వీడియో: నవీన్ పోలిశెట్టి సింగిల్ హ్యాండ్ కష్టాలు!

టాలెంటెడ్ యాక్టర్ గా టాలీవుడ్ లో తనకంటూ ప్రత్యేకమైన ఇమేజ్ క్రియేట్ చేసుకున్న నటుడు నవీన్ పొలిశెట్టి. లైఫ్ ఈజ్ బ్యూటిఫుల్ సినిమాలో చిన్న క్యారెక్టర్ తో కెరియర్ స్టార్ట్ చేసిన నవీన్ తరువాత హిందీలో కూడా ఓ సినిమాలో నటించాడు. మహేష్ బాబు నేనొక్కడినే చిత్రంలో ఓ ఇంటరెస్టింగ్ రోల్ లో కనిపించాడు. ఏజెంట్ సాయి శ్రీనివాస ఆత్రేయ సినిమాతో నవీన్ పొలిశెట్టి హీరోగా మారి మొదటి సక్సెస్ అందుకున్నాడు. ఆ తరువాత లాంగ్ గ్యాప్ తీసుకొని జాతిరత్నాలు సినిమాతో బిగ్గెస్ట్ బ్లాక్ బస్టర్ సక్సెస్ సొంతం చేసుకున్నాడు.

జాతిరత్నాలు సినిమా నవీన్ పొలిశెట్టి ఇమేజ్ ని అమాంతం మార్చేసింది. మళ్ళీ చాలా గ్యాప్ తీసుకొని గత ఏడాది మిస్ శెట్టి మిస్టర్ పొలిశెట్టి సినిమాతో నవీన్ పొలిశెట్టి హ్యాట్రిక్ హాట్ ని అందుకున్నాడు. అనుష్క ఈ సినిమాలో హీరోయిన్ గా నటించడం విశేషం. వీరిద్దరి లవ్ స్టోరీ సినిమాలో చాలా ఇంటరెస్టింగ్ గా ఉంటుంది. ఈ సినిమా తర్వాత నవీన్ పొలిశెట్టి నుంచి స్పీడ్ గా మూవీస్ వస్తాయని అందరూ భావించారు. సితార ఎంటర్టైన్మెంట్స్ లో ఒక ప్రాజెక్ట్ కన్ఫర్మ్ అయ్యి ఉంది.

అలాగే మైత్రీ మూవీస్ మేకర్స్ లో కూడా ఒక సినిమాకి కమిట్ అయినట్లు టాక్ వినిపించింది. ఈ ఏడాదిలో నవీన్ నుంచి ఒక్క సినిమా అయిన వస్తుందని ఎక్స్ పెక్ట్ చేశారు. అయితే గత ఏడాది నవీన్ పొలిశెట్టి అమెరికా వెళ్లారు. అక్కడ రోడ్డు ప్రమాదంలో గాయపడ్డారు. తరువాత ఈ విషయం బయటకి తెలిసిందే. గత ఆరు నెలల నుంచి అమెరికాలోనే నవీన్ పొలిశెట్టి ఉంటున్నారు. గాయాల నుంచి కోలుకునే ప్రయత్నం చేస్తున్నాడు. ఇప్పటికి ఒక హ్యాండ్ కి బ్యాండేజ్ ఉంది.

ఇదిలా ఉంటే తాజాగా ఒంటి చెయ్యితో తాను ఎలాంటి ఇబ్బందులు పడుతున్నాను అనేది నవీన్ పొలిశెట్టి ఒక వీడియోలో సరదాగా ప్రెజెంట్ చేశారు. హ్యాండ్స్ గురించి సాంగ్స్, డైలాగ్స్ ప్లే అవుతూ ఉంటే వాటికి తనదైన శైలిలో హావభావాలు పలికిస్తూ, డైలాగ్స్ చెబుతూ హాస్యాన్ని పండించారు. ఈ వీడియో చాలా ఫన్నీగా ఉంది. దీంతో సోషల్ మీడియాలో వైరల్ అవుతోంది. సింగిల్ హ్యాండ్ ఉన్న వారి కష్టాలని ఈ వీడియోలో నవీన్ కామెడీగా చూపించడం అందరికి నచ్చింది.

లైఫ్ ఒక జిందగీ అయిపొయింది. సి త్వరలో కలుద్దాం జాన్ జిగర్ అంటూ ఆ వీడియోకి నవీన్ పొలిశెట్టి కామెంట్ పెట్టారు. ఈ వీడియోపై నెటిజన్లు నుంచి నవీన్ కి ప్రశంసలు లభిస్తున్నాయి. అంత కష్టాన్ని భరిస్తూ కూడా ఎంటర్టైన్ చేయడం గ్రేట్ అని పొగిడేస్తున్నారు. నువ్వు చాలా మందికి ఇనిస్పిరేషన్ అంటూ కొంతమంది కామెంట్స్ చేస్తున్నారు.