ఎర‌క్క‌పోయి ఇరుక్కుపోవ‌డం అంటే ఇదే!

కొంత కాలంగా న‌టుడు సిద్దార్ధ్ వివిధ అంశాల‌పై మాట్లాడుతూ వివాదాస్ప‌ద‌మ‌వుతోన్న సంగ‌తి తెలిసిందే. సినిమాల కంటే సంచ‌ల‌న వ్యాఖ్య‌ల‌తోనే వార్త‌ల్లోకి వ‌స్తున్నాడు. ఈ నేప‌థ్యంలో హైద‌రాబాద్ లో జ‌రిగిన ఓ సాహితి ఉత్స‌వంలో మ‌రోసారి సినిమాల గురించి...వాటి ఫ‌లితాల గురించి ఆస్తిక‌ర వ్యాఖ్య‌లు చేసాడు. సినిమాకు భారీ వ‌సూళ్లు వ‌చ్చినం త మాత్రాన అది మంచి సినిమా అవ్వ‌ద‌న్నాడు. అలాగే సినిమా ఇండస్ట్రీ కళకు బదులు కామర్స్ ప్ర‌ధానంగా మారింద‌ని ఎద్దేవా చేసాడు.

సినిమా అనేది కేవ‌లం క‌మ‌ర్శియ‌ల్ ఎలిమెంట్ గా మారిపోయింద‌ని, బ‌డ్జెట్, వ‌సూళ్లే ప్రామాణికంగా ఇండ‌స్ట్రీ న‌డుస్తుంద‌న్నాడు. సినిమాలెవ‌రూ కూడా బాధ్య‌త‌గా చేయ‌డం లేద‌న్నాడు. సమాజంలో మహిళలు, పిల్లలు ఎక్కువగా హింసకు గురి అవుతున్నారని వారి భద్రత గురించి ప్రతి ఒక్కరూ బాధ్యతగా వ్యవహరించాల‌ని సూచిం చారు. అలాగే హీరోయిన్ల‌తో న‌టించే సన్నివేశాలు ఎలా ఉంటాయో కూడా చెప్పే ప్ర‌య‌త్నం చేసాడు.

రొమాంటిక్ స‌న్నివేశాల మ‌ధ్య లిమిటేష‌న్ గురించి మాట్లాడాడు. ప్ర‌స్తుతం ఈ వ్యాఖ్య‌లు నెట్టింట వైర‌ల్ అవుతు న్నాయి. ఈ నేప‌థ్యంలో సిద్దార్ద్ నెటి జ‌నుల‌కు టార్గెట్ అయ్యాడు. సిద్దార్ధ్ లో ఈ రక‌మైన మార్పు చూసి షాక్ అవుతున్నామ‌ని ఓ నెటి జ‌నుడు పోస్ట్ చేసాడు. అలాగే సిద్దార్ద్ కెరీర్ ఆరంభంలో చేసిన సినిమాలు..వాటిలో హీరోయి న్ల‌తో ఉన్న స‌న్నివేశాల గురించి చ‌ర్చించాడు. అంతేనే సిద్దార్ద్ స‌మాజాన్ని మార్చేలా ఇంత‌వ‌ర‌కూ ఎలాంటి సినిమాలు చేసాడో? చెప్పాల‌ని డిమాండ్ చేస్తున్నారు.

తెలుగు ఇండ‌స్ట్రీలో స‌క్సెస్ లు చూసి అత‌గాడు జీర్ణించుకోలేకపోతున్నాడ‌ని విమ‌ర్శిస్తున్నారు. ఈ మ‌ధ్య కాలంలో భారీ వ‌సూళ్లు సాధించిన ఓ పాన్ ఇండియా సినిమా గురించే సిద్దార్ద్ ఇలా మాట్లాడినట్లు మండిప‌డుతున్నారు. పాన్ ఇండియా చిత్రాల‌కు టాలీవుడ్ తెర తీస్తే? అదే పాన్ ఇండియా సినిమాలు మ‌ణిర‌త్నం, శంక‌ర్ లాంటి వారు ఎప్పుడో చేసార‌ని కొత్త‌గా పాన్ ఇండియా సినిమా ఏంట‌నే వాద‌న‌కు సిద్దార్ద్ గ‌తంలో దిగిన సంగ‌తి తెలిసిందే.