అభిమాని ప్రేమ‌కు ఉపాస‌న ఫిదా!

మెగా ప‌వ‌ర్ స్టార్ రామ్ చ‌ర‌ణ్ న‌టిస్తోన్న `గేమ్ ఛేంజ‌ర్` సంక్రాంతి కానుక‌గా ప్రేక్ష‌కుల ముందుకు వ‌స్తోన్న సంగ‌తి తెలిసిందే. ప్ర‌స్తుతం యూనిట్ అంతా పెండింగ్ ప‌నులు పూర్తిచేసే ప‌నిలో ఉంది. మ‌రోవైపు ప్ర‌చారం ప‌నులు సైతం జ‌రుగున్నాయి. ఇప్ప‌టికే మూడు లిరిక‌ల్ సింగిల్స్ రిలీజ్ అయ్యాయి. ఇటీవ‌లే రామ‌చ‌ర‌ణ్‌-కియారా అద్వాణీ మ‌ధ్య చిత్రీక‌రించిన రొమాంటిక్ డ్యూయోట్ ని రిలీజ్ చేసారు. 'నానా హైరానా' అంటూ సాంగ్ సాగ్ మ్యూజిక్ ప్రియుల్ని అల‌రిస్తుంది.

అయితే ఈసాంగ్ ని ఎడిట్ చేసి రామ్ చ‌ర‌ణ్ దంప‌తుల‌కు జోడించాడు ఓ అభిమాని. ఇద్ద‌రి మధ్య అన్యోన్య‌త‌ని తెలియ‌జేస్తూ చేసిన వీడియో అది. బ్యాక్ గ్రౌండ్ లో ఆ సాంగ్ ప‌ర్పెక్ట్ గా సింక్ అయింది. దీంతో ఆ వీడియో నెట్టింట వైర‌ల్ అయింది. చివ‌రికి ఉపాస‌న కూడా ఆ వీడియో చూసి ఫిదా అయిపోయింది. ఎడిటింగ్ ముద్దుగా ఉంది అంటూ ధ‌న్య‌వాదాలు తెలియ‌జేసింది. ఉపాస‌న ట్వీట్ త‌ర్వాత మరింత సంచ‌ల‌నంగా మ‌రింది.

మెగా అభిమానులు ఆ వీడియోని మ‌ళ్లీ మ‌ళ్లీ చూసి ఆస్వాదిస్తున్నారు. చ‌ర‌ణ్ కెరీర్ కి ఇంత వ‌ర‌కూ ఇలాంటి మెలోడీ సాంగ్ ప‌డ‌లేదు. అలాంటి స్టెప్పులు కూడా ఏ పాట‌లోనూ కంపోజ్ చేయ‌లేదు. దీంతో చ‌ర‌ణ్ నుంచి కొత్త ఫీల్ ని అందిస్తున్న సాంగ్ లా హైలైట్ అవుతుంది. ఈ పాట గురించి రామ జోగ‌య్య శాస్త్రీ ఎంతో అందంగా పాట రిలీజ్ కి ముందే చెప్పారు. ఆయ‌న చెప్పిన‌ట్లే ఉందీ పాట‌. చ‌ర‌ణ్ క్లాసిక్ సాంగ్స్ లో ఇదొక‌టిగా నిలిచిపోతుంది.

ఇక ఉపాస‌న సోష‌ల్ మీడియాలో ఎంత యాక్టివ్ గా ఉంటారో చెప్పాల్సిన ప‌నిలేదు. చ‌ర‌ణ్ విష‌యాల్ని అభి మానుల‌తో పంచుకునేది ఉపాస‌నే. సినిమా విష‌యాల‌తో పాటు వ్య‌క్తిగ‌త విష‌యాలు ఉపాస‌న షేర్ చేస్తుంటారు. మెడిక‌ల్ రంగంలో ఎంట‌ర్ ప్రెన్యూన‌ర్ గా ఎంత బిజీగా ఉన్నా సోష‌ల్ మీడియాకి కొంత స‌మ‌యాన్ని కేటాయిస్తారు.