గూఢచారి 2… శత్రువులా? మిత్రులా?

అడివి శేష్ హీరోగా వచ్చిన గూఢచారి ఎంత పెద్ద హిట్ అయ్యిందో అందరికి తెలిసిందే. చాలా కాలం తర్వాత తెలుగులో పెర్ఫెక్ట్ స్పై థ్రిల్లర్ ని చూసిన ఫీలింగ్ ఆడియన్స్ కి గూఢచారితో కలిగింది. 2018లో రిలీజ్ అయిన ఈ సినిమా బిగ్గెస్ట్ హిట్ గా నిలిచింది. ఆరేళ్ళ తర్వాత గూఢచారికి సీక్వెల్ గా గూఢచారి 2 చిత్రాన్ని అడివి శేష్ చేస్తున్నాడు. ఈ సినిమాతో వినయ్ కుమార్ సిరిగినీడి దర్శకుడిగా పరిచయం అవుతున్నారు. టీజీ విశ్వప్రసాద్, అభిషేక్ అగర్వాల్ ఈ సీక్వెల్ కూడా నిర్మిస్తున్నారు.

భారీ బడ్జెట్ తో పాన్ వరల్డ్ ప్రాజెక్ట్ గా ఈ మూవీ తెరకెక్కుతోంది. ఇదిలా ఉంటే ఇప్పటికే ఈ మూవీ 40% షూటింగ్ కంప్లీట్ చేసుకుందంట. గూఢచారి మూవీ వచ్చి ఆరేళ్ళు అయిన సందర్భంగా చిత్ర యూనిట్ ప్రత్యేక సెలబ్రేషన్స్ నిర్వహించింది. ఈ సందర్భంగా గూఢచారి 2 నుంచి ఆరు స్టన్నింగ్ స్టిల్స్ ని రిలీజ్ చేశారు. ఈ సినిమాలో బాలీవుడ్ స్టార్ ఇమ్రాన్ హష్మీ కీలక పాత్రలో నటిస్తున్నారు. అయితే ఆయన హీరోగా చేస్తున్నాడా? విలన్ గా చేస్తున్నాడా అనేది రివీల్ చేయలేదు.

తాజాగా రిలీజ్ చేసిన ఒక లుక్ లో అడివి శేష్, ఇమ్రాన్ హస్మి గన్స్ పట్టుకొని ఉన్నారు అందులో శత్రువులా? మిత్రుల? విరోధుల… ఒకటి అయితే ఫిక్స్… వారికి ఇప్పటికే ప్లాన్ బి ఉంది అంటూ ఈ లుక్ రిలీజ్ చేశారు. మరో లుక్ లో అడవి శేష్ గన్ పట్టుకొని ఎవరితో ఫైట్ చేస్తున్నట్లు ఉంది. బ్యాగ్రౌండ్ లో ఇండియన్ ఆర్మీ హెలికాఫ్టర్ ని ఎస్టాబ్లిష్ చేశారు. ఈ లుక్స్ మూవీపై ఎగ్జైట్మెంట్ ని పెంచుతున్నాయి. ఈ సారి గూఢచారి 2లో లార్జర్ దెన్ లైఫ్ లాంటి కథని చెప్పబోతున్నారని అర్ధమవుతోంది.

ఈ సినిమా 2025 ద్వితీయార్ధంలో ఇండియన్ భాషలలో గ్లోబల్ మూవీగా రిలీజ్ అవుతుందని చిత్ర యూనిట్ కన్ఫర్మ్ చేసింది. ఇదిలా ఉంటే గూఢచారి 6 ఏళ్ళ వేడుక సందర్భంగా హీరో అడవి శేష్ మాట్లాడుతూ గూఢచారి నా కెరియర్ లో చాలా స్పెషల్ మూవీ. ఈ ఆరేళ్ళలో ప్రతి రోజు ఆ సినిమా గురించి నాకు ప్రశంసలు లభిస్తూనే ఉన్నాయి. గూఢచారి అంతర్జాతీయ స్థాయిలో ఒక విజువల్ ట్రీట్ గా అందించబోతున్నామని చెప్పారు. దర్శకుడు వినయ్ కుమార్ మాట్లాడుతూ గూఢచారి 2 మూవీ విషయంలో చాలా కాన్ఫిడెంట్ గా ఉన్నాను.

ఈ చిత్రంతో విజువల్ గా ఒక అద్భుత ప్రపంచాన్ని చూపించాలని ప్రయత్నం చేస్తున్నాము. పవర్ ఫుల్ యాక్షన్ సన్నివేశాలు మూవీలో ఉంటాయని చెప్పారు. నిర్మాతలు విశ్వప్రసాద్, అభిషేక్ అగర్వాల్ మాట్లాడుతూ ఈ సినిమా అవుట్ ఫుట్ విషయంలో చాలా సంతృప్తిగా ఉన్నట్లు తెలిపారు. గూఢచారి సినిమాకి ఎంత ఖర్చు చేసామో అంత బడ్జెట్ తో గూఢచారి 2లో ఒక యాక్షన్ సీక్వెన్స్ ని తెరకెక్కించడం జరిగిందని తెలిపారు. క్వాలిటీ విషయంలో రాజీపడకుండా అంతర్జాతీయ స్థాయిలో బెస్ట్ స్పై థ్రిల్లర్ మూవీగా గూఢచారి 2ని అందించాలని ప్రయత్నం చేస్తున్నామని అన్నారు.