రేటు తగ్గించుకొని ఒకే చెప్పిన అల్లరోడు

టాలీవుడ్ లో కామెడీ హీరోగా కెరియర్ స్టార్ట్ చేసిన నటుడు అల్లరి నరేష్. తండ్రి దర్శకత్వంలో ఎన్నో కామెడీ సినిమాలు చేసిన అల్లరి నరేష్. తన సినిమా పేరునే ఇంటి పేరుగా మార్చేసుకున్నాడు. అయితే తండ్రి ఇవివి మరణం తర్వాత అల్లరి నరేష్ చేసిన కామెడీ సినిమాలు అన్ని గాడి తప్పాయి. ఒకే మూసలో వెళ్లడంతో పూర్తిగా ఫెయిల్ అయ్యాయి. దీంతో రూట్ మార్చి గమ్యం, శంభో శివ శంభో లాంటి సినిమాలలో ఇంటరెస్టింగ్ రోల్స్ చేశారు.

అవి వర్క్ అవుట్ అయ్యాయి. సూపర్ స్టార్ మహేష్ బాబు మహర్షి సినిమాలో కూడా కీలక పాత్రలో నటించాడు. ఆ క్యారెక్టర్ మంచి పేరు తీసుకొచ్చింది. దీంతో హీరోగా కూడా రూట్ మార్చి నాందితో బ్లాక్ బస్టర్ హిట్ కొట్టాడు. దీని తర్వాత ఇటు మారేడుమల్లి ప్రజానీకం అనే మూవీ చేశారు. ఈ సినిమా కాన్సెప్ట్ బాగున్నా అంతగా వర్క్ అవుట్ కాలేదు. ఉగ్రం మూవీతో ఏకంగా యాక్షన్ హీరో అవతారం ఎత్తాడు.

అయితే సినిమా స్క్రీన్ ప్లేలో లోపాలు కారణంగా ప్రేక్షకులకి ఆశించిన స్థాయిలో రీచ్ కాలేదు. కానీ నటుడిగా మాత్రం ఉగ్రం అతన్ని నెక్స్ట్ లెవల్ కి తీసుకెళ్లింది. సీరియస్ రోల్స్ లో నరేష్ కనిపించిన ప్రేక్షకులు యాక్సప్ట్ చేస్తారని క్లారిటీ వచ్చింది. దీంతో కొత్త కొత్త క్యారెక్టర్స్ ని ట్రైచేయాలని నరేష్ కూడా డిసైడ్ అయిపోయాడు. రీసెంట్ గా సభకు నమస్కారం అనే మూవీకి గ్రీన్ సిగ్నల్ ఇచ్చాడు.

అయితే ఇప్పుడు కొత్తగా కింగ్ నాగార్జున సినిమాలో కీలక పాత్ర కోసం అతని పేరు తెరపైకి వచ్చింది. మంచి ప్రాధాన్యత ఉన్న రోల్ కావడంతో ముందుగా ఈ చిత్రాన్ని పూర్తి చేయాలని అల్లరి నరేష్ డిసైడ్ అయినట్లు టాక్ వినిపిస్తోంది. హీరోగా నరేష్ రెండు కోట్ల వరకు రెమ్యునరేషన్ తీసుకుంటున్నాడు. అయితే ఇప్పుడు స్పెషల్ రోల్ కోసం తన బడ్జెట్ తగ్గించుకొని ఒప్పుకున్నాడంట. పాత్ర నచ్చడంతోనే చేయడానికి ఒకే చెప్పినట్లు తెలుస్తోంది.

ఇప్పటికే ఇతర హీరోల సినిమాలలో నరేష్ కీలక పాత్రలు చేస్తూ వస్తున్నాడు. అలాగే ఇప్పుడు కింగ్ నాగార్జున మూవీ కోసం కూడా అతను గ్రీన్ సిగ్నల్ ఇవ్వడం విశేషమని చెప్పాలి. అలాగే అతను గమ్యం, శంభో శివ శంభో, మహర్షి సినిమాలలో చేసిన పాత్రలు అతనికి మంచి ఇమేజ్ తీసుకొచ్చాయి. ఈ సెంటిమెంట్ ప్రకారం చూసుకుంటే కచ్చితంగా కింగ్ నాగ్ మూవీలో కూడా మంచి రోల్ పడి ఉంటుందనే మాట వినిపిస్తోంది.