బాలయ్య.. ఆ సర్ ప్రైజ్ ఏంటి?

నందమూరి బాలకృష్ణ భగవంత్ కేసరి సినిమాతో బ్లాక్ బస్టర్ హిట్ ని తన ఖాతాలో వేసుకున్నారు. అనిల్ రావిపూడి దర్శకత్వంలో వచ్చిన ఈ సినిమా బాలయ్య కెరియర్ మరో బిగ్గెస్ట్ హిట్ గా నిలిచింది. ఇప్పటికి డీసెంట్ కలెక్షన్స్ తో థియేటర్స్ లో కొనసాగుతోంది. ప్రస్తుతం బాలయ్య బాబీ దర్శకత్వంలో సినిమాని సెట్స్ పైకి తీసుకొని వెళ్ళబోతున్నారు. ఈ సినిమా పూజా కార్యక్రమాలతో ఇప్పటికే ప్రారంభం అయ్యింది.

త్వరలో రెగ్యులర్ షూటింగ్ స్టార్ట్ చేయడానికి దర్శకుడు బాబీ ప్లాన్ చేసుకుంటున్నారు. ఇదిలా ఉంటే తాజాగా బాలయ్యకి సంబందించిన ఒక మేకింగ్ వీడియో బయటకొచ్చింది. ఈ వీడియో ప్రస్తుతం సోషల్ మీడియాలో వైరల్ అవుతోంది. బ్యాటిల్ ఆఫ్ బ్రీత్ అనే టైటిల్ తో ఈ మేకింగ్ వీడియోని రిలీజ్ చేశారు. ఓటీటీ కోసం ఈ వీడియోని బాలయ్య చేసినట్లు కనిపిస్తోంది.

అయితే కమర్షియల్ యాడ్ కోసమా లేదంటే ఏదైనా రియాలిటీ షోకోసమా అనేది తెలియలేదు. యుద్ధవీరుడు గెటప్ లో బాలయ్య గుర్రంపై స్వారీ చేస్తూ క్రిందికి దిగుతున్నట్లు ఈ మేకింగ్ వీడియో ఉంది. విజువల్ లో బాలయ్య గెటప్ గౌతమిపుత్ర శాతకర్ణి తరహాలో ఉంది. ప్రస్తుతం బాలయ్య వారియర్ తరహా క్యారెక్టర్ తో ఎలాంటి మూవీ చేయడం లేదు. అయితే సోషల్ మీడియాలో మాత్రం బాలయ్య కొత్త సినిమాకి సంబందిన్చింగ్ మేకింగ్ వీడియో అంటూనే వైరల్ చేస్తున్నారు.

యుట్యూబ్ ఛానల్స్ కూడా ఈ వీడియోని తన ఛానల్స్ లో పెట్టుకున్నాయి. అయితే ఈ మేకింగ్ వీడియోతో పాటు రీసెంట్ గా ఈ లుక్ కి సంబందించిన ఒక పోస్టర్ కూడా రిలీజ్ చేశారు. పోస్టర్ లో బాలయ్య లుక్స్ చాలా వైబ్రెంట్ గా ఉన్నాయి. ఈ తరహా క్యారెక్టర్ తో మూవీ పడితే మాత్రం కచ్చితంగా నెక్స్ట్ లెవల్ లో ఉంటుందని సినీ విశ్లేషకులు అంటున్నారు.

అయితే ఒటీటీ కోసం చేసిన ఈ బ్యాటిల్ ఆఫ్ బ్రీత్ షూటింగ్ అసలు మ్యాటర్ ఏంటి అనేది కొద్ది రోజుల్లో బయటకి వచ్చే అవకాశం ఉంది. అంత వరకు వెయిట్ చేయాల్సిందే. బాలయ్య అభిమానులు మాత్రం ఈ మేకింగ్ వీడియోని తన ట్విట్టర్ హ్యాండిల్స్ లో వైరల్ చేస్తూ ఉండటం విశేషం.