ఈ వారం బాక్సాఫీస్.. రెండు చిత్రాలతోనే అసలు సందడి

టాలీవుడ్​లో గత రెండు, మూడు వారాలుగా అన్ని చిన్న చిత్రాలే ప్రేక్షకుల్ని అలరించేందుకు ప్రయత్నాలు చేస్తున్నాయి. ఒక్క పెద్ద సినిమా కూడా ఏదీ రాలేదు. వీటిన్నింటిలో కేవలం శ్రీవిష్ణు నటించిన 'సామజవరగమణ', ఆనంద్ దేవరకొండ-వైష్ణవి చైతన్య 'బేబీ' మాత్రం సన్సేషనల్​ హిట్​గా నిలిచాయి. అయితే ఈ వారం మాత్రం బాక్సాఫీస్ ముందు​ భారీ సందడి వాతావరణం నెలకొంది. అదే పవర్​ స్టార్ పవన్ కల్యాణ్​-మెగా యంగ్ హీరో సాయి తేజ్​ కలిసి నటించిన మల్టీ స్టారర్​ మూవీ 'బ్రో'.

ఇంకో రోజులో అంటే జులై 28న ఈ సినిమా గ్రాండ్​గా విడుదల కానుంది. అయితే ఈ బ్రో చిత్రంతో మరో రెండు చిత్రాలు కూడా థియేటర్లలో రిలీజ్ కానున్నాయి. వాటిలో సీనియర్​ నటుడు బ్రహ్మాజీ కొడుకు సంజయ్‌రావు హీరోగా నటించిన చిత్రం 'స్లమ్‌ డాగ్‌ హస్బెండ్‌' ఒకటి కాగా.. ఇంకోటి బాలీవుడ్‌ స్టార్ హీరో రణవీర్‌ సింగ్‌ - అలియా భట్‌ కలిసి నటించన 'రాకీ ఔర్‌ రాణి కీ ప్రేమ్‌ కహానీ'.

అయితే ఈ చిత్రాల్లో మొదటగా అందరి ఫోకస్​ 'బ్రో' పైనే ఉంటుంది. ఎందుకంటే మామాఅల్లుళ్లు కలిసి నటించిన చిత్రమిది. అందులో పైగా మెగా ఫ్యామీలికి చెందిన ఇద్దరు హీరోలు కలిసి ఒకే స్క్రీన్​ను షేర్ చేసుకోవడం మరింత విశేషం.

ఈ సినిమా తమిళ సూపర్ హిట్ వినోదయ సీతమ్​కు రీమేక్​ ఇది. ఏదిఏమైనా పవన్ సినిమా కాబట్టి.. ప్రేక్షకులు ఈ సినిమాకే మొదటి ప్రాధాన్యత ఇస్తూ కచ్చితంగా వెళ్తారు. మంచి ఓపెనింగ్స్ కూడా వస్తాయి.

ఇక దీని తర్వాత సీనియర్​ నటుడు బ్రహ్మాజీ కొడుకు సంజయ్‌రావు హీరోగా నటించిన చిత్రం 'స్లమ్‌ డాగ్‌ హస్బెండ్‌'. బ్రో టికెట్లు మిస్ అయిన వాళ్లు ఈ చిత్రానికి కచ్చితంగా వెళ్తారు. బ్రహ్మాజీ, సప్తగిరి ఇతర ప్రధాన పాత్రల్లో నటించిన ఈ సినిమా ఫన్ కామెడీగా తెరకెక్కింది.

ఈ చిత్రం టైటిల్​, ఫస్ట్ లుక్ పోస్టర్​తోనే అందర్నీ ఆకర్షించింది. ప్రమోషన్స్​ కూడా బాగా డిఫరెంట్​గా చేశారు. జాతకంలో దోషం ఉన్న ఓ యువకుడు శునకాన్ని పెళ్లి చేసుకోవడంతో అతడి జీవితం ఎలాంటి మలుపులు తిరిగింది? ఆ వివాహం వల్ల ఎలాంటి కష్టాలను ఎదుర్కొన్నాడు? వంటి విషయాలతో సినిమాను తెరకెక్కించారు. ఈ సినిమా 29న రిలీజ్​ కానుంది.

ఇక మిగిలింది బాలీవుడ్‌ స్టార్ హీరో రణవీర్‌ సింగ్‌ - అలియా భట్‌ కలిసి నటించన 'రాకీ ఔర్‌ రాణి కీ ప్రేమ్‌ కహానీ'. జులై 28న ఇది రానుంది. దీనికి కరణ్​ జోహార్​ తెరకెక్కించారు. దీనికి తెలుగు రాష్ట్రాల్లో పెద్దగా ఆడే అవకాశం లేదు. కథ బాగుందని టాక్​ వస్తే ఆలియాభట్​కు ఉన్న కాస్త క్రేజ్​తో చూడొచ్చు.