అంతా మర్చిపోయే టైమ్‌ కి రాబోతున్న హిట్‌ బొమ్మ!
మలయాళ విలక్షణ నటుడు పృథ్వీరాజ్ సుకుమారన్ నటించిన 'ఆడుజీవితం' వంద కోట్లకు పైగా వసూళ్లు సాదించిన విషయం తెల్సిందే
By: Tupaki Desk | 14 July 2024 8:48 AM GMT
మలయాళ విలక్షణ నటుడు పృథ్వీరాజ్ సుకుమారన్ నటించిన 'ఆడుజీవితం' వంద కోట్లకు పైగా వసూళ్లు సాదించిన విషయం తెల్సిందే. ఇతర భాషల్లో ది గోట్ లైఫ్ గా విడుదల అయిన ఈ సినిమా అన్ని భాషల్లో కూడా భారీ వసూళ్లు సాధించడం ద్వారా ఈ ఏడాది మేటి చిత్రాల్లో ఒకటిగా నిలిచింది.
థియేట్రికల్‌ రిలీజ్ సమయంలో చూడలేని వారు ఓటీటీ స్ట్రీమింగ్‌ కోసం ఎంతో ఆసక్తిగా ఎదురు చూస్తున్నారు. ఎట్టకేలకు ఓటీటీ స్ట్రీమింగ్‌ కి ముహూర్తం ఫిక్స్ అయ్యింది. ప్రముఖ ఓటీటీ నెట్ ఫ్లిక్స్ లో ఈ సినిమాను స్ట్రీమింగ్‌ చేయబోతున్నట్లుగా అధికారిక ప్రకటన వచ్చింది.
బిజినెస్ ఇష్యూ కారణంగా విడుదల అయిన నాలుగు నెలల తర్వాత విడుదల అవ్వబోతుంది. ఈ మధ్య కాలంలో సినిమాలు అన్నీ కూడా విడుదల అయిన మూడు నాలుగు వారాల్లోనే స్ట్రీమింగ్‌ అవుతున్నాయి. కానీ నాలుగు నెలల తర్వాత ఆడుజీవితం మళ్లీ రాబోతుంది.
థియేట్రికల్‌ రిలీజ్ అయిన సమయంలో ప్రేక్షకుల్లో ఈ సినిమాపై విపరీతమైన బజ్ క్రియేట్‌ అయ్యింది. అదే సమయంలో ఓటీటీ స్ట్రీమింగ్‌ చేసి ఉంటే కచ్చితంగా పాన్‌ ఇండియా స్థాయిలో రెండు మూడు వారాల పాటు ట్రెండ్‌ లో ఉండేది. ఇప్పుడు సినిమా గురించి జనాలు మాట్లాడుకోవడం లేదు.
ఈ సమయంలో సినిమా ను ఓటీటీ లో స్ట్రీమింగ్‌ చేస్తే మళ్లీ బజ్ క్రియేట్‌ అయ్యేనా, ఆ సమయంలో చూడాలి అనుకున్న వారు అంతా కూడా ఇప్పుడు ఓటీటీ లోకి వచ్చి చూస్తారా అనే అనుమానాలను కొందరు వ్యక్తం చేస్తున్నారు.
సలార్‌ నటుడు పృథ్వీరాజ్ సుకుమారన్ నటించిన ఈ సినిమా ఓటీటీ లో కూడా కచ్చితంగా భారీ విజయాన్ని సొంతం చేసుకునే అవకాశాలు ఉన్నాయి అంటూ మలయాళ ఇండస్ట్రీ వర్గాల వారు అంటున్నారు. నెట్ ఫ్లిక్ వారు ఈ సినిమాను జులై 19న అంటే ఈ వారంలోనే స్ట్రీమింగ్‌ చేయబోతున్నారు.
