తెలుగు న‌టితో అమీర్ మేన‌ల్లుడు డేటింగ్?

ఇరా ఖాన్- నూపుర్ శిఖరే వివాహ రిసెప్షన్ చాలా స‌మీక‌ర‌ణాల‌ను ఆవిష్క‌రించింది. ఈ వేడుక‌లో టాలీవుడ్ యువ‌హీరో అక్కినేని నాగ‌చైత‌న్య ప్ర‌త్యేక ఆక‌ర్ష‌ణ‌గా నిలిచాడు. అమీర్ తో లాల్ సింగ్ చ‌డ్డా కోస్టార్ గా చైతూకి ప్ర‌త్యేక ఆహ్వానం అందింది. ఇక ఇదే వేడుక‌లో ఇమ్రాన్ ఖాన్ త‌న కొత్త‌ స్నేహితురాలు లేఖా వాషింగ్టన్ తో క‌లిసి క‌నిపించాడు.

ఇటీవ‌ల కొంత‌కాలంగా లేఖా వాషింగ్ట‌న్ తో అత‌డు స‌న్నిహితంగా ఉంటున్న ఫోటోలు వీడియోలు అంత‌ర్జాలంలో వైర‌ల్ అవుతున్నాయి. తాజాగా అమీర్ కుమార్తె విలాసవంతమైన ఈవెంట్‌లో ఈ జంట అంద‌రి దృష్టిని ఆక‌ర్షించింది. ఇమ్రాన్ ఇప్ప‌టికే త‌న భార్య అవంతిక నుంచి దూరంగా ఉంటున్నారు. ఈ జంట విడాకుల ప్ర‌హ‌స‌నం గురించి ఇంత‌కు ముందు చ‌ర్చ సాగింది.

ఇప్పుడు స‌డెన్ గా లేఖా వాషింగ్ట‌న్ తో స‌న్నిహితంగా ఉన్న ఇమ్రాన్ వేడుక‌లో సెంట‌రాఫ్ అట్రాక్ష‌న్ గా మారాడు. అమీర్ ఖాన్ మేన‌ల్లుడి కొత్త స్నేహం అంటూ దీనిపై బాలీవుడ్ మీడియా బోలెడ‌న్ని క‌థ‌నాలు అల్లేసింది.

లేఖా వాషింగ్ట‌న్ తెలుగు వారికి సుప‌రిచిత‌మైన క‌థానాయిక‌. ఈ బ్యూటీ అల్లు అర్జున్, మంచు మ‌నోజ్ క‌థానాయ‌కులుగా న‌టించిన వేదం చిత్రంలో ఒక క‌థానాయిక‌గా న‌టించింది. అనుష్క‌, ధీక్షా సేత్ లాంటి అంద‌గ‌త్తెలు ఉన్నా ఇందులో లేఖా వాషింగ్ట‌న్ త‌న‌దైన అందం, న‌ట‌న‌తో క‌ట్టి ప‌డేసింది. త‌మిళ అనువాద చిత్రాలతోను తెలుగులో క‌నిపించిన లేఖా ఆ త‌ర్వాత బాలీవుడ్ లోను ప‌లు చిత్రాల్లో న‌టించింది.

ఇమ్రాన్- లేఖా వాషింగ్ల‌న్ జంట అమీర్ ఖాన్ స‌హా మిగిలిన కుటుంబ సభ్యులతో కలిసిపోయి క‌నిపించింది. ఇమ్రాన్- లేఖా మధ్య కెమిస్ట్రీ ఫోటోల్లో స్ప‌ష్ఠంగా క‌నిపించింది. ఇరా ఖాన్ వెడ్డింగ్ రిసెప్షన్‌లో ఇమ్రాన్ ఖాన్ - లేఖా వాషింగ్టన్‌ల చిక్ ప్రెజెన్స్ ఖచ్చితంగా ఈవెంట్లో హైలైట్‌గా నిలిచింది.