కియారా ఫోన్ కాల్ కి ఉక్కిరి బిక్కిరైన న‌టుడు!

బాలీవుడ్ సెల‌బ్రిటీల మ‌ధ్య క్ర‌ష్ అన్న‌ది ఎంతో ఓపెన్ అయిన అంశం. పెళ్లి అయిందా? కాలేదా? అన్న అంశాలేవి అక్క‌డ ప‌రిగ‌ణ‌లోకి రావు. ఏ సెల‌బ్రిటీ అయినా త‌న క్ర‌ష్ ని ఎంతో ఓపెన్ గా షేర్ చేస్తుంటారు. తాజాగా ఆన్ సెట్స్ లో జ‌రిగిన డిస్క‌ష‌న్ లో కియారా టాపిక్ ఇద్ద‌రు న‌టుల మ‌ధ్య తెర‌పైకి వ‌చ్చింది. `భేడియా` షూటింగ్ స‌మ‌యంలో చోటు చేసుకున్న కొన్ని స‌ర‌దా విశేషాలు బ‌య‌ట‌కు వ‌చ్చాయి.

వ‌రుణ్ ధావ‌న్...అభిషేక్ బ‌చ్చ‌న్ ని సెల‌బ్రిటీ క్ర‌ష్ గురించి అడిగాడు. వెంట‌నే అభిషేక్ బెన‌ర్జీ త‌న క్ర‌ష్ కియారా అంటూ ఓపెన్ గా రివీల్ చేసాడు. వెంట‌నే వ‌రుణ్ ధావ‌న్ స్పాట్ లో కియారాకి ఫోన్ చేసాడు. ఆమెతో కొన్ని నిమిషాల‌తో పాటు కాల్ మాట్లాడాడు. అనంత‌రం అభిషేక్ బెన‌ర్జీకి కియారా నుంచి కాల్ వ‌చ్చింది. అది చూసి అభిషేక్ షాక్ అయ్యాడు. వ‌రుణ్ కాల్ చేసిన సంగ‌తేది అభిషేక్ బెన‌ర్జీకి తెలియ‌కుండా జ‌రిగింది.

దీంతో అత‌డికి కాల్ లో ఎలా రియాక్ట్ అవ్వాలో అర్దం కాని ప‌రిస్థితి. అయితే ఈ విష‌యం గురించి కియారా ఇంత వ‌ర‌కూ ఎక్క‌డా ఓపెన్ అవ్వ‌లేదు. భేడియాలో వ‌రుణ్ ధావ‌న్, అభిషేక్ బెన‌ర్జీ, కృతిస‌న‌న్ క‌లిసి న‌టిం చిన సంగ‌తి తెలిసిందే. అమ‌ర్ కౌశిక్ తెర‌కెక్కించిన సినిమా మంచి విజ‌యం సాధించింది. ప్ర‌స్తుతం ఈ సినిమా సీక్వెల్ కి సన్నాహాలు జ‌రుగుతున్నాయి.

అదే ద‌ర్శ‌కుడు ఆ ఇద్ద‌రు నటుల‌తోనే ముందుకెళ్తున్నాడు. అయితే ఇందులో కృతిస‌న‌న్ ఉంటుందా? ఉండదా? అన్న‌ది క్లారిటీ లేదు. ఆమె స్థానంలో కియారాని తీసుకొచ్చినా ఆశ్చ‌ర్య‌పోవాల్సిన ప‌నిలేదు.

మ‌రేం జ‌రుగుతుంద‌న్న‌ది చూడాలి.