అమీర్ ఖాన్ అందంగా ఉండ‌డ‌ని అత‌ని ఉద్దేశ‌మా?

బాలీవుడ్ మిస్ట‌ర్ ప‌ర్పెక్ట్ నిస్ట్ అమీర్ ఖాన్ హ్యాండ్ స‌మ్ లుక్ గురించి చెప్పాల్సిన ప‌నిలేదు. నిజంగా ఆయ‌న మిస్ట‌ర్ ప‌ర్పెక్ట్ నిస్ట్ అన‌డంలో ఎలాంటి సందేహం లేదు. హైట్ త‌క్కువైనా బాలీవుడ్ లో అంద‌గాడు. అందుకే కోట్లాది మంది అభిమానులు మెచ్చే హీరో అయ్యాడు. న‌ట‌న‌క్కొటే స‌రిపోదు బ్యూటీ కూడా గ్లామ‌ర్ ఫీల్డ్ కి అవ‌స‌ర‌మే. అయితే అమీర్ ఖాన్ దృష్టిలో మాత్రం తాను పెద్ద అంద‌గాడు కాద‌ని ఫీల‌వుతారు? అన్న సంగ‌తి ఆల‌స్యంగా వెలుగులోకి వచ్చింది.

ఈ విష‌యాన్ని స్వ‌యంగా అమీర్ ఖాన్ రివీల్ చేయ‌డం విశేషం. రియా చ‌క్ర‌వ‌ర్తి చాప్ట‌ర్ -2 పాడ్ కాస్ట్ లో అమీర్ ఖాన్ తన గురించి కొన్ని విష‌యాలు పంచుకున్నారు. హృతిక్ రోష‌న్, స‌ల్మాన్ ఖాన్, షారుక్ ఖాన్ లు చూడ‌టానికి బాగుంటారు. కానీ మ‌రి నా ప‌రిస్థితి ఏంటి? అంటాడు. ఇంత‌లో రియా చ‌క్ర‌వ‌ర్తి క‌లుగజేసుకుని మీరు కూడా అందంగా ఉంటారు. నాతో పాటు యావ‌త్ దేశం దీన్ని అంగీక‌రిస్తుంది అంటుంది.

అమీర్ మాట్లాడుతూ... చాలా మంది నా వేషాధార‌ణ చూసి హేళ‌న‌గా మాట్లాడేవారు. దీంతో సినిమాలు చేయ‌డం మానేద్దాం అనుకున్నా అంటారు. ఇంత‌లో మ‌ళ్లీ రియా ఎంట‌ర్ అవుతుంది. నేనెప్పుడు మీరు స్టైల్ గా ఉంటార‌ని చెప్ప‌లేదు క‌దా అంటుంది. అమీర్ ఆ మాట అన‌గానే మీరు అబ‌ద్దం చెబుతున్నారు. కావాలంటే లై డిటెక్ట‌ర్ ప‌రీక్ష పెడ‌తాను అన‌డంతో అంతా గ‌ల్లున న‌వ్వేసారు.

మ‌రీ అందం గురించి ఎందుకు మాట్లాడారు? త‌న అందంపై త‌న‌కెందుకు న‌మ్మకం లేదు? అమీర్ హేళ‌న‌కు కార‌కులు ఎవ‌రు? అస‌లేం జ‌రిగిందో తెలియాలంటే పూర్తి ఎపిసోడ్ చూడాల్సిందే. ఇది ఆగ‌స్ట్ 23 న స్ట్రీమింగ్ అవుతుంది. అంత‌వ‌ర‌కూ ప్రేక్ష‌కాభిమానులు ఎదురు చూడాల్సిందే. అలాగే రియా చ‌క్ర‌వ‌ర్తి పైనా అమీర్ ప్ర‌శంస‌లు కురిపించారు. ప్రియుడు సుశాంత్ సింగ్ రాజ్ పుత్ మ‌ర‌ణించిన‌ప్పుడు ఆ ప‌రిస్థితిని తాను ఎదుర్కుని ధైర్యంగా ఉండ‌టాన్ని అమీర్ మెచ్చుకున్నారు.