దీపావళి బాక్సాఫీస్.. ఎలా ఉండబోతోందంటే!

దీపావళి ఫెస్టివల్ దేశ వ్యాప్తంగా చాలా గ్రాండ్ గా జరుపుకుంటారు. దీపావళి పర్వదినానికి సినిమాల సందడి కూడా గట్టిగానే ఉంది. అయితే ఈ సారి దీపావళి ఒకే ఒక్క స్ట్రైట్ తెలుగు మూవీ బ్లాస్టింగ్ ఉండబోతోంది. మిగిలినవన్నీ కూడా డబ్బింగ్ సినిమాలే కావడం విశేషం. అందులో ఒక హాలీవుడ్ బాంబ్ కూడా ఉంది.

వైష్ణవ్ తేజ్, శ్రీలీల జోడీగా శ్రీకాంత్ రెడ్డి దర్శకత్వంలో సితారా ఎంటర్టైన్మెంట్స్ నిర్మించిన ఆదికేశవ మూవీ దీపావళి నవంబర్ 10న రిలీజ్ కాబోతోంది. ఎప్పుడో రెడీ అయిన ఈ మూవీ రెండు, మూడు సార్లు వాయిదా పడి ఫైనల్ గా థియేటర్స్ లోకి రాబోతోంది. రెండు నెలల గ్యాప్ లో శ్రీలీల నుంచి ఆదికేశవతో కలిపి మూడో సినిమా రాబోతూ ఉండటం విశేషం.

వైష్ణవ్ తేజ్ కూడా పూర్తిస్థాయిలో చేసిన కమర్షియల్ మూవీ ఆదికేశవ. దీనిపై అతను చాలా హోప్స్ పెట్టుకున్నాడు. ఇక అదే రోజు కార్తి హీరోగా తెరకెక్కుతోన్న జపాన్ మూవీ థియేటర్స్ లోకి రాబోతోంది. అనూ ఇమ్మాన్యుయేల్ హీరోయిన్ గా నటిస్తోంది. డార్క్ కామెడీ జోనర్ లో ఈ మూవీ ఉండబోతోంది. దీనిపై ఎక్స్ పెక్టేషన్స్ ఎక్కువగానే ఉన్నాయి.

అలాగే కార్తిక్ సుబ్బరాజు దర్శకత్వంలో లారెన్స్, ఎస్.జె.సూర్య కాంబోలో తెరకెక్కుతోన్న జిగార్తండ డబుల్ ఎక్స్ మూవీ కూడా నవంబర్ 10న రిలీజ్ కానుంది. ఈ సినిమాపైన అంచనాలు భారీగానే ఉన్నాయి. హిందీలో సల్మాన్ ఖాన్ టైగర్ 3 మూవీ నవంబర్ 12న రిలీజ్ కాబోతోంది. యష్ రాజ్ ఫిలిమ్స్ స్పై సిరీస్ లో సల్మాన్ ఖాన్ హీరోగా వస్తోన్న మూడో సినిమా ఇది కావడం విశేషం.

సల్మాన్ ఖాన్, కత్రినాకైఫ్ లీడ్ రోల్ లో నటిస్తున్నారు. ఇమ్రాన్ హస్మీ ఈ చిత్రంలో ప్రతినాయకుడిగా కనిపించబోతున్నారు. దీంతో పాటు దీపావళి సందర్భంగా నవంబర్ 10న ది మార్వెల్స్ మూవీ హాలీవుడ్ నుంచి రిలీజ్ కాబోతోంది. ఈ సినిమాపై పెద్దగా ఎక్స్ పెక్టేషన్స్ లేకపోయిన మార్వెల్ సిరీస్ నుంచి వస్తోన్న మూవీ కావడంతో అందరి దృష్టి పడే అవకాశం ఉంది.