మాఫియా బెదిరింపులతో సూప‌ర్‌స్టార్ బావకు భద్రత పెంపు!
గత ఏడాది సల్మాన్ ఖాన్, అతడి కుటుంబంపై బెదిరింపులు పెరిగినప్పటి నుండి ముంబై పోలీసులు వారికి భారీ భద్రతను ఏర్పాటు చేశారు
By: Tupaki Desk | 20 Feb 2024 3:40 PM GMT
గత ఏడాది సల్మాన్ ఖాన్, అతడి కుటుంబంపై బెదిరింపులు పెరిగినప్పటి నుండి ముంబై పోలీసులు వారికి భారీ భద్రతను ఏర్పాటు చేశారు. డాన్ లారెన్స్ బిష్ణోయ్ నుండి వస్తున్న బెదిరింపులతో సల్మాన్ ఖాన్ కుటుంబానికి చెందిన ప్రతి సభ్యునికి అధిక భద్రత, రక్షణ కల్పించాలని నిర్ణయించారు. ఇప్పుడు సల్మాన్ బావ గారైన ఆయుష్ శర్మ న‌టించిన `రుస్లాన్` విడుదలకు ముందు భద్రతకు కూడా అదనపు చర్యలు తీసుకుంటున్నట్లు మేము వింటున్నాము. యాక్షన్ ఎంటర్‌టైనర్ ప్రమోషన్స్ కోసం ఆయుష్ విస్తృతంగా ప్రయాణిస్తున్నందున ఇది ఒక ముఖ్యమైన ముందుజాగ్రత్త చర్యగా కనిపిస్తోంది.
ఇటీవలి మీడియా క‌థ‌నాల ప్రకారం... ఆయుష్ శర్మ విస్తృతమైన భద్రతతో ప్రమోషనల్ ఈవెంట్‌లకు హాజరవుతారు. ఇందులో అతడి ప్రతి బహిరంగ ప్రదర్శన సమయంలో అతడితో పాటు వచ్చే పోలీసు సిబ్బంది కూడా ఉంటారు. అంతేకాకుండా గ్యాంగ్‌స్టర్ ముఠా నుండి వచ్చిన పెద్ద బెదిరింపుల తర్వాత సల్మాన్ ఖాన్ పెట్టిన పెట్టుబడిలో భాగమైన బుల్లెట్ ప్రూఫ్ వాహనంలో శర్మ కూడా ప్రయాణించాలని భావిస్తున్నారు. పెద్ద జనసమూహంతో సంభాషించాల్సిన ఈవెంట్‌ల సమయంలో అతడి భద్రతను నిర్ధారించడానికి అధికారులు ఈ చర్యలన్నీ తీసుకుంటున్నారు.
డాన్ బెదిరింపుల‌పై సల్మాన్ ఖాన్ ముంబై పోలీసులను ఆశ్రయించిన అనంత‌రం కూడా లారెన్స్ బిష్ణోయ్ నుండి అతనికి వచ్చిన బెదిరింపులు మాత్రమే కాకుండా .. సల్మాన్ తండ్రికి పంపిన బెదిరింపు సందేశాలు క‌ల‌త‌కు గురి చేసాయి. దీంతో కేవ‌లం సల్మాన్ కి మాత్రమే కాకుండా పరిశ్రమలో ఉన్నత స్థాయి హోదాను కలిగి ఉన్న కుటుంబంలోని ఇతర సభ్యులకు కూడా అధిక భద్రత కల్పించాలని పోలీసు అధికారులు నిర్ణయించారు. దానితో పాటు గత సంవత్సరం 2023లో బెదిరింపులు పెరిగిన తర్వాత సల్మాన్ ఖాన్‌కు తన ఆత్మరక్షణ వ్యక్తిగత భద్రతా చర్యలలో భాగంగా వ్యక్తిగత ఆయుధాన్ని కలిగి ఉండటానికి లైసెన్స్ కూడా ఇచ్చారు. ఏడాది కాలంగా సల్మాన్ ఖాన్ ప్ర‌త్యేక బుల్లెట్ ప్రూఫ్ కార్ లో ప్ర‌యాణిస్తున్నారు.
