, ఈస్ట్ గోదావరిలో రూ. 23 లక్షలు, వెస్ట్ గోదావరిలో రూ. 15 లక్షలు, గుంటూరులో రూ. 24 లక్షలు, కృష్ణాలో రూ. 14 లక్షలు, నెల్లూరులో రూ. 10 లక్షలతో వచ్చాయి. అంటే మూడో రోజు మొత్తం రూ. 3.26 కోట్ల షేర్, దాదాపు రూ. 6 కోట్ల వరకు గ్రాస్ వచ్చింది.

మొత్తంగా ఏపీ, తెలంగాణలో మూడు రోజుల్లో కలిపి మంచి రెస్పాన్సే వచ్చింది. నైజాంలో రూ. 6.32 కోట్లు, సీడెడ్‌లో రూ. 2.22 కోట్లు, వైజాగ్​లో రూ. 1.97 కోట్లు, ఈస్ట్ గోదావరిలో రూ. 1.09 కోట్లు, వెస్ట్ గోదావరిలో రూ. 73 లక్షలు, గుంటూరులో రూ. 1.57 కోట్లు, కృష్ణాలో రూ. 75 లక్షలు, నెల్లూరులో రూ. 72 లక్షలతో కలిపి.. రూ. 15.37 కోట్ల షేర్, దాదాపు రూ. 20 కోట్ల వరకు గ్రాస్ వచ్చింది.

ఇక ఈ చిత్రం నేడు ఆదివారం రోజు కూడా మంచి కలెక్షన్స్ అందుకుంటే బ్రేక్ ఈవెన్​ టార్గెట్​ను తొందరగా కంప్లీట్​ చేసుకునే అవకాశం ఉంటుంది. సోమవారం నుంచి వర్కింగ్ డేస్ కాబట్టి.. ఈ చిత్రం ఏ స్థాయిలో వసూళ్లను అందుకుంటుందో చూడాలి.

కాగా, ఈ చిత్రంలో సెన్సేషనల్ బ్యూటీ శ్రీలీల హీరోయిన్‌గా నటించింది. సయీ మంజ్రేకర్, సీనియర్ నటుడు శ్రీకాంత్, ఇంద్రజ, దగ్గుబాటి రాజా, ప్రిన్స్, లోహితాశ్య తదితరులు ఇతర కీలక పాత్రల్లో నటించారు. తమన్ మ్యూజిక్‌ అందించారు. ఇక ఈ సినిమాకు పార్ట్ 2 ఉంటుందని సినిమా చివరలో క్లారిటీ ఇచ్చారు. మరి ఆ విషయంలో ఎప్పుడు క్లారిటీ ఇస్తారో చూడాలి.